បង្ខាំងចិត្តស្នេហ៏អ្នកអង្គម្ចាស់ [COMPLETE ✔️]

Part 6: យើងស្អប់...

អ្នកបម្រើគ្រប់គ្នាព្រមទាំងម៉ែដោះរីមនាំគ្នាអោនមុខចុះ ក្រោយពេលអ្នកអង្គម្ចាស់ដាក់ព្រះកាយចុះដោយសេចក្តីខឹងក្រោធមិនដឹងជាម៉ួម៉ៅព្រោះរឿងអីទៀតហើយនោះទេ

"ឈរទ្រឹងបែបនេះយូរទៀតទេ?ពេលណាទើបដួសបាយ?? "អ្នកបម្រើញ័រដៃទទ្រើកស្ទុះស្ទារៀបក្រយ៉ាដាក់តម្រៀបលើតុ រួចរាល់ទើបថយខ្លួនទៅម្ខាងវិញ ឯអ្នកអង្គម្ចាស់សម្លឹងមើលអាហារលើតុ មិនបាច់ប្រាប់ក៏ដឹងថាស្នារដៃនរណាអ្នកធ្វើ តែពេលនេះបែរជាមិនឃើញសូម្បីតែស្រមោល នៅជាមួយគេមុខមិនដែររីកតែងតែរកលេសគេចគ្រប់ពេល ជាមួយអ្នកផ្សេងមុខរីកពព្រាយហើយចង់អោយទ្រង់សើចសប្បាយអបអរឃើញគេរីករាយជាមួយអ្នកផ្សេងទាំងដែរគេជាពេទ្យផ្ទាល់ខ្លួនទ្រង់ចឹងឬ?

"ចេញអោយអស់ទៅ"ម៉ែដោះរីមកេះនាងបម្រើអោយថយខ្លូនចាកចេញទៅអោយព្រោះបើនៅយូរពួកគាត់អាចនឹងក្លាយជាផ្ទាំងស៊ីបចាំស្តាប់ទ្រង់ជះកំហឹងមិនខានឡើយ

អ្នកអង្គម្ចាស់ទះតុលាន់ផាំងដោយការមិនសុខចិត្ត ក្តៅក្រហាយក្នុងព្រះកាយឡើងចង់ឆេះក្លាយជាផេះអស់ទៅហើយ ក្រយ៉ាក៏មិនសោយភ្នែកក៏សម្លក់ជាប់ទៅមាត់ទ្វារ ហើយក្រោយឃើញថាអ្នកជាដើមហេតុចូលមកហើយទើបងាកមកសោយក្រយ៉ាធ្វើមិនដឹងមិនឃើញអ្នកដែលចូលមក

ថេយ៉ុងដឹងច្បាស់ថាទ្រង់កំពុងខ្ញាល់ តែក៏មិនទាន់ដឹងថាមកពីរឿងអីទើបពេលឃើញទ្រង់អង្គុយសោយក្រយ៉ាស្ងៀមស្ងាត់ ទើបដើរទៅយករៀបចំថ្នាំយកមកអោយទ្រង់

"លេបថ្នាំរួច ទ្រង់ត្រូវអោយទូលបង្គំពិនិត្យមើលសុខភាពម្តងទៀត ដូច្នេះសូមត្រៀមព្រះកាយផង"គ្រូពេទ្យនិយាយតឿន តែទ្រង់បែរជាមិនខ្វល់គិតតែអោនមុខសោយមិនតបនឹងគេវិញ

"អ្នកអង្គម្ចាស់…. "

"យប់នេះយើងចង់សម្រាកមិនបាច់ទៅកំដរ ហើយយើងក៏មិនទទួលការពិនិត្យរបស់ឯងដែរ"ប្រយោគរបស់ទ្រង់ធ្វើអ្នកស្តាប់បានត្រឹមតែក្តាប់ដៃរំងាប់អារម្មណ៏នឹងចរឹករឹងរូសរបស់ទ្រង់ ហេតុអីអោយតែពេលនិយាយសាច់ការណ៏តែងតែជាពេលដែរទ្រង់ម៉ួម៉ៅរហូតទៅវិញ

"សូមទ្រង់ផ្តល់ការសហការជាមួយទូលបង្គំផង បើមិនព្រោះព្រះសុខភាពទ្រង់ ទូលបង្គំក៏មិនមកដើម្បីអោយទ្រង់កើតព្រះទ័យម៉ួម៉ងឡើយ"