لاتقترب... بقلم إيمان صالح (مكتملة)

الجزء الثاني

#لا_تقترب
#الجزء_الثاني
ماكنش في دماغها إن إللي بيحصل ده بسبب الڤيديو أبدااا..
بعد مرور يوم من رؤية الڤيديو..
طبريه ونوتيلا في بيتهم والأمهات معاهم، مافيش حد انتبه للي حصل لطبريه ولا حتي نوتيلا نفسها، طبريه نايمه ولما بتفوق كأنها في عالم تاني، وفي الصباح حاولت نوتيلا تدخل تصحيها.
نوتيلا••خبطت عالباب، طبريه! طوبي؟ فوقي يابنتي عشان نفطر خلصي كل دة نوم!
الباب إتفتح ولكن طبريه نايمه ماقامتش، إستغربت نوتيلا للغايه وبدأت تدخل الأوضه وهي بتتكلم،
يابنتي إنتي لحقتي تترمي عالسرير تاني؟ ماتقومي بقي يخربيت كسلك! وفتحت الستارة المنسدله علي الشباك بتخفي نوره لتتبدل العتمه لنور وبدأت تسمع اصوات صراخ وكأن مجموعه من الكائنات الفضائيه طالها النور وقامت طبريه قعدت علي السرير وبدأت تحرك راسها يمينا ويساراا بطريقه غريبه وكأنها بتري نوتيلا لأول مرة، وبدأت تتكلم بطريقه غريبه
طبريه ••بعيون ثاقبه ونظرات غريبه وكأنهاكاميرا مراقبه، نظرت يميناا وشمالااا وقالت، إنتي إيه دخلك لعالمي؟
نوتيلا ••هههههه، عالمك؟ قومي قوء، بصت في وجهها إيه دة؟ عنيكي مالها؟
طبريه ••بنفس تلك الطريقه الغريبه المزعجه، وكأن عيونها فيها أنفاق من الإحمرار علي السواد المبعثر في بياض العين، مالها عنيا؟ بتعود لطبيعتها، ماتقلقيش..
نوتيلا ••مالك يابنتي؟ إنتي بتتكلمي كدة ليه؟ ومرة واحده دون إنذارات رجعت عيونها وليس بها شائبه، رجعت نوتيلا للوراء مستغربه، فيه إيه؟ إيه الغموض اللي بيحصل ده؟
طبريه ••مش فاهمة بتتكلمي عن إيه! هقوم آخد شاور ونفطر، يلا بينا؟
نوتيلا ••بدهشة، أء اوكي يلا بينا.
بعد وقت قليل، علي طاوله الطعام، طبريه بتاكل بنهم وشهيه مفتوحه علي غير العادة والكل بيبصلها بإندهاش مستغربين
بصتلها مامتها دلال وقالتلها بإستغراب.
دلال••شوفي ياختي البت مسروعه إزاي؟ إيه اللي حصلك يابنت المسروعه؟ كلي بالراحة يابنتي؟ بصت لها طبريه بصه غريبه ليست مفهومه، هل هي إعتراض ام إندهاش أم سمعاا وطاعه، وبصت في طبق الأكل تاني وبدأت تاكل اسرع من الأول وهيا بتقولهم،
طبريه ••جعانه، آكل إزاي يعنى؟
نوتيلا ••طول عمرك بتاكلي بالراحه، إيه حصلك؟ بتعملي فينا مقلب مش كده؟ ههههه، بتحاول تداري علي افعالها الغريبه لأول مرة..
طبريه••قامت مرة واحده وهيا بتقول شبعت، يلا بينا؟
نوتيلا ••يلا بينا فين؟ مش هننزل النهاردة، انتي وراكي حاجه ولا ايه؟
طبريه ••يابنتي إيه مالك؟ إنتي نسيتي؟ الڤيديوز؟ الريتش! يلابينا نكمل البحث.
إندهشت نوتيلا تانى من فعلها الغريب بكلامها قدام الأمهات لأنهم في العادة مش بيتكلموفي شغلهم قدامهم، بصتلها نوتيلا ذهابا واياباا بعيونها وشدتها من إيدها.
نوتيلا ••مالك يابنتي فيه ايه؟ إنتي مش طبيعيه علي فكره خالص! لازم تقلقيني يعني؟
طبريه ••ماتقلقيش عليا، أنا مش لوحدي! أنا معايا كتير جدا غيرك.
