🔥 آهات_قاتلة 🔥(مكتملة)

الجزء 36

- ( نطقات بدارجة ) حمزة فين غبرتي علينا

حمزة : ( كميشط فشعر المهرة ) فدنيا .. نتي لباس

- لباس ( حولات نظراتها عند روسيل ) هااااي

روسيل : هاااي ( قربات عند المهرة حطات يدها على وجهاا كتمسح عليه عجابتها بزاف ) زوينة بزاف

- ( سمعاتها نطقات بدارجة علات حاجبها ) مغربية ؟

روسيل : ااه

- حمزة معرفتينيش عليها

حمزة : هادي روسيل صديقة العائلة ( شاف فروسيل ) وهادي منى صديقة قديمة

روسيل : تشرفت بمعرفتك

منى : شرف ليا ( شافت فحمزة ) نضربو شي دورة ؟

حمزة : لا .. ولكن روسيل بااغا ...

منى : واخا ... ها المهرة ديالي ركبي عليها .. كتعرفي ولا نقول لشي حد يعاونك ؟

روسيل : ( كتمشط على شعر المهرة ) كنعرف

منى : اوكااي ...سيري عندهم يعطيوك اللبسة دالخيل لبسيها ورجعي عندنا .....

مشاات روسيل و منى خرجات على برا السياج وتكات بضهرها عليه من على برا ... وحمزة جبد كارو شعلو كيكمي تانتراتو منى من بين صباعو جرات منو وساطت الدخان ورداتو ليه

حمزة : بعدي على هادشي راك اتخرجي على صحتك

منى : شحال هدا ماجا فمي

حمزة : قطعي عليك المرض ...

منى : ونت مالك ماقطعتيه

حمزة : دااايرة راسك فيا انا ! .... منى ...هادشي ماشي ديالك متهلكيش صحتك

منى : ( كاتشوف فيه ) واخا

حمزة : ماشي واخا دابا ... وغدا لقاااك شادة الكارو فيديك

منى : وصاافي منعاودش نشدو

سمعو شي خطوات موراهم حمزة ضار براسو هو يجمع ابتسامتو كيرمش بعينيه وهي جاية بجيهتهم كتمشط فشعرها بيد واليد الثانية شادة بيها الكاسك الكحل ... كانت بليبوط طواال كحلين حتال الركبة و سروال كحل و شوميز بيضة مزيرة عليها وجوج صدفات الفواقا محلولين مخلين صدرها يبان وجيلي كحلة من لفوق حمزة سهااا فيها وهو مفتوون بكل انش فيها .... هي زوينة وزااادت زييااانت كثر بهاد اللبسة جاات مع فورمتهااا وزادت بينااتها كثثر .... وشعرها الطويل كسوااد الليل مطلوووق واصل لخصرها كتخلل خصلاتو بصبعانها ... منى ضارت كتشوف فيه بان ليها ساهي وضارت موراها كاتشوف تابانت ليها جاية بجيهتهم ضاحكة وفرحانة وهي كلها حيوية ونشاااط

روسيل : كييف جيييت

حمزة : جات معك اللبسة زوييينة ...

روسيل : ( شافت فمنى ) يمكن ليا ناخد منك المهرة ديالك شوية دالوقت !