فوارق طبقيه

8

.
.
.
الم
الم
وحده
تشتت
ضياع
ذهول
لحظه ادراك
.
.

_ دخلت بيبيتي فرحانه للام العريس واني العريس
ذابحني من الوريد للوريد
يعني شستفاد من البارحه يكسرني ويدور راحته بيه
واليوم يجيب اثاث غرفته .

_ انتبهت على عمتي وهي تكمل كلامه

_ وشدعوه هيجي مستعجل ذاك اليوم سمعنه بخطبته.

بيبي/ شعنده يمه الغرفه مصبوغه دكول امه
والسوك موجود ويرادله بس فلوس وهو الحمد لله متمكن يكمل كلشي بأسبوع يجيبه ويجي.

كمت من يمهم لان ما اتحمل بعد اعصابي بدت تنهار ومضلتلي طاقه للتحمل.

حاولت الهي نفسي بالكتب
رديت بالتنظيف
بعدين المواعين
الطرمه
كله كله مفادت ومراح تفيد مدام اثاره على جسمي.

كملت الجمعه واجه السبت وخلص وكله كله محاسه بي ماعرف الايام دتمشي لو اني دادور حول نفسي.

وهذا هو مصباح الاحد تجهزت حتى اروح للمدرسه يعني منو يفيدني واغيب واقصر بمستقبلي لا.

بس الروح تلوب وتلوب عواطفنه مو دكمه وادوسه واكرهه لو احبه موبيدي والله.
حقدت
روحي نفرته
ضجت منه
كله اكلكم اي بس بعد بعد وكت للكره صدكوني مراهقه وهذا تفكيري وشعوري.

الي ميعرفني اني بنيه محبه ومسامحه للكل
لحد الان مصار ويايه موقف حتى اعرف نفسي او اقيمها.
يجوز المستقبل او الايام الجايه كفيله.

_ صباح الخير بيبي

_ صباح الورد حبيبه اليوم جنج العافيه يمه.

ان شاء الله بيبي يله رايحه للدوام محتاجه شي اجيب شي ويايه.

_ تعالي اكليلج لكمه يمه.

لاوالله ماريد حبيبتي.

_ لعد جيبي وياج خبز وبتيته وبيتنجان
عندج فلوس يمه.

_ عندي عندي بيبي.
طلعت ورحت للمدرسه امشي بالشارع وراسي بغير وادي شو مشفت نفسي اله اباب المدرسه.

طبيت للصف مينا كاعده والبنات يمها .
محجينه لان اليوم اني متقصده طلعت متاخره فوصلت ويه وكت الجرس.

_ اول فرصه اجتي

مينا / هبه

هبه/ مينا رجاءا  اذا تفتحين موضوع اخوج صدكي تخسريني خلينه صديقات والله يسعده بحياته هو من حقه يختار الي تناسبه ويفتخر بيها بين الناس.

مينا/  شنو هل كلام هبه يافخر يا.

قاطعت كلامها
اي مينا اي للاسف فهمت وفهمت متاخر هوااااايه متاخر.

مينا/  هبه شبيج فهميني شنو الفهمتي.

هبه /  تعرفين شنو الي فهمته
هسه اكلج
اذا ابن خالتج يشتغل عامل نظافه ترتبطين بي