🔥آهـــات_قـاتـلة_Razvan🔥
💞الفـصـل الـثــاني : عــواصف الــحب💞
🌠الـبـارت: 471
بقات مدة واقفة ..... تاشافتو مشى و يلاه خارجة مع الباب هي تسمع التصفيييقات دالحضور ... رازفان كان كيشرب من كاسو ... هو يقلب راسو وبدا يطلعها وينزلها وهي نازلة من دوك جوج درجات للي قدام لباب ومبتسمة لناس وكتحييهم براسها كتمشى ورافعة راسها لفوق جمال الكورديستانيااات ساااحر و وعيونها الخضرين خلقو سحر من نوع آخر خلااات الجميع يشوف فيها باعجاااب ....
رازفان تبسم بعينيه حط كاسو و وزاد بشوية باتجاها و فلاشات الكاميرات كيلتاقطو ليهم صور .. والكل كيشوف فيهم و جاد متبعو بعينيه مزززير على الكاس فيديه تاوصل لعندها و شد يديها عندو وقربها لفمو قبلها امام انظار الجميع باغي يعلن للجميع انها ديالو رسميا وانه مامكترث لحتى شي وحدة و جيسيكا جالسة فكرسي كتشوف فيهم و مزيرة على سنانها ولورا كتشوف فيهم عاقدة ملامحها ومرة مرة دور تلقي نظرة على بنتها لي كان واضح الغضب على ملامحها .....
دخلات يديها وسط دراعو شادة فيه غادية فجنبو متمسكة به عالنين للجميع انهم تزوجو الجميع كانو مترقبينهم بعينيهم تا شافو الخواتم عاد عرفو ان الحفل داروهم باش يعلنو على زواجهم .... وحدة من المعجبات ديالو كتشوف فيهم وتنهد عرفات لي صافي جات للي داتو و آنا كتسفق بيديها ضاحكة و عنيها مدمعين بالفرحة اخيرا ولدها قلبو حن وقرر يدير أسرة ديالو و يستقر .... زكرياء كيشوف فيهم حتى وصلو لعندو طلقات روسيل من رازفان وعنقاتو ....
زكرياء : مبروك ابنتي
روسيل : ( بعدات عليه كتشوف فالحضور ) كلشي حاضر و فرحان بينا الا هو مكينش معانا
زكرياء : دبا يفيق ويرجع لصحتووو و يفرح بك كي فرحنا حتى حنا
روسيل : امين
زكرياء : ستمتعو بوقتكم
روسيل تبسمت ليه و شدات فرازفان ومشاااو بجهة البرمان و جلسو على الكراسا شدات كوكتيل وهو شد كاس ويسكي مخفف حتى وقفات عليهم مروى
مروى : ( كتشوف فيها مبتسمة ) عريييسنا الغزااال
رازفان : هه كنت كنقول موحال يخليك تجي
مروى : هههه راه انا لي مكنتش باغا نجي غير هو لي أصر عليا باش نحضر
رازفان : ياك امدام !
مروى : ( هزات كوكتيل من عند الناذل ) شمتوونا فهادي
رازفان : اشنووو !!!
مروى : درتوها لينا ناااشفة مكاين لا عراسية لا عونيات
رازفان : نعوضوها ليكم فالسبوع
روسيل : اشمن سبوع تاني ؟
رازفان : ( حط يدو على كرشها ) ديال ولدنا ان شاء الله 🔥آهـــات_قـاتـلة_Razvan🔥
💞الفـصـل الـثــاني : عــواصف الــحب💞
🌠الـبـارت: 472
أنت تقرأ
🔥 آهات_قاتلة 🔥(مكتملة)
أدب المراهقين🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
