محساتش على راسها تا كانت داتها عينيها فداك الجناح ...
التحت ....
الممرضة كانت مع الخادمة فالكوزينة كيقادو فلغدا لروسيل تابدا تليفون كيصوني فجيبها غير شافت نمرة ديالو ديك ساعة جاوبت
الممرضة : مسيو رازفان نتمنا تكون بيخير
رازفان : فين هي
الممرضة : ناعسة فبيتها امسيو
رازفان : ردي بالك معها عندك تخرج من دار بلاما تشوفيها
الممرضة : كنعطيها فلي كالمون غير باش تبقى ناعسة ومتفيقش
رازفان : مزيان فلليل غانجي نطل عليكم
الممرضة : اوكاااي مسيووو
قطع عليها ردات تليفون بلاصتو وطلعات عندها طمن عليها تابانت ليها جاية كتمشا فالكولوار مشااات بزززربة عندها شداتها
الممرضة : بشووية عليك .. بشوية .. علاش خرجتي امادموزيل من بيتك راكي بقى عيانة ....
روسيل : بغيت نخرج لجردة عافاك
الممرضة : البرد عليك ونتي عاد فاتحة
روسيل : قنطت بزاف فداك لبيت ... بغيت نشم لهوااا
الممرضة : خليك هنا نجيب ليك شي كاپ ديريه على كتافك متخرجيش هاكا
روسيل ومات ليها براسها وهي دخلات كتجري لدريسينغ جابتو ليها دارتو على كتافها وهبطو لجردة جلسو و روسيل منطقات بحتا كلمة فقط كاتفكر فحل يفكها منوو ويخليها تمشي فحالها اما حتا الهروب شي حاجة مستحيلة هبطو ليها الخدمات لغدا عبارة عن ستيك اللحم مرافقينو بالمقبلات و الديسير ....
الممرضة : بغتي شي حاجة خرى
روسيل : لا
ومات ليهم الممرضة باش يمشيو وقربات ليها الاطباق لقدامها وروسيل كتشوف فالماكلة بشهية مسدودة
الممرضة : متقوليش ليا مفيكش الجوع ... كولي باش تاخدي دواك امادموزيل .... وترجعي صحتك
روسيل : مكرهتش نمشي فحالي منهنا
الممرضة : سمعت بلي باباك مريض وداخل فغيبوبة
روسيل : بابا مريض .... مريض بزاف ...
الممرضة : ان شاء الله غيبراا ويرجع حسن من كيف كان
روسيل : ( سهاااات قدامها شحال ) بابا هو حيااتي .. بابا و ماما كانو هوما كلشي فحياتي ... انا هي بنتهم الوحيدة .... ملي تولدت ماما مرضات وضطرو يستأصلو ليها الرحم مبقاتش قدرات تولد ابخي خمس سنين مرضات ماما بسرطان كنت بقى صغيرة .... ( عنيها دمعو ) ضطرو يسافرو لأمريكا .. بابا مسكين كان ملاهي مع ماما ومعندوش كيفاش يدير ليا خلاني مع صاحبو ومراتو ( تبسمات ) بقيت معهم فدار وماما سافرت هي وبابا باش تبدا العلاج 5 شهور وانا معهم ... رباوني وحسبوني بحال بنتهم ..... ملي رجع بابا مسخيتش نمشي .... سولتو على ماما قاليا بقات فامريكا وجا باش يديني معاه انا مبغيتش ههه ولفت بزاف عند دوك الناس .. وصاحبو طلبو باش يخلني معاهم ... وفعلا بابا وافق وخلاني وخا جاتو صعيبة دوزت معهم عام كامل ... ونعم الرجل قراني و رد ليا لبال كيخاف عليا بحال ماكان كيخاف على بنتو ... مكانوش عندي خوت .... بنتهم كانت بمثابة ختي صغيرة ... كنت كبيرة عليها ب 3 سنين .. كانت عزيزة عندي وتانا كنت عزيزة عليها .. داز داك العام طاير بابا وماما رجعو وديك العائلة مشااو لبريطانيا ... فرحتي كانت كبيرة ملي ماما تشافات وفنفس الوقت بكيت حيت مشاااو ومبقيتش عاودت شفتهم من داك الوقت .. ستقرو بالمرة فبريطانيا عمرهم عاودو رجعو المغرب
أنت تقرأ
🔥 آهات_قاتلة 🔥(مكتملة)
Teen Fiction🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
