فوارق طبقيه

7

رساله لكل بنت لاتنخدعي بالكلام المعسول والشكل

والشخصية المزيفه فمن ارادكي يتحدى الصعاب

من اجلك ولا تقف فوارق الدنيا بعينه فحذاري و

الحذاري من الذئاب البشريه.

مشت بينا السياره اباوع ماعرف احنه وين لحد يكلي
شنو متعرفين.
اي ماعندي احد يطلعني غير مرات امي من تاخذني للسوك.

_ اكلك هيثم وين احنه.

_ حبيبتي هاي منطقه اسمه اليرموك.
ان شاء الله اجيبج كل فتره هنا.

_ عفست وجهي وكتله شنو شعندي هنا لا ماريد واصلا اليوم مضطره اني.

_ ندار عليه وابتسم وكال اموت اموت على هل خلقه الحلوه.
شخلفوا امج وابوج
اخ وخلوني مسطور.

ها اها وصلنه.

_ هميت روحي دانزل
كال

_ اوكفي اوكفي خلي اطلع قبلج انطي خبر لخالتي وتعالي ورايه دوسي المصعد الطابق الثالث
تمام.

هزيتله راسي بالقبول.

_ نزل بكل همه وفرح
اباوع على طوله وعرض جتافه ياربي والله والله احبه لالا
مغلطت بجيتي هو يحبني واني احبه يستاهل اخاطر لأجله.
خلصت الخمس دقايق ونزلت
توجهت للعماره حديثه والمنطقه راقيه كلش وهدوء ماعرف هذا الشفته.
فتت توجهت للمصعد ودست الطابق الثالث
وقلبي يدك...يدك....يدك
ماعرف شبي كانه ينبهني عن حدوث شي فعلا لو كالوا قلب المؤمن دليله واني للأسف تجاهلت كل التنبيهات.

اول مفتح المصعد لكيته بوجهي واكف مبتسم يربي حبي اله وغيرتي عمتني عمتني عنه.

هيثم/ هاحبي تاخرتي وينج.

هبه/ يله وينه طيبه.

_ دتعالي رايحه اجيب المضمد لخالتي فوتي فوتي خطيه نايمه جوه .

اريد اعرف وين عقلي وين جان نايم ساعتها

مجرد مخليت رجلي باب الشقه ياربي احساس غريب يشهد ربي انتابني تندمت وخفت خفت كلش.
بسرعه نداريت لكيته يقفل بالباب وعلامات على وجهه غريبه.