بصتلها نوتيلا بإستغراب جامد وقالت،
نوتيلا ••معاكي إيه مش فاهماكي والله!وبدأت تبص علي عيونها اللي بقت مخيفه ولقيتها بتتغير بألوان مختلفه، حتي شكل العين بيتغير وبدأت طبريه تقولها كلام مش مفهوم،
طبريه •• ميكاشفيم كلهم معايا،  آشاڤيم، جورزيم، متخافيش، أنا بأمان.
نوتيلا ••بصتلها وهيا مرعوبه، وبدات تمسك إيدها وتتكلم، يانهارك ابيض! إنتي فيكي ايه انطقي لو إتكلمنا هنتفضح والله، هعيط كدة، وبدأت عيونها تدمع.
طبريه ••أنا بخير، لااااااا تخبريهم بسرنا.
نوتيلا ••طيب يلا، انا هنزل وانتي ارتاحي،
طبريه ••لا، أنا معاكي، من غيري مش هتكوني بخير، يلابينا،
نوتيلا ••يلا طيب،
ودخلت كلا منهم علي أوضتها عشان تجهز نفسها وبسرعه لبست هدومها وطلعت، بعد قليل  من الوقت بدأت تمشي رايحه جايه قدام باب غرفه طبريه وبتستناها عشان تطلع لكن دون جدوي مما ادي لقلق نوتيلا، نوتيلا بدأت تتوتر رايحه جايه قدام باب غرفتهابتفرك في إيديها وبدأت تتكلم مع نفسها،
نوتيلا ••هوا فيه إيه؟ ساعه عشان تلبسي؟ كل حاجه فيكي النهاردة غريبه ليه يابنت عمي؟ إستغفر الله العظيم!  وبدأت تعلي صوتها بالكلام، يابنتي؟؟ يلابينا بقي إنتي بقالك ساعه إلا ربع بتعملي ايه؟ وبدأت تسند ودنها عالباب لما سمعت جوة همسات لأصوات غريبه جوة، أصوات رجاله كتير علي ستات بلغه غير مفهومه وبدأت الأصوات تسكت لما بدأت نوتيلا تسترق السمع
من الداخل الأصوات خفتت  وبدات تبقي بالهمس  ، وفجأه الباب إتفتح ونوتيلا كانت هتقع علي وشها من فتحة الباب وبدأت تتكلم طبريه بغموض.
طبريه ••فيه حاجه؟ بتتصنطي عليا ليه؟
نوتيلا ••محرجه، أاااء، مش بتصنط ولا حاجه انا بس لقيتك اتأخرتي، مالك يابنتي اتأخرتي ليه؟ هء، هوا أنا سمعت أصوات
طبريه•• بإندهاش، اه يااه! فضولك هيقتلك،تنهدت وهزت راسها بتعجب ورفض لفعلها، هننزل ولا لأ؟
نوتيلا••أءء، هوا انا سمعت اصوات جوة دة صح ولا تخيل؟
طبريه•• بجمود، لأ تخيل، يلا بينا؟
نوتيلا ••هوا فيه نور جوه؟ انتي مولعه شموع؟
شدت بالباب جامد أغلقته ورددت تاني يلاااا !!
بإستغراب بصت لها نوتيلا وقالتلها يلا ياستي يلا، هنروح فين؟
طبريه ••عالإستوديو، ورانا شغل كتير
نوتيلا ••فعلااا ورانا شغل كتير، تنهدت، يلا!
نزلت البنتين في طريقهم للإستوديو اللي بيشتغلو فيه شغلهم وكانت فيه البدايه لما حدث وبدأو يدخلو ويشغلو تاني الأجهزة،لكن نوتيلا مش حاسه بإستقرار ولا طمأنينه من ناحية طبريه بنت عمها، بدأت تفكر ياتري هيا كويسه فعلاا؟ طيب إيه التغيرات اللي طارئه عليها دي؟ طب أسألها تاني عشان تحرجني؟ محنا هنا لوحدنا؟! مش هتحرجني ولا حاجه أنا هجرب أتكلم معاها وأشوف وكدة كدة دي أختي وحبيبتي كمان، وفعلااا بدأت تتكلم وهيا بتظبط الأجهزة لكنها مش عارفه هتظبطها ليه!وياتري هتجلب خير ولا شر تاني؟ 
نوتيلا •• وهيا بتعلب في الكابلات والتوصيلات، مش عارفه إيه لازمة اللي بنهبله دة! بقولك إيه؟ انا تعبانه ومش مرتاحه وعاوزة أوقف الهبل دة، خلاص حاسه بشر صراحه وريبه كدة.
