.
.
.
هبه/
نمنه بعد ليل متعب متعب بشكل هذا الرجال غريب عجيب اباوع عليه وهو نايم مبتسم معقوله
صدك يحبني زين شوكت وليش والله غريبه.
فزيت على ايده وهيه تغمض عيني.
رائد /
يولي نامي صارلج ساعه دحكين عليه اعرف روحي حلو.
هبه/
عزا شلون فشله شلون شافني ولا حسيت عليه ولا شفته فتح
ها لا لا
هيجي صفنت وصارت بوجهك.
رائد /
يحجي ويغمز
خاف تردين جوله رابعه احجي يا مره لتستحين حقج هذا ههههههه.
هبه/
متشوفوني اله بس الشخير مالتي لان بصراحه ماعنده بيه رابعه وخامسه.
_________
كعدنه الصبح على حس الباب والهلاهل تارسه الطابك الفوك.
رائد /
شنو هاي ميخلون الواحد ياخذ راحتوا.
هبه/
يا عبالي من وكت طلعت بالدعش حكوم افتحلهم الباب.
رائد/
لبسي روب على هدومج شنو هاي شلابسه شعامله استغفر الله نسوان ولاتملن.
تعالي يبه ارضيج.
هبه/
خجلت دنجت على ملابسي صدك كلشي طالع شكد استحيت.
بعدين كتله شعليه اني غير انت جايبهم مادري امي.
دك.....دك.......دك......
رائد /
يابه كسرتوا الباب شبيكم.
منال/
يله عريسنه العالم تريد تسلم عليكم تريد ترجع لديرتها وام العروسه هم.
هبه/
حلبس وانزل اسلم عليهم واسلم على امي تمام.
رائد /
لامو تمام غير ننزل سوى
وثانيا تعالي هين يمي .
هبه/
رحت كعدت يمه
اي كول.
رائد /
أريد اكلج يابنت الناس انتي هسه حرمتي ومسمايه باسمي
سوالف نسوان وغيره وقال وقيل ماريد مثل ما اله الج وهيه كذلك.
هبه/
ساكته اسمعله هو منو غار ومنو سوه مشاكل شبي حامي.
كتله اي وبعد.
رائد /
اي وشغله ثانيه كلام من اقرب الناس متسمعين .
هبه/
منو قصدك يعني.
رائد /
احم الكل الكل حتى امج وبالنسبه للدراسه اخذتي كفايتج.
هبه/
تفاجأت يعني محد حجه بالموظوع بجديه كتله
لالا
عفيه ماقصر لاوياك ولا ويه البيت واخلص اول سنتين وعود نفكر بطفل الله كريم.
رائد /
انسي الدراسه كافي لهنا حدج.
_ كال هيجي وكام طلع توجه للحمام.
هبه/
ظليت صافنه بوجه
كلش نقهرت ونهظمت يعني شنو كله لا لا شيكظي العمر اكابله واكابل فرح وعمتي الكاظيه نص الشهر هنا.
أنت تقرأ
فوارق طبقيه
Actionفتاة بسيطه يستقوي عليها رجل غني احبها بطريقة الخاصه لترى كل انواع الذل والظلم وأم تقوم ببيعها من أجل مصالح زوجها لتقع في وكر الذئاب. وزوج ظلمها بقدر حبه لها ليترك لها بصمة تعاني منها ماتبقى من العمر جمال/ وفقر/ وعذاب/ وغدر/ ورايات سوداء جميعها أجت...
