روسيل : ( كتشوف فيه بتحدي ) و الى قللتها شنو غدير
رازفان : للي نديرو فيك ماغيجي حتا على بالك
روسيل: داكشي لي درتي فتوفيق مغنساهش ليك .. عمرني ماغنسمح ليك على داكشي لي درتي فياااا ... وبحيااااتي و بحياة بابا تاغنخليك تندم على هدشي كامل لي درتي فيا
رازفان : ( شدها من فكها معلي ليها راسها لعندو ) رازفان مكيتهدددش ... و لي حاول يوقف فطريقيي غنمحييه من الدنيا
روسيل : ( نترات لو يدو ) توفيق و ماما بسبابك ماتو عند بالك بهاد التعامل ديالك غنسمح ليك وندير بحالا ماوقع ولو !!!.. الى كان هاكا فراك غالط ...
رازفان : ماماك ماشي انا لي قتلتها
روسيل : ملي ماشي شكون قتلها !!!!
رازفان : ( كيحاول يبقى مبرد معها ) لي سرقو المتحف
روسيل : هوما غراضهم بسرقة ماشي يقتلو الناس ..اجي يكما تكون نتا لي كلفتي شي حد يقتلها
رازفان : ( دار فيها شوووفة دمنيتك ) واش مريييضة فكرك نت ولا شنووو .... آش دخلني انا فهدشي لي طرا
روسيل : حيت البلاصة لي كاتكون حاضر فيها نتا ضروري ماتوقع فيها شي كارثة ....
رازفان : الى كان شي حد خاصك تحاسبيه فراه هو عصام ماشي انا
روسيل : ( طلعات حواجبها بجوج ) شكون عصام ؟؟
رازفان : للي تبعك ديك لليلة لداخل المتحف
روسيل : ( بصدمة ) علاش .. و ..واش .. ه ..ه .. و سباب !!!!
رازفان : حرك راسو بآه
روسيل : ( عينيها حمااارو بغاو يدمعو ) الى هوما قتلو الناس لي كانو حاضرين باش يسرقو .. نتا شنو سبب لي خلاك تقتل توفيق ؟؟؟
رازفان : كان يستاهل
روسيل : ( بعصبية و الغواات ) الى كان شي حد هنا يستاهل الموت فراه هو انت
رازفان : لو كنتي كتعرفيه مزيان مكنتيش اتقولي هاد الهضرة
روسيل : ( دموع كيسيلو ) توفيق وخا يدير شنو مادار مكانش يستاهل يموت بديك الطريقة
رازفان : نخاف غير نعاود ليك عليه ونصدمك
روسيل بقات غير كتشوف فيه وصدرها كيطلع ويهبط سرطات ريقها وخدات نفس عميق وطلعات فيه راسها
روسيل : خرج عليا منهنا
رازفان : ( بابتسامة مستفزة ) هادي راها داري .... كتجري عليا من داري !!!
روسيل : اه عندك الحق هادي دارك ( ناضت بسيف وقفات على رجليها ) اذن خليني نمشي منهنا ونتا خليك فدارك
رازفان : الى مكنتيش باغا تشوفيني هنا ، ديري اش قلت ليك خليك فبيتك حتى ترتاحي وترجعي صحتك ... انا مرة مرة غنبقى نجي نطل عليك
أنت تقرأ
🔥 آهات_قاتلة 🔥(مكتملة)
Teen Fiction🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
