فجهة أخرى ..
جالسة فوق السرير كتنشف فشعرها لي باقي سارد بالما تاتفكرات البغودويات لي غسلات بيهم شعرها انها مدارتش ليهم الإشهار وهي ديجا وقعات على العقد مع الشركة لي كتقاد هاد لي بغودوي باش تبقى دير ليهم اشهارات المدة ديال عقد عماين وهي عاد ضربات معهم ستة شهور تنهدت وهي كتفكر فكلام وليد لليلة دلبارح ...
فلاش_باك
منبعد علاقة حميمة دامت لساعات طويلة كانو بجوج ناعسين ومعنقين بعضياتهم فوق النموسية ....
مروى : وليد
وليد : ( شبك يدو مع يدها ) روح وليد
مروى : ( تبسمات عاضة على شفتها ) شحال هادا معشنا بحال هاد لحظة مع بعضنا .. ( تمخشاات فيه كثر ) كنت موحشاك بزاف
وليد : حيت نتي نهار ومطال عطياها لزواق والمكياج باش ديري فسطوريات مبقيتش عاطية وقت لراجلك ولا حتى لدارك
مروى : وراه هادي هي خدمتي ا وليد خصوصا فاش كتكون موقع عقد مع شي شركة كنولي مجبورة كل نهار نبان فلي سطوغي باش ندير اشهار لداك البغودوي ونحط لي بغومو لي فيه ... انا عارفة خدمتي كتاخد مني وقت طويل ولكن شنو ندير تانا راني كنحاول ندير مافجهدي باش نعطيك وقتك الكافي حتى نت ....
وليد : هاد الساعة مزال ماشفت والو ... شهر كولو وانت ميكة عليا حتا من حقي مكتعطيهش ليا كنشوفك بليل عيانة مكنبغيش نضغط عليك ... نتي عارفاني كنبغي كلشي يكون بخاطرك منقدش نعس معك ونتي بلا خاطر ....
مروى : ( علات فيه راسها ) وقتي كولو ديالك ... ولو نكون عيانة
وليد : مروى علاش متاخديش عطلة ترتاحي فيها
مروى : ( بلعات ريقها ) ضروري من عطلة ؟
وليد : الى بغيتي
مروى : منقدش نغبر فلي سطوغي
وليد : عادي قولي ليهم اتغبري واحد الفترة ترتاحي فيها مافيها والو
مروى : واش عرفتي شحال تبعاني ديال الخدمة و الاجتماعات ماشي وقت العطلة والله
وليد : و شنو دابا
مروى : نأجلوها
وليد : واا ماااايمكككنشش
مروى : وعاافااك .. عافاك اوليد ... غير هاد المرة .. عفاك
وليد : بشرط
مروى : انا موافقة على الشرط ديالك ..
وليد : ملي نكون معك منشوفكش هازة داك تليفون ( بغات تنطق زرب عليها ) والله حتى نهرسو فوق راسك .. ملي نكون خارج ديري لي بغتي مغنحبسكش ولكن فاش نكون حداك عطني تانا وقتي متبقايش مقابلة داك الخرااا
مروى : ( بعبوس ) اوكاااي
نهاية_فلاش_باك
ضرباتها ريحتو هي تلفت جنبها بان ليها خارج من دريسينغ كان دوش ولببس حوايجو عاديين عرفاتو لي معول هاد نهار يبقى غير فدار معندو فين يمشي تبسم ليها دار يديه فجيابو وقرب عندها هبط على راسها باسو و كلس جداها وعنقها بجنب
أنت تقرأ
🔥 آهات_قاتلة 🔥(مكتملة)
Teen Fiction🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