طبريه ••عيونها بتتحرك حركات غريبه، ساعات البؤبؤ ثابت وساعات ينقسم اتنين وبدأت تكلمها، وانتي عاوزة توقفي ليه؟ خايفه؟ مشيتي طريق كمليه للآخر.
نوتيلا ••سابت السلوك اللي فإيدها وبصت لها وهيا بتقول، يعني انتي مرتاحه ومش خايفه؟ دانتي من يومين تلاته كنتي رافضه اني اكمل الموضوع اصلااا! مش بقولك فيكي شئ مريب! مالك؟ وأرجوكي بلاش إنكار، في نفس اللحظة ومرة واحدة النور بيشرز وكأنه برق ثم إنطفئ، وحل الظلام الدامس علي الفتاتان حتي صرخت نوتيلا من هول الموقف، ولكن الأغرب ماجري.
نوتيلا••يامامي! الدنيا ضلمه كحل خاالص! أنا هنور كشاف ولا حاجه، وفجأه إذ بصوت لم تسمعه من قبل يحاكيها، إفتحي كشاف لكن لعقلك أولااا، إتبعيني، كل كلمه ممزوجه بالعديد من اللغات المختلفه عن المصريه أو العاميه، لترد نوتيلا بصوت خافت مرتعش بتستنجد ببنت عمها،
نوتيلا ••ياطوبي! يازفته انتي فين والنبي؟
طبريه ••أنا موجوده وبكلمك.
ومرة واحدة ولاتعرف كيف إستولت علي تليفونها وفتحت كشافه وإذ بها تري عجب العجاب، طبريه ببياض الأعين وسوادها أسود كل العين ليس فيها ذرة بياض، كل الوجه وكأنه خريطه أرضها زرقاء شاحبه دبلانه  وحدود بلدانها عروق سوداء، المنظر مرعب جدااا،  وبسرعه صرخت نوتيلاا بعلو صوتها ليتغير وجه طبريه أمامها ومرة واحده يجي النور.
نوتيلا ••ااااه عاااا، الحقوني، كتمت بقها طبريه وهيا بتقولها،
طبريه ••ششش إسكتي هتفضحينا وتكشفي السر، فيه إيه؟
نوتيلا ••بذعر، إنتي مين؟ إنتي مش بنت عمي لأ، بكت.
علي صوت طبريه بالضحك المخيف ليعود به لطبيعة صوتها،
طبريه••ههههه، مسكينه! بتدوري عالمخاطرة! خلينا نشوف بعد كدة هتخاطري بإيه؟ المخاطرة ليست شيئاا سهلااا حتي ولو كنتي عاوزة النجاح والوصول، سنعلمك أشياائاا تكسبك الشهره والنجاح ولكن أولااا يجب ان تصلي لمكاننا، دوري علينا يانوتيلا.
نوتيلا بدأت تحط ايدها علي ودانها وتصرخ ووقع الكشاف بالفون من ايدها وفجأه وسط صرخاتها رجع النور إتقطع وجه تاني  وبدأت طبريه تتكلم وكأنها هي من تخاف منها.
طبريه ••بخوف بتبص لنوتيلا ونفسها بيعلي ويوطي، مالك يابنتي؟ إهدي فيه ايه؟ أنا خايفه منك خايفه، بكت.
نوتيلا بدأت تبصلها بإستغراب وهيا مش مصدقه اللي بتقوله وبدأت تقولها
نوتيلا ••إنتي كويسه؟ انتي طبريه؟
طبريه ••بعياط، مش انا قولتلك مش عاوزة اجي هنا تاني؟ جبتيني ازاي؟ انا بشوف حجات في الحلم غريبه جدا وأرجوكي الحقيني من اللي انا فيه دة أرجووكي، انا فيا ايه ايه يابنت عمي؟
نوتيلا ••اخدتها في حضنها وبدأت تقولها، لازم افهم فيه ايه وهخرجك من اللي انتي فيه، اوعدك اني لازم أتصرف.
طبريه••هوا أنا بيحصل فيا حاجه غلط؟
نوتيلا•• بصت في وجهها وبدات تمسح دموعها بإديها وهيا كمان وجهها مليان دموع، لالا ماتشغليش بالك، أنااا انا عاوزة اشوف الڤيديو دة تاني عشان أعرف العنوان تاني، عشان اعرف اللي احنا فيه دة كابوس ولا واقع بجد. 
#يتتتبع..
لو عجبك الجزء الجديد علقي بتم وعشرين ملصق وماتنسيش تعملي متابعه علي صفحتي الشخصيه عشان يوصلك كل جديد 👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻
#إيمان صالح
#إيمان صالح عوض