🔥آهـات قـاتلة 🔥
الرابعة صباحا ....
ناعسة على كرشها مغطية نصها بليزار وضهرها العاري كيبان ومن جهة لوخرا ناعس رازفان .. ضرباتها لفيقة حلات عينيها .. بشوية كترمش .... رمات عينيها لساعة الالكترونية حداها لقاتها ربعة دصباح ... ناضت بشوية كترجع فشعرها لور .. تلفتات جنبها كتشوف فيه وتبسم من بعد ساعات حميمية خلات جروحها يبراو شووية وتانزيفها الداخلي يتوقف ..... كل مرة كتنعس معاه كتحس براسها بحالا اول مرة يقيسها .. ناضت بشوية عليها لبسات عليها شوميز و بينوار من لفوق .. وخرجات مبغاتش يصبح عليها الصباح وهي ناعسة فبيتو تخاف شي حد يدخل ويلقاها معاه وتخرج رغم ان كلشي عالم بعلاقتهم الا انها كتحتارمهم ومكتبغيهمش يشوفها فشي موقف محرج ..... حلات لباب بشوية وخرجات على صباع رجليها كتمشى تااقفزاات فبلاصتها ملي لقاتها واقفة قدامها كانت بيجامة حريرية فالكحل و شعرها مطلوق هازة قرعة دالما صغيرة فيديها .. واضح انها ضرباتها الفيقة ونزلات تشرب تنهدات برااحة وضاررت كتسد الباب تاسمعاتها نطقات .....
روسيل كطلعها وتنزلها من حالتها عرفاتها كانت مدوزة لليلة حمرة معاه
روسيل : ( نطقات بطنز ) ساليتي السهرة ولا مزال ؟
جيسيكا : ( شدات الباب و ضارت عندها ) ونتي علاش كتسولي
روسيل : ( قربات عندها ) والله ماكتحشمي
جيسيكا : نت اخر وحدة تهضر على الحشمة ..
روسيل : ناعسة معاه وسط بيتو وفدار خالتك محشمتيش
جيسيكا : ( تبسمات جنب ) بقى جديدة فهاد الدار وبزاف دالامور مزال معرفهم ... انا ورازفان داخلين فعلاقة رسمية و العائلة كاملة فخبارها يعني وخا كون فاق .. شي واحد
وشافني خارجة من بيتو ... مغيقول والو وغاتجيه عادي حيت عارفين شنو كيجمعنا ..
روسيل : هههه زوينة هاد رسمية تاني ... .. واللهيلا قالت ليك كلشي فخبارو ..
جيسيكا : قلت شي حاجة كضحك باش ضحكي ... اجي بعدا بااقي مساليناش هضرتنا .... شنو درت ليك حتى تشوهيني قدام العائلة وصحابي
روسيل : وراه لاكان شي حد باغي الشوهة لراسو فراه هي نتي كون بغتي متشوهيش راسك قدامهم مغتلبسيش داك العجب وهو مفضوح وباين ... الى قلت ليك هاكا باش مرة أخرى متعوديش تلبسيه ماشي باش نشوهك قدام العائلة ... واش بغيتيني نقولك جيتي زوينة ! غادي نتسما كنافقك بحال هادوك لي نافقوك قبل ماننزل
جيسيكا : كنتي تقوليها ليا بيني وبينك ماشي قدام العائلة كاملة
روسيل : مزيان باش حتى لافكرتي هاد المرة تلبسيه تفكري هاد الليلة و الموقف لي تحطيتي فيه
جيسيكا : عيييت مانحاول نفمهك ومبغيتيش تفهمي ليا واش هدشي لي كديري معيا ضد ولا شنو غنسميه
أنت تقرأ
🔥 آهات_قاتلة 🔥(مكتملة)
Teen Fiction🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
