رووسل شافتو غادي هي توقفو ...
روسيل : هيه ..وقف
رازفان : ( ضار شاف فيها ) شنووو
روسيل قربات لعندو ....
روسيل : علاش قتلتي توفيق
رازفان : فيك كثرة الهضرة .. متكونيش بااااسلة ...
روسيل : ( بغات تجمع معاه بصقلة هو يشد ليها يدها ) شكوون نتا ، وشنو بغتي مني ..
رازفان : ( جبدها لعندو حتى تزدحات مع صدرو وقرب لودنها تا حس بجسمها تقشعر تبسم جنب هو ينطق ) مزال الحال على هاد سؤال ...
روسيل : ( علات راسها فيه كثر وعينيها كيبريو بدموع ) جيتي باش تكمل على لي بديتي ياك ..
رازفان : ( فهمها شنو قصدات هو ينفي براسو ) اللي جيت على قبلو مات .. انا مباغيش نآذيك .. ولكن .. ( حط يدو على شفايفها وهي كترعد ) لافكرتي تهضري ولا تقولي شي حاجة على ديك الليلة ( سكت مراقب ملامحها الخيفانين ) آخرتك غاتكون على يدي
روسيل : ( كتبكي تا تحولات بكيتها لشهقات متتالية ) علاش قتلتيه .. علااااااش !!! ... شنو دار ليك حتى تقتلو ؟؟
رازفان : بيناتنا حساب قديم
روسيل : ( دفعاتو من صدرو ) ماكاين حتى سبب يخليك تقتل رووح بديك الطريقة
رازفان : ( حط يدو على فمها ) ششش ... هضرتك حرقاتني فراسي .. ديري عقلك وخليك ساكتة .. ... نجااي بروحك مني .. لاسمعتك نطقتي بكلمة وحدة مغنرحمكش
طلق منها وضار عاطيها بضهرو المفتووول .. بنيتو الجسدية الضخمة وكتافو لعرااض .... وسط من داك الكوستار الكحل لي لابس خلاوها تبلع فريقها
رازفان : لابقيتي دايرا عقلك غاتكون هادي اخر مرة تشوفني فيها ...
روسيل : شنو سميتك
رازفان : ( ضار شاف فيها ) صحيبك عاد مات وكتسولي على سميتي ( غمزها مع ابتسامة مستفزة )
روسيل غير كتشوف فيه صرفقها خرج وهي بقات مسمرة فبلاصتها
فجهة أخرى .......
فجهة أخرى داخل المتحف بضبط فطابق الأعلى كانو رجال كثار كلهم ملثمين عينيهم فقط لي كانو كيبانو ... وسط من داك القناع الاسود .... الحائط كولو مقشر و الارضية مغبرة .. واضح ان داك الطابق مهجور .....
هدوء و رقي ماليين المكان كيمتعو أنظارهم من بعيد ... منقشاتهم كانت خافثة للدرجة الإنعدام ! ..... كيتسناو فقط إشارة من زعيمهم ...باش يبداو المهمة لي جاو عليها
واحد منهم كان كيطل على الحضور من الثقب لي داروه المكان كان مهجور مفيهش كاميرات ..
- سي عصام مكيجوبش
- : ( نطق الشخص الثاني ) هضرنا معاه قال طناش نبداو
أنت تقرأ
🔥 آهات_قاتلة 🔥(مكتملة)
Teen Fiction🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
