حق المظلوم¹

22

صلاح خش لحواء هزبها وتعارك هو وياها ...

كيف ادخلي خوتك للحوش.. اللي فيه خديجه وبناتها!!
بعد كل اللي داروه فيك وفي سكينه...

وحواء ركبت معاه..
خوتي وفي النهايه بنسامحهم..
وكانك على خديجه وين بيشوفوها... ومن هالكلام!

طلع صلاح متعفلق اكثر واكثر...
اللي وجعه ان سمع بجيت خوتها من صالح خوه ..
اللي مرته شافتهم من الروشن وخبراته..
وانتشر الخبر في العيله ...

وهزوا على حواء .. وفي اللي لامها..
وفي اللي زاد بهارات..
سالم اللي اعتدي على سكينه .. جي وخش وتلاقى مع سكينه ومن هالكلام

المشكله يا ريته راكب الكلام ..
وقت جو خوالها سكينه ... كانت في المدرسه وفي حصتها حتى...

.

.

.

نجاة: شفتوا العار!! ... غر يجي محمد ... لما نعبيله رأسه تو تشوفوا.. غدوا بعد غدوا تبدا تمشي لخوالها وولا كأنه صار شيء .. وولدي هو اللي انظلم وهما يعيشوا حيااتهم..

موده: متدخليش فيهم انتي يا ماما...

نجاة: صكرري فممك راهو انوووضلك..

موده سكتت ..

نجاة: والله لما انضيق عليكم الدنيا يا حواء ... انتي وبناتك ... وما نكونش نجاة كان ما نخصتلكم عيشتكم..

قعدت نجاة تتحلف...

موده وخليل قعدوا يشوفوا لبعضهم بصدمه..

علاش امهم تحقد على حواء هكي؟؟

يبوا يفهموا بس...

وكلهم يعرفوا كويس .. إن امهم هي اللي زوجت حواء لعمهم اصلا!!..

غريب علاش متحبش حواء!!

خليل وقف بعد ما اضايق من كلام امه الحاقد..

ومشي لداره ... بس وقف لما سمع اسم أيمن اللي طلع من فم اخته...

فرح: لولا أيمن راني مشيت فيها يا سلمى... وعلى قد ما نبعتله ميعبرش فيا مفهمتش ... نحسابه ساعدني لأنه معجب بيا انا ... بقولك هكي؟؟ اي هو الواضح أنه يثقل في روحه .. امم باهي باه .. هي سلامات..

خليل منصدم ... مش من عوايده يتسمع ... بس فرح وكلامها السريع خلوه يسمع كل شيء ...

بلع ريقه وكمل طريقه لداره...