បង្ខាំងចិត្តស្នេហ៏អ្នកអង្គម្ចាស់ [COMPLETE ✔️]

Part 5 : ទ្រង់កើតអីទៀតហើយ?

"ថេយ៏!! ប្រញាប់ទៅណាទៅញ៉ាំអីជាមួយសិនទៅ"ម៉ាហ្គ្រេតប្រញាប់រត់មកស្ទាក់អ្នកដែលរត់ចេញពីបន្ទប់សម្រាប់ពេទ្យសម្រាកញាប់ជើងឆ្មេរ

"មិនបានទេ... មួយម៉ោងទៀតអ្នកអង្គម្ចាស់ក៏ត្រលប់មកវិញទៅហើយ នៅមិនបានទេ"

"តែថេយ៉ុងឈប់សិន!! "មិនថានាងស្រែកឃាត់ក៏គេមិនលឺ ព្រោះនាយតូចរត់ត្រុយចេញទៅបាត់ទុកអោយអ្នកដែរឈរមើលបានត្រឹមតែច្រត់ចង្កេះគ្រវីក្បាល

"ហើយបើពិបាកយ៉ាងនឹង ម៉េចក៏មិននិយាយការពិតប្រាប់ទ្រង់ទៅក៏ចប់ទៅហើយ"
--------

"ឆាងវ៉ុក ឈប់ឡាន"ក្រោយពេលដែលចប់ការងារពីក្រុមហ៊ុន អ្នកអង្គម្ចាស់ដែលអង្គុយនៅខាងក្នុងឡានពិនិត្យមើលឯកសារសុខៗសោះ ក៏ស្រាប់តែបញ្ជាអោយឆាងវ៉ុកឈប់ឡានក្រោយពេលដែលបានជិះកាត់ហាងលក់នំខេក ឃុកគី មួយកន្លែងដែលល្បីថាឆ្ញាញ់នៅតំបន់នេះ តាមថាក្នុងឋាន:ជាអ្នកអង្គម្ចាស់ប្រាកដជាត្រូវមានគេតាមការពារពីក្រោយ ប៉ុន្តែទ្រង់ក៏មិនចង់បានព្រោះមិនចង់អោយការធ្វើដំណើរទៅណាមកណាមានភាពអ៊ូរអ៊របង្កជាចលាចលអោយគេឯងមើលមកនោះឡើយ ទម្រាំតែអ្នកម្នាងយល់ព្រមទ្រង់ក៏ត្រូវតាមសុំជាច្រើនថ្ងៃឯណោះ

ឆាងវ៉ុកប្រញាប់រេរចង្កូតឡានបត់ចូលហាងនំតាមអ្វីដែលអ្នកអង្គម្ចាស់បានបញ្ជា ទាំងដែលក្នុងចិត្តក៏នឹកឆ្ងល់ព្រោះអ្នកអង្គម្ចាស់មិនសូវជាចំណូលខាងនំនែក នំផ្អែមបែបនេះឡើយស្រាប់តែថ្ងៃនេះនឹកចង់ចូលហាងនំទើបប្លែកចិត្តបន្តិច

"ទូលបង្គំមិនដែរដឹងសោះថាអ្នកអង្គម្ចាស់ប្តូរមកសព្វព្រទ័យរឿងនំនែកនេះ"ឆាងវ៉ុកនិយាយឡើងខណ:សម្លឹងមើលអ្នកអង្គម្ចាស់ដែលឈរប្រាប់បុគ្គលិកហាងអោយខ្ចប់នំខេកនិងឃុកគី ហើយសំណួររបស់ឆាងវ៉ុកធ្វើអោយអ្នកដែលឈររើសនំក៏បានត្រឹមតែស្ងាត់ព្រោះមិនដឹងរកពាក្យអីនិយាយអោយត្រូវទៅកាន់កូនចៅជំនិតវិញ

"យើងមិនបានចូលចិត្ត គ្រាន់តែឃើញការតុបតែងទំនងទើបចង់ទិញសាក"ជុងហ្គុកហុចប្រាក់អោយទៅបុគ្គលិកទើបប្រញាប់យួរប្រអប់នំត្រលប់មកឡានវិញ ឆាងវ៉ុកទាមទារជួយកាន់ក៏មិនអោយប៉ះសូម្បីតែប្រអប់