في مكان ما بعد مرور تسعة اشهر:
_ شلون جازفت وجيت شلك لازم بيه ها اني هذا الوصيتك عليه.
_ ماكدر يخوي ماكدر قلبي نار عليك عفت الاول والتالي ولحكتك تعال ليش أخبارك مكطعه ومحد يعرفلك خبر.
_ هذا اللازم يصير وانت هم ميصير تظل هين.
الشي الوحيد القالقني مسمعت اخبارهم وين صفه الدهر بيهم وشلون اردهم.
_ لتخاف لتخاف حالهم احسن من حالنه شوف وين شمرتنه
والكباريه كاعدين اذا نثرمنه هسه منو يعرفنه ويذكرنه ها.
_ حكوم ادفرك حلكك خيطه لحين متفرج.
___________________________
.
.
هبه/
مرت ايام واسابيع واشهر وكل من يشوفني يكول
اي تغيرت ونست وعدت الا النار الشاعله بصدري احسب
عمرهم هسه ثمن اشهر يمكن ديزحفون وكعدوا شلونهم منو
يراعيهم المن يشبهون زين يشابهون ميشابهون اوف
اوف كل مافكر هيجي بودي اكطعها الروحي.
شكلي وجسمي وعافيتي كله كله رجع وتعافى اله هذا
القلب ميتجمل وصابه مرض وتشوه ماعتقد يوم يتشافى.
................
كدام المرايه واكفه أعدل بروحي وأتذكر قبل شهر من ندك الجرس
ودخل يزن يكول رجال بالباب
طلعت أمي وتأخرت دقايق وطبت عود ظايجه
-شفتي شفتي الاغبر طلكج محكمه غيابي طاح حظه.
- ظلت صافنه بوجهه بدون ردة فعل مني بس كلتلها.
يمه ولدي اذا أشتكي بالمحكمه مو من حقي.
سجود/
يبو يبو عليج تردين تفرفريني بالمحاكم تالي عمري ولج يمه عافج ونكرج انسي انسي كلمن بمكانه.
هبه/
يمه فدوه بس اشوفهم والله حموت حسي بيه قلبي وارم عليهم مداكدر أنام وكعد فكري يمهم.
سجود/
ولج أنتي ثوله لو تردين تموتيني ولج شمرج شمرت الچلب بيومها صدك لزمتني وظربتني ومحد خلصني منها غير أم نور ويزن يجرون بيها كطعته الشعري بيدها.
من يومها خفت احجي وأنطق أصلا.
.........................
سجود/
يمه هبه مكملتي م......صلوات صلوات رجعت
بنيتي نورت وتفحت يمه الولد بره ينتظرج.
هبه/
اجيت يمه كملت ماعندي شي ها اها.
سجود/
يمه شيكلج الولد لجادلي هو اكبر وافهم منج
اليوصيج عليه كليله تم.
هبه/
شنو تم ها شنو مو مشيت وراج مغمضه شحصلت
ظيعيتيني وضيعتي ولدي دمرتي تلث نفرات خليني ساكته لخاطر الله.
أنت تقرأ
فوارق طبقيه
Actionفتاة بسيطه يستقوي عليها رجل غني احبها بطريقة الخاصه لترى كل انواع الذل والظلم وأم تقوم ببيعها من أجل مصالح زوجها لتقع في وكر الذئاب. وزوج ظلمها بقدر حبه لها ليترك لها بصمة تعاني منها ماتبقى من العمر جمال/ وفقر/ وعذاب/ وغدر/ ورايات سوداء جميعها أجت...
