حق المظلوم¹

12

ناض أيمن لما شم ريحة الشاهي..

أيمن قعمز..

الحاجه: أيمن .. برا اغسل وجهك وتعالا كول سلم ولدي..

أيمن: انا نفطر قبل كل شيء..

وقرب قعمز بحدى صفرة الفطور..

شاف لجده اللي يشوفله بدون ملامح..

أيمن: صباح الخير يا حاج..

الحاج: صباح النور ..

الحاجه: هاك كول..

خدي منها السندوتش .. وصب لروحه شاهي وبدأ ياكل..

سكينه: صباح الخير..

ردو عليها ...

خشت للكوجينه صبت اميه وشربتها.. بعدين طلعت قعمزت بحداهم...

رغم عدم تقبلهم ليها .. بس ديما تقعمز بحداهم هكي ع الصامت كل يوم..

بحكم انها تنوض تصلي في الفجر حاضر .. زي جدها وحناها..

متفطرش .. ولا ينادوا فيها اصلا على الفطور ..
تستنى فيهم يكملوا تاخد في الصفره وتغسل فيها ..

وترد تمشي ترقد...

تكسر الرقبه صح؟؟

بس مزلتوا متعرفوهاش متحكموش عليها طول!!

بس في أيام خافت منهم! معش قدرت تقربهم..

أيمن: تعالي كولي شيختي..

سكينه: لا عارفني منفطرش .. صليت الفجر؟

أيمن: لا..

سكينه: كمل ماكلتك ونوض معناها..

أيمن: باهي يا شيختي .. سامحيني ..

سكينه سكتت..

الحاجه: حسيتك خشيت في ولاد عمك طول يا أيمن.. امس انت ومحمد قعدتوا ساهرين هلبا مع بعضكم

أيمن: لا .. متقبلتش ولا اي واحد فيهم ولاد ولدك يا حناي ... كل واحد احقر من التاني مع الأسف ..بإستثناء خليل .. هاده متربي ثلاته مرات..

انصدموا جده وحناه من صراحته بس سكتوا معش فتحوا معاه اي موضوع..

وقف أيمن خش للحمام غسل سنونه ووجها وبعدين طلع ..

خش على تقوى ..

أيمن:كان رقدت انا في مكانك يا كلبة الكلاب راني في سادس نومه توا!

خدي حوايجه وخش للحمام مره تانيه ..

دوش ولبس وطلع وهو يمشط في شعره..