الدكتور : ( وسع عينيه ) اشمن طريق اتشد بيها وهي فهاد الحالة
رازفان : ( شنق عليه ) درتي خدمتك وخرج تقووووود مدخلش راسك فحاجة مكتعنيييكش
دفعو حتى كان ايطيح كون مشدوش الممرض بزربة تنتر منو بدا كيقاد فطابليتو خنزر فرازفان وخرج وهو ضار كيشوف فيهم بهدوء كأنه ماشي هو لي عاد كان معصب وكيغوت
رازفان : كلكم خرجو
خرجو كلهم وسدو الباب عليهم ....
رازفان ميل راسو فيها بانت ليه واحد دمعة نازلة مد يدو مسحها ليها وضغط على الزر دقائق دخلات عندو الممرضة
الممرضة : محتاج شي حاجة اسيدي
رازفان : غنصيفت ليك دابا شي حوايج لبسيهم ليها
الممرضة : داكوغ مسيو
رازفان : عنيك ميهربوووش عليها
خرج كيهضر فتليفون مع رجالو باش يتكلفو بمراسم الدفن دجيهان وحرس على الامر باش ميتسربش الخبر للصحافة باش عائلتها ميسيقوش الخبار ويجيو ديك ساعة ايصعاب عليه ياخد روسيل معاه هو بغا يبعدها على هنا حيت عارف نفسيتها غدمر وتقدر توصل بيها لدرجة الانتحار! تنهد كيمسح على وجههو بتعب هو من ديما كيساعد الناس ماشي غير روسيل مع اي واحد قلبو بيض وطيب حتى لا حقد دغيا كينسى مكيهزش فخاطرو .... شاف الساعة لقاها ضربات جوج دنهار ديمارا لأوطيل مزال تابعو يجمع حوايجو خاصو يشد طريق قبل ماتفيق لانه عارفها لافاقت مغتبغيش تمشي معاه وهو لاشافها مبغاش مغيقدرش يبزز عليها شي حاجة وفنفس الوقت مبغاش يخليها هنا بوحدها ...
پاركا طوموبيل قدام الاوطيل دخل نيشان لسويت ديالو قلع حوايجو بقى غير بوكسور زرق دخل لدوش ... دوش
وخرج لجناحو كينشف شعروو بفوطة كان كولو عاطية منو ريحة ليباندوش وشومبوان ... دخل لدريسينغ وهز سوشوااار صغير بدا ينشف شعرو ويقادو مرجعو لور ... بقى غير بفوطة كحلة ملوية على خصرو قلب عينو هوما يبانو ليه حوايجو لي وصاهم يجيبو ليه وصيفت لروسيل تاهي حوايج جداد تلبسهم ليها الممرضة .. لبس سيرڤيت ديالو جمع حوايجو فلاڤاليز هز كونطاكت ديالو وخرج حط لاڤاليز فالكوفر وضار ركب وديمارا الكلينيك
طاح فبالو وليد نسى كاع واش هو سافر .. كونيكطا تليفون مع الكيت بلوتوت وبدا كيصوني تا جاوبو .....
رازفان : وفيين اصاحبي
وليد كان فطوموبيل جالس و عينيه معسلين بشراب و كيعوج فعنقو من هاد النوي بلونش للي دوز .. ملي وصل لبارح لبريطانيا ممشاش لدارو ... عارف راسو لامشى لعندها اينوضوها .... بيناتهم فضل يبقى على برا حتى يبرد راسو عاد يدخل
وليد : فطوموبيل كالس
رازفان : ( علا حاجبو ) ممشيتش لدار !
وليد : لا
أنت تقرأ
🔥 آهات_قاتلة 🔥(مكتملة)
أدب المراهقين🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
