Ajushi

|9|

Ent ရဲ့ အစည်းအဝေးခန်းထဲတွင်ရှိသည့် လူသုံးယောက်သည် အတော်လေး တိတ်ဆိတ်နေကြသည်။

နာ​ယောင်းမှာတော့ ဂျောင်ကု မျက်နှာသာ တကြည့်ကြည့်နှင့်ဖြစ်ပြီး CEOကုိလည်း စိတ်ရှုပ်အောင် လုပ်မိလို့ အားနာနေရသည်။ သို့ပေမယ့် အခြေအနေတွေက ဒီ့ထက်ပိုကာ ရှုပ်ထွေးလွန်းနေ၏။

သူမက ခုချိန်မှာ activityတွေ နားထားတာကြောင့် သိပ်မထိခိုက်ပေမယ့် ဂျောင်ကုလေးအတွက်က အတော်ကို ထိခိုက်နစ်နာစရာဖြစ်ခဲ့ပြီး Album အသစ်ရဲ့ ရောင်းအားသည် မနေ့ညတည်းကစလို့ ထိုးကျသွားခဲ့သည်။

ယမန်နေ့က သူမ အိမ်အပြန် ခေါင်းမူးကာ လဲကျသွားသည်ကြောင့် ဂျောင်ကုက လိုက်ပို့ပေးခဲ့ကာ ဆရာဝန်ပါ ခေါ်ပေးခဲ့သည်။ ဆရာဝန်က ကိုယ်ဝန်လွယ်ထားရပြီဟု ပြောတာကြောင့် ပျော်ကာ ဆောဂျွန်းထံ ဖုန်းဆက်ကြည့်တော့ အလုပ်ကိစ္စရှိ၍ထင် ဖုန်းမကိုင်ခဲ့။

တစ်ယောက်တည်း စောင့်နေရမယ့် အစ်မကို စိတ်မချတာကတစ်ကြောင်း သူမရဲ့ ရင်သွေးလေးအတွက် လိုအပ်တာတွေကို ရှာဖွေပေးနေတာ တစ်ကြောင်းနှင့် ဆောဂျွန်းပြန်လာတာတောင် မပြန်သေးဘဲ အတော်လေး နောက်ကျမှ အတင်းအတိုက် ပြန်ခိုင်းလိုက်ရသည်။

ပြဿနာမှာ ထိုကစသည် သူတို့နှစ်ယောက်နောက်ကို အမြဲလိုက်ကြည့်နေတတ်တဲ့ ပါပါရာဇီတွေကို အမှုမဲ့ အမှတ်မဲ့ ထားလိုက်မိတာကြောင့် ပိုင်ရှင်ကြီးရှိရက်နဲ့ ဖောက်ပြန်နေ​ြကတယ်ဆိုကာ...သူရော ဂျောင်ကု့ နာမည်ပါ ရစရာမရှိဖြစ်သွားခဲ့ရသည်။
သူမက အနုပညာကို နားတော့မှာမလို့ ေထွထွေထူးထူး သိပ် မဖြစ်။ဂျောင်ကုလေးသာ....

ပြီးတော့ ဟိုတစ်နေ့က ဂျောင်ကုကို ဖက်ပြီး နှစ်သိမ့်ပေးနေတဲ့ ပုံတွေကိုပါ ထုတ်သုံးလာသည်။ ဒီလောက် private areaမှာ လုံလုံခြုံခြုံတွေ့ခဲ့တာကိုပင် ရိုက်ယူနိုင်တယ်ဆိုကတည်းက Haterအကြီးစားဖြစ်နိုင်သည်။

ထိုလူက သူမကို မုန်းလို့လား ဒါမှမဟုတ် ဂျောင်ကုကို မုန်းလို့ပဲလား။ ဂျောင်ကုကိုတော့ မဟုတ်နိုင် သူ့မောင်ဟာ ဘယ်လောက်တောင် လိမ္မာရေးကြားရှိပြီး စိတ်ထားကောင်းတဲ့ ကလေးလဲ။