Unicode
ညီလာခံအတွင်း အမတ်ရာထူးတော်တော်များများ လစ်ဟာသွားခဲ့သည်။ လာဘ်စားမှုများနှင့် အမျိုးသမီးများအား အပျော်တမ်းကစားနေကြသည်မလို့ သေဒဏ်ချမှတ်လိုက်သည်။ ထိုသတင်းကြောင့် မှောင်ခိုကုန်သွယ်တော်များလည်း ဝင်ရောက်ဖို့ခက်ခဲလာကြသည်။
"ကဲ ဖြည့်စွက်ရာထူးတွေမှာ အမျိုးသမီးအရာရှိအချို့ကိုခန့်အပ်မယ် မကျေနပ်တာရှိကြသလော..."
"မသင့်လျော်ကြောင်းပါဘုရင်မ..."
"တောင်သူလယ်သမားကိုယ်စားပြုအမတ်မင်းက ကန့်ကွက်တယ်ဆိုတော့ အကြောင်းပြချက်လျှောက်ထားစေ..."
"မှန်လှပါ ယောက်ျားသားတွေအဖို့ နေတစ်ရပ်စာ တစ်နည်း ရက်တစ်ရာတိုက်ပွဲတိုင် သူရိန်နေမင်းကိုအံ့တုပြီး ဘုရင်မထံခစားနိုင်ကြောင်းပါ ထို့အပြင်အမျိုးသမီးတွေဟာ အားနည်းကြပါတယ် စားဖိုဆောင်မှာသာဓားကိုင်ကျွမ်းကျင်ကြပေမဲ့ ရန်သူတွေကိုယှဉ်တိုက်ဖို့က ခဲယဉ်းလှကြောင်းပါ..."
"အမတ်မင်းက အမျိုးသမီးတွေကိုအားနည်းတယ်ထင်တော့ အမတ်မင်းကိုယ်တိုင် ငါကိုယ်တော်မိန်းမသားဆီ ခစားနေရတာမဟုတ်လား..."
တစ်ချို့အမတ်တွေရဲ့လှောင်ရယ်သံနှင့် အထိနာသွားကြသောအမတ်တွေ တီးတိုးသံများထွက်လာသည်။
"မှန်လှပါ ကျွန်တော်မျိုးမအခွန်ဌာနကအမတ်မင်း လျှောက်တင်ချင်ကြောင်းပါ..."
"အကျိုးအကြောင်း မသင့်လျော်ရင်တော့ အပြစ်ဒဏ်ပေးမည် လျှောက်တင်စေ..."
"ဘုရင်မဟာ ဧကရာဇ်မင်းဇာတာနှင့်မွေးဖွားလာသူတစ်ဦးပါ ဘုရင်မနှင့်ထိုအမျိုးသမီးများကို မနှိုင်းယှဉ်သင့်ပါ... သူပုန်ခေါင်းဆောင်ကိုကွက်မျက်ခဲ့သည့်ဘုရင်မ၏ စွမ်းဆောင်ရည်တွေကို တခြားအမျိုးသမီးတွေ ပြုကျင့်နိုင်ပါ့မလား..."
"ကောင်းပြီလေ ဤနေ့မှစညီလာခံကို မွန်းတည့်ချိန်မှာ နန်းတော်ရင်ပြင်တော်ရှေ့ညီလာခံလုပ်မည်... ငါကိုယ်တော်ရွေးချယ်ထားသည့် ယာယီအမျိုးသမီးအမတ်တွေနှင့်အတူ အခစားဝင်စေ..."
"အမိန့်တော်မြတ်အတိုင်းပါ..."
.........
"တောက် အဖကဘုရင်ဖြစ်လို့ နန်းဆက်ခံရတဲ့မိန်းမကများ ငါ့လိုအမတ်မင်းကိုစော်ကားရဲတယ်..."
YOU ARE READING
Princess Sippa
Historical Fiction"ငါကိုယ်တော်ကမင်းသမီးတစ်ပါးလေ ကညာပျိုကိုစွဲမက်ပြီး စစ်မက်ဖြစ်ပွားရလောက်တဲ့အထိ အချစ်ကဘဲခိုင်းစေနေခဲ့တာလား... မင်းသမီးတစ်ပါးကအချစ်ရဲ့ကျေးကျွန်ဖြစ်နေတာ ဘယ်စိတ်နဲ့အနိုင်တိုက်ရမလဲ မုဏ်း..." "ငါကိုယ္ေတာ္ကမင္းသမီးတစ္ပါးေလ ကညာပ်ိဳကိုစြဲမက္ၿပီး စစ္မက္ျဖစ္ပြာ...
