آنا : وااقلة راك مزال مكتعرفيش ولدي مزيان
روسيل : وتانا مبغيت نعرف عليه والو .. باش نجيك نيشان انا ولدك عمرنا نتفاهمو داكشي علاش بغيتو يبقى بعيد عليا وباش نضمن راحتي جيت هنا لعندهم ... على الاقل ميبقاش يتحكم فيا ونبقى محبوسة عندو كيف ما بغا هو
آنا : ( طبطبت على يديها ) ميكون غير خاطرك وحتى لابغتني نهضر معاه ميقربش ل ....
روسيل ( قطعاتها ) لاااا اخالتي لاا .. متقولي ليه والو ماحدي معكم هنا ميقدش يدير شي حاجة
آنا : طلعي ترتاحي غاتكوني عيانة
روسيل : لا بالعكس مكرهتش نبقى نهار كولو معك كنهضرو .. توحشتك بزاف و الله ....
آنا : نخرجو ناخدو قهوة فجردة نكملو فيها هضرتنا
روسيل : آريا مزالة مطولة !
آنا : ملي كيكون زكرياء مكيطلعها لعندنا حتى كيسخفها
روسيل : الله يشفيها ياربي
غرفة جيسيكا ....
واقفة قدام مرايتها وشادة بيديها فوق جناب الكوافوز ... اكسسوارت ديالها ومكياجها كولو مزلع فلأرض وهي كتشوف فالمرايا بعينين حووومر باكيين ... مصدومة وممستوعباش آشنو طراا ! ...
تحلات الباب ودخلات لورا عاقدة ملامحها معجبهااش الحال تاهي سدات الباب ودخلات عندها ....
لورا : عجبك الحال دابا
جيسيكا قلبات راسها لعند ماماها وخيبة أمل كبيرة فعينيها وهي تشهق بكيتها تانزلو دموعها ومشات كتجري عندها عنقاتها كتبكي بججهد و لورا تنهدت وعنقاتها كطبطب على ظهرها ......
لورا : شششش ... جيسيكا حبسي ابنتي .. جيسيكا باركا من البكا دمووع مغينفعوك فوالو دابا ....
جيسيكا : ( كتبكي فحضنها وتشهق وهضرات بصوت متقطع بالبكا ) دارها اماما .. دارها وبدلني بيها ...
بدات كتبكي تاني و لورا عاقدة حواجبها ملامحها معصبيين وخا يطرا لي يطرا كتبقى جيسيكا بنتها متبغييش لي ينزل الدمعة من عينيها ... جراتها بشوية لسريرها جلساتها كتسمح دموعها عطاتها الما شربات ورجعات حداها جلسات
لورا : كتعرفني وخا نتخاصم معك ونغوت عليك ونضربك ولكن راه منبغيييش لي ينزل الدمعة من عينيك
جيسيكا : ( مهبطة راسها وعينيها فازكين بالدموع ) سمعتيها شنو قالت اماما ... هي مكدباتش بصح وليت كنبان كبر من عمري دفنت راسي وانا مزال صغيرة عطيتو قلبي وراسي بغيتو وعمرني غدرتو وربي شاااهد عليا فلخر بدلني بوحدة صغرمني
لورا : مبدلكش بيها .. وعمرو يقدر يديرها ... حيت عمرو غيلقا بحالك لا فزين ولا فلطااي اما هديك متديش على هضرتها راه بغات غير تعصبك
أنت تقرأ
🔥 آهات_قاتلة 🔥(مكتملة)
Teen Fiction🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
