حق المظلوم¹

23

موده بعد ما رتبت الحوش هي وفرح وهبه بخراته ومشت بدت توتي في روحها لأن صحباتها بيجوها..

سكينه وصلها محمد قدام حوش بوه ومشي..

خشت وطقت الباب وفتحتلها نجاة اللي قعدت مكشخه..

خشت سكينه وراء نجاة بعد ما سلمت عليها..

نزلت هبه تجري...

هبه: باهي اللي جيتي يا سكينه ..

سكينه ابتسمتلها: كملتها الكوجينه قلت علاش منجيش..

هبه: صحباتها توا بيجوا..

سكينه: شن تبوا حاجه نساعدكم فيها؟؟

هبه: تعالي ندير انا وياك القهوه؟

موده نزلت: سكينه.. كيف حالك اليوم...

سكينه: الحمدلله انتي شن حالك..

موده: الحمدلله... حي شكلهم جو!!

وطلعت فتحت الباب ..

خشت صحبتها الأولى وشوي شوي لين جو صحباتها الأربعه..

سكينه هي وفرح قعدوا يديروا في القهوه..

فرح: سكينه بنسألك..

سكينه: أسألي..

فرح: أيمن مرتبط؟

سكينه شافتلها بإستغراب ضحكت بخفه: شن السؤال هاده؟؟

فرح: لا هكي فضول بس...

سكينه: اها ... هادي خصوصيته سامحيني بس حتى انا منعرفش.. وتاني حاجه ارتباط ما ارتباط بدون خطبه او زواج هاده شيء حرام وكارثي ..

فرح: حقا ... غريبه الواضح مقربين هلبا انتي وياه ... قلت بالك تعرفي.. اسفه سامحيني عارفاتك متشدده انتي ..

سكينه: هي القهوه بتبرد خلي نطلعوا للبنات...

رفعوا فرح وسكينه القهوه وقعمزوا يهدرزوا مع البنات...

جت نجاة قعمزت ...

نجاة: كيف حال أختك بثينه يا سمر..

سمر: بخير يا خالتي ...

نجاة: خيرك ما جبتيها معاك ..

سمر: عندها قرايه يا خالتي قبل بنجيبها والله..

نجاة: اي معناها نرجوا فيكم مره تانيه وجيبيها معاك..

سمر ابتسمت: ان شاء الله..

فرح همست ل سكينه: هادي بثينه محمد خوي كاين يكلم فيها .. وماما تبي تاخدهله...

سكينه قرنت حواجبها ... قبل تبي تاخدهله! ... يعني سكينه فسدت كل شيء ... وكاين يكلم فيها ... هاده علاش يعامل فيها هكي هو...