Orange (Mashihoon)[uni+zaw]

Episode​ (6)

Mashiho နာရီကြည့်လိုက်တော့​ ည12နာရီတိတိရှိနေပြီ။ မကြာခင်​ နောက်တစ်ရက်ရောက်လာတော့မည်။ ရင်ထဲက​ ပူလောင်မှုက နည်းနည်းလေးတောင် မသက်သာခဲ့ဘူး။ စိတ်ထဲ​က​ Jihoonနဲ့ပတ်သတ်တဲ့အတေွးတေွက နည်းနည်းတောင်ဖေျာက်ပစ်လို့မရခဲ့ဘူး။

ဒီလိုနဲ့ပဲ​ နောက်ထပ်​ 1နာရီ...

ပြီးတော့​ နောက်ထပ်​ 1နာရီ...

နောက်ထပ်​1နာရီ...

ဒီလိုအကြောင်းတေွရှိမယ်ဆိုတာ​ ကြိုသိခဲ့လို့ အပေါင်းအသင်းဆိုတာမျိုး မထားခဲ့တာ။ Jihoon​က​ သူ့အတွက် အရေးပါပြီး တစ်ဦးတည်းသောခင်တွယ်ရသည့် အဖော်တစ်ယောက်ဖြစ်ခဲ့သည်။

Jihoon​က​ ရင်းနှီးလွယ်ပြီး ခင်တွယ်စရာကောင်းသည့်သူမလို့ သူကခင်တွယ်နေမိတာလား?

အရင်ကလဲ တစ်ယောက်တည်းပဲနေလာခဲ့တဲ့ သူက​ Jihoonနဲ့ပတ်သတ်ခဲ့ပြီး Jihoonမရှိတဲ့အခါ ဘာလို့ထူးထူးဆန်းဆန်းကြီး အထီးကျန်သလို ခံစားနေရသလဲ?

သူတို့ကြားမှာ စတေွ့ကတည်းက ယခုထိ သူတေွးထားမိသည်က Jihoon​က​ ဖော်ရေွတယ် ကူညီတတ်တယ် ခင်တွယ်စရာကောင်းတယ် သူ့ရဲ့​တစ်ဦးတည်းသော အဖော်ဆိုတာဖြစ်တယ်...

Jihoon​ကို​ သဘောကျတယ်ဟု ယခုထိမတေွးထားမိခဲ့ဖူးပါပေ။

Mashiho​ဆိုတဲ့​ ကောင်လေး​ဟာ​ ချစ်တယ်ဆိုတဲ့ခံစားချက်ကိုမသိပါဘူး

သူက​ သူ့ရဲ့အားနည်းချက်ကို လျို့ဝှက်ထားရင်း သူ့ရဲ့နှလံုးသားကပါ တိမ်မြုပ်နစ်မွန်းနေခဲ့ရတာကို မသိသလို

တဖက်လူကလည်း အကျိုးအကြောင်းကို ဖြည်းဖြည်းချင်းလေ့လာဖို့မေ့လေျာ့ပြီး အလျင်စလိုနိုင်လွန်းနေတဲ့အခါ...

ဒီလိုနဲ့ပဲ​ သူတို့ကြားက ဆက်ဆံရေး​က​ အေးခဲနေတော့မှာလား?

တင်းမာနေတော့မှာလား?

မနက်​5နာရီခွဲနေပြီ။ Mashihoဟာ တစ်ရေးတောင်မှ မအိပ်ခဲ့ရတဲ့ သူ့မျက်လံုးတေွကို ပွတ်သပ်ကာ မျက်ခံုးနှစ်ဘက်ကြားကို လက်မဖြင့် သံုးလေးချက်ခန့်နိှပ်လိုက်သည်။ ကျိမ်းစပ်နေသည့် မျက်လံုးများက အနည်းငယ်​နီရဲနေပြီး အစားစားချင်စိတ်လဲရှိမနေခဲ့ပါ။