حق المظلوم¹

40

وجهة نظر محمد~~

طلعت من حوش بوي منصدم ومخلي امي وراي تعيط بكلام مفهمتاش شن هو..

ركبت في سيارتي والصدمه مزالت مرافقتني..

معرفتش امتى سقت وكيف سقت وعلاش مدرتش حادث! وشن اللي وصلني اهني ..

كنت نسوق وحرفياً بدون وعي ..

قعدت نفكر .. بنتزوج وحده منعرفهاش؟؟ خليك من قصة منعرفهاش .. بنتزوج! .. ومن ؟ بنت عمي اللي كان شفتها في الشارع مش حانعرفها!!...

وشن دخلني بيها وب الكلام اللي صايرلها!!

باهي كان طلعت مدايره علاقه بولد خالها وضحك عليها وفاتها !

بنقعد انا محمد ضحيه بعد ما كنت انا اللي انضحي؟

هادي آخرتي؟

بس ما عاش اللي بيغصبني .. هه نتزوجها صار!! ..

تأففت وشعور الكره غزي على حواسي كلهم...

بس شوي شوي وتفكيري بدا يتغير..

وجانبي اللي نخفي فيه بدا يطلع..

كانهي مظلمومه؟

كانهي يا محمد بتموت وانت كنت حاتكون سبب في نجاتها؟

كان يقتلها جدك وتقعد طول عمرك في تعذيب الضمير..

باهي كان تطلع بنت كويسه ويقتلها جدك وتندم بعدين انك مساعدتش!

وبما اني فكرت في الموضوع بكل النواحي ..

وفكرت في موقف بوي وكيف بنطيحله كلمته قدام خوه..

رضيت بالموضوع وفتشت عليها كويس..

وطلعت نظيفه وولد خالها هو الحقير!

وبسرعه بسرعه قروا الفاتحه ...

ومن بعد الفاتحه " حانقعد صريح" قعد في خاطري نشوفها! .. نعرف اطباعها..

وفي ليله كلمت جدي وقلتله بنجيبلك فلوسك وبنحطهم في المربوعه باش ما نضايقش العيله..

حطيتها وانا طالع قابلتني .. ولأني نعرف تقوى عرفت انها هي سكينه..

مرتي!

هه غريبه الكلمه.. مرتي اللي منعرفهاش..

ولأني ندقق في كل شيء .. عرفتها تكلم .. بس في من منعرفش؟