آنا : منبعد ا لورا
لورا : منين كتعرفوها وبنت من هي !!
آنا : ( مرداتش عليها ) روسيل جلسي تفطري معنا ..
جرات كورسي حدا آنا وجلساات عليه و آريا ضحكات بحمااااس وقربات بكورسيها لطاولة شهيتها زادت تحلات ملي شافت توأمتها فالمصائب خداو فطورهم مجموعين و عينين جيسيكا غير كيضورو جاتها غريبة سلمات عليهم كاملين الا هو ! ضارت جنبها كتشوف فيه لقاتو كيشوف فيها بلعات ريقها وضارت قدامها مبغاش داكشي لي طاح فبالها يكون بصح ويصدقو كيعرفو بعضياتهم من قبل ....
زكرياء : ساليتي قرايتك ولا مزال
روسيل : خديت إجازتي فإدارة الاعمال
زكرياء : آخر مرة شفت تصاورك مع انس فإفتتاح الفرع لي عندكم فطنجة كنتي كتباني بقى صغيرة
روسيل : داك العام كنت يله تخرجت ... وبابا كان بغا يكلفني بداك الفرع وانا رفضت ... مقديتش نبعد على ماما بقيت خدامة معاه فكازا
زكرياء : فراسو بلي راك هنا !
روسيل : ( تنهدات ) لا
زكرياء : جيتي بلا خبارو ؟؟؟
روسيل : لا ( زيرات بيدها على الفورشيط ) حيت ولو نبغي نقولها ليه مغيردش عليا
زكرياء : كيفاش !!
روسيل : بابا ناعس فالكلينيك ( زكرياء تصدم هي طلع عينيها فيه ) هادي مدة وهو داخل فغيبوبة
آنا : كيفاش حتى وقع هادشي ... من امتى وهو فالكلينيك ؟
روسيل : بابا وماما تصابو فالحفل لي حضرنا ليه فالمتخف جديد .. ماما مقدوش يعتقوها ... وبابا دخل فغيبوبة ....
زكرياء : ( كيشوف فرازفان بخيبة أمل لانه كان فخبارو غادي المغرب على قبل المهمة لي تكلف بيها فالمتحف ) امتى طرا هدشي ؟
روسيل : شهر تقريبا
زكرياء : ( وجه كلامو لرازفان ) كان فخبارك وخبيتيها عليا
رازفان : تهدن الواليد
زكرياء : ( بنبرة صوت حااادة ) فخبارك ولا لا
رازفان : اه
زكرياء : واش عارف داك الراجل لي بين الحياة والموت شكون هو بنسبة ليا ولا معرفش ... هداك راه خويا ماشي صاحبي ... داك الراجل دار فيا لي مدااارووهش خوتي ومصرف فيا غير الخير ... بحال هاد الموضوع مخصكش تخبيه عليا
رازفان : تانا عارف معزتو عندك ومخليتوش تكلفت بالعلاج ديالو و طبيب لي مشرف على حالتو كل نهار كيصيفت ليا التقرير الطبي دحالتو الصحية والى قتضا الحال نجيبو حتى لهنا يتعالج حدانا
زكرياء : ( سكت مدة ) طبيب مقلش امتى غيفيق
أنت تقرأ
🔥 آهات_قاتلة 🔥(مكتملة)
Teen Fiction🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
