فتاة بسيطه يستقوي عليها رجل غني احبها بطريقة الخاصه لترى كل انواع الذل والظلم
وأم تقوم ببيعها من أجل مصالح زوجها لتقع في وكر الذئاب.
وزوج ظلمها بقدر حبه لها ليترك لها بصمة تعاني منها
ماتبقى من العمر
جمال/ وفقر/ وعذاب/ وغدر/ ورايات سوداء
جميعها أجت...
تدرون كلش احبها لهاي الظفيره بصراحه تلوكلي وهي تحب شعر ثخين وآني ماشاء الله ترهم لشعري كلش.
الابتسامه مدتفارك حلكي.
هناك واخذتني احلامي وين..... اني وماهر متزوجين وكاعدين ابيتي الجديد ومرتبت على ايدي وعدنه جهال وهو يلعبهم يعني احلام كل شابه بالاستقرار من حقي احلم واحلق.
سجود/ هبه هبه شبيج مدسمعين بلاعيمي طكت واني اعيط.
هبه/ فزيت من دخول امي المفاجىء ها يمه لا لا كملت بس ويامن نروح.
سجود/ بتكسي يعني ويامن.
هبه/ ها لا بس عبالي ويه عمو ابو يزن.
سجود/ لا نروح للمحكمه.
هبه/ فكيت عيني ليس محكمه يمه انتي موكلتي بس كاتب عدل.
سجود/ اني ماسوي شي مكطم اريد اصدقها وكلشي تمام مصير هذا مو لعب ولا يوميه اسحلج للدوائر
سوي الاكلج عليه وبس لظلين ادققين اني كلشي اسوي لمصلحتج.
اذكري أمج اني مو عدوتج.
هبه/ تمام تمام يوم شكلت اني بس سألت.
- لسألين اني افهم منج.
......
_ رحنه بعد متريكنه بالبيت وطلعنه اني كل خطوه اخطيها الله شاهد رجلي ترجف وقلبي يركض مو يدك.
ماعرف شبيه يعني بعز الظيم يم عمتي محسيت بهذا الشعور.
