أحياناً لاتصدمنا الاخطاء
بقدر
ما يصدمنا من قاموا بها
...... نحن نتغير........
بعد الصمت
بعد الصدمات
بعد الاخطاء
بعد الذنوب
بعد قوة الضربات
بعد الطعنات
بعد الخذلان
هكذا نحن نتغير فلا تسأل شخصا لماذا تغيرت بل أسأل ماذا حل به من خيبات الامل....
.
.
.
هبه/
لحضه ذهول وتفاجئ وصدمه ورهبه وآني اسمع اخر صوت امام اخر إنسان حابه يشهد هل موقف.
مينا/
لج هلو شلونج مشتاقتلج لوتدرين شكد واحشتني كومات كومات ميته عليج بذاته والله .
ادري مصدكتي ازوجتي شو بس شفتي الرجال نسيتي الاول والتالي.
هبه/
تحجي تحجي واني مصدومه بكد مفرحانه بيها ومشتاقتله.
مينا/
ولج وينج كالو حامل بتوم.
هبه/
ها حبيبتي مينو شلونج اخبارج خاله شلونها
ها اي اي حامل والله.
اكلج مينو حبيبتي ااااا مين جبتي رقمي الجديد.
مينا/
لج موصوجج عبالي ادميه وشتاقيتيلي على كلا تلاكيت ويه امج بالسوك سألته عليج وهيه نطتني رقمج.
هبه/
ومشت الايام نتخابر اني وياها وتونست كلش على الاقل افظفظ الها تفهم عليه.
ومرات نسوي مكالمات جماعيه كلش نفسيتي تغيرت
وحاليا داحجي بالتلفون
اي مينو شلونه واهسج للجامعه نفسيتج متونسه كلشي تمام.
مينا/
يعني ماكو صاكين مصكصكين كلهم شخصيات عاديه.
هبه/
وشتردين خارقين يعني المهم انسان يحترمج ويحبج وتكونون متوالمين يكفي هذا كلش.
_ والعندج بي هذه المواصفات لا لو جايه تحلمين بيها.
هبه/
جفلت من كلامه تفاجات شوكت اجه ودخل للغرفه ومتصنت على كلامي وكلام مينا.
كملت جفلانه وبهدوء وبسرعه نهيت المكالمة ويه مينا خفت ليفشلني ويحجي كلام ثاني.
ها الله يساعدك شوكت جيت محسيت عليك.
رائد/
تحسين عليه لا مين انتي ملتهيه بمواصفات فارس الاحلام.
هبه/
ترى مفهمتني اني دا.....
رائد /
سمعت وفهمت كلش كلش زين
وبعدين ويامن جنتي تحجين.
هبه/
ها
رائد /
شنو مسمعتي اني اكلج
لازم ويه اخت الظابط الجيران الحنين الوفي.
هبه/
كال كلامه ورأسا طلع مغثوث معاجبه كلشي وطبك الباب حيل.
بيومه راح يم فرح نزع وبدل وكضه اليوم وثاني يوم كله يمها مطايق يشوف وجهي مكاعد افهم عليه
أنت تقرأ
فوارق طبقيه
Acciónفتاة بسيطه يستقوي عليها رجل غني احبها بطريقة الخاصه لترى كل انواع الذل والظلم وأم تقوم ببيعها من أجل مصالح زوجها لتقع في وكر الذئاب. وزوج ظلمها بقدر حبه لها ليترك لها بصمة تعاني منها ماتبقى من العمر جمال/ وفقر/ وعذاب/ وغدر/ ورايات سوداء جميعها أجت...
