فوارق طبقيه

45

مت قبل اللقاء شوقا فلما

جاد لي باللقاء مت سرورا

أنا ميت في الحالتين ولكن

هجر الموت عاشقا مهجورا

دعيني أؤسس دولة عشق

تكونين أنت الملكة فيها

...... وأصبح فيها أنا أعظم العاشقين.....

--------------------

هبه/
أريد أستوعب الكلام الكاعد دكوله عمتي وقلبها محروك شبيها هاي.

أم فراس/
عيوني الحجيه تريدج.

- ياحجيه عمه.

-ها تغشمين نفسچ الحجيه أم ناطق متعرفيها كالتها وعاوجه حلكها.

هبه/
بتعجب؟
جدة رائد خيرها مو كلتو مريضه فد نوب هل الحجي قبل سنتين شصار ورادتني.

ام فراس/
أي رايدتچ على فراش الموت وكالت جيبولي هبه اريد اشوفها
ششوف منچ منعرف يله عيوني جهزي روحچ دنروح
وبهزة أيد
ولو متحتاجين تجهيز عبالك عرس رايحه مو كليه.

سجود/
اااا هبه ممجبره ترحين اذا مرايده براحتچ و.........

- قاطعتها عمتي.

ام فراس/
لامجبره مجبره يسجيده وتعرفين كلش زين وحجينه وأجاج أتصال بعد عليش اطوليها
ولو عليه ما أجي ولا اتعب روحي وشوفچن.

- عمه يمه شبيكم تتناطحون بالكلام شكو شنو الصاير
أني كلش احبها واحترمها للحجيه ومشفت شي منها
خطيه.
كلش أقدر طلبها اذا حابه تشوفني.

بس دقيقه عمه ادخل اعدل شكلي وملابسي وأجي وياچ
ها يمه شتكولين اروح.

سجود/
بأنفعال
بكيفچ بكيفچ
مامنعچ اني انتي حره.

- طبيت شويه عدلت وجهي بشي طبيعي وعدلت شعري بدلت ببلوز ثاني.

وطلعت الهم بالهول عمتي من شافتني عوجة حلكها ومتنرفزه وتهز بأيدها وبراسها مراضيه عليه.

- عمه اذا مراضيه ليش جيتي اشوفج من طبيت لي هسه ممصرفلچ الوضع حجيت بأنفعال.

- يله عيوني يله نتوكل ورانه طريق وهسه ازدحام حلة موظفين وكليات عود.

- قابل طريق خارجي هو هياته بيتچ كتلها.

سجود/
ترى انتظرچ هبه يمه رجعي عود.

- ههههه شبيچ يمه قابل حبات شعندي ساعه زمان وراجعه.

سجود/
بتنهيده آه
أن شاء الله.

.............................

حاليا احنه كاعدين بالسياره ويه السايق الچان بالباب
متوجهين لبيت عمتي المفروض.

هبه/
أكول عمه.

-كولي خير.

- كأنه هذا مو طريق بيتچ شو طلعنه عن منطقتنا هوايه.