رازفان بدا تايقرب عندها خطوة بخطوة مامتيقش و كيحاول يكذب عينيه ... وهي غير تتسرط فريقها ولاااات كاملة حمررة محرجة من الموقف لي تحطات فيه قدامو ... زيرات على قبضة يديها بجوج وهو قرب لعندها ونزل عينو الكارو وتحنى هزو بصبعانو وهي عينيها حمااارو ... بقى يشوف فيه ويشوف فيها
رازفان : آااش هاااااادشي .... !!!!!
روسيل كتشوف فيه وكضور راسها بالنفي كترعد ... بالخوف و الخلعة منو رغم انها عارفة معندوش حق يدخل فيها تاحاجة مكتربطهم باش يغوت عليها اولا حتا يحاسبها لكن كيفاش اتصرف معاه معرفاااتش كي دير ليه خصوصا وهو حصلها كتكمي .... سرطات ريقها وحاولت تحكم فراسها كثر طلعات النفس وهبطتها وقربات لعندو كتشوف نيشان لعنيه
روسيل : راك كتشوف فيه ... هدا كارو
رازفان : ( قرب ليها وهو فقمة عصبيتو ) نعااام !!!!مااااسمعتش مزيان .. عاودي شنو قلتي ؟؟؟؟
روسيل : ( قلبها كيضرب بالخوف ومبغاش تبين ليه ) قلت ليك ... الكارو .. بحال لي كتكمي انت
رازفان : ( بحدة وعصبية ) كتكمي ا روسيل ؟؟؟؟؟
روسيل : ( بهدوء مصطنع ) مالك جاتك عجب .. تشوف بنت كاتكمي !
رازفان زير على عنيه مدة كيحاول يتحكم فعصبيتو ويحاول يستوعب الكلام لي كتقول ... ورجع حلهم فيها
رازفان : من امتى
روسيل : هاااا !!!!
رازفان : من امتى ونتي كتكمي ؟
روسيل : ونت علاش كاتسول
رازفان : كيفاش علاش كنسول راك كتكمي ا روسيل ( كيشوف لجنبها ) يله فاتحة وكتكمي !! باغا تقتلي راسك
باغا تجيبي سبتك عليا ... راك كتكمي وسط داري .. من امتى ونتي كتكمي هضضضضري ماتعصبي ديييلمي
روسيل : (كتحس برجليها ايخويو بيها وغطيح بالخلعة نبرة صوتو وملامحو لي تغيرو خلعوها عمرها شافتو فهاد الحالة وهاد العصبية كااملة ) كنكمي ملي وانا مع واليديا ماشي عاد انشد كارو فيدي ... ( نتراتو من بين صباعو ) اذن معندكش حق تحاسبني على شي حاجة متعودة عليها
رازفان : جاوبي على قد السؤال ... من امتى بضبط ونتي كتكمي ؟
روسيل : ( عصبها بهضرتو ) واش مريض فرراسك ولا مالك باشمن حق جاي كتسولني ؟؟؟؟؟
رازفان : ( بعصبية و الغوااات ) من إمتى ا روسيل من إمتى ؟؟؟؟
روسيل : ملي وانا بنت تمنطاااش
رازفان : ( كيرمش فيها ) تمنطاااش قلتي !!!!
روسيل : ااه
رازفان : كان عارفك كتكمي !
روسيل : شكوون هو
رازفان : داك لي كنتي معاه .. كان عارفك كاتكمي ومقاليك والو ؟؟!!!
أنت تقرأ
🔥 آهات_قاتلة 🔥(مكتملة)
Fiksi Remaja🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
