لاتقترب... بقلم إيمان صالح (مكتملة)

الجزء السادس

#لاتقترب
#الجزء_السادس
ودخلت جهزت المطلوب وعملت اللي هوا محتاجه ودخلت علي اوضتها،
في حوالي الساعه اتنين بالليل، نوتيلا سمعت اصوات وكأن فيه قطط أو ذئاب بتعوي في قلب البيت معاهم، وكأن حد رفع راسها بإيده من علي المخده، وهيا في دغويشة النوم عنيها مقفله،
نوتيلا ••بس ياطوبي سيهبﯾن، أنااا، هم، إتنبهت وفتحت عنيها لقت مافيش حد في الاوضه وصوت قطط بتعوي قامت تتأكد فين الصوت..
نوتيلا ماشيه بتتلفت في الشقه كلها، شقه بمساحة تلتوميت متر وفيها فقط خمس اشخاص، الحمامات حوالي تلاته والمطبخ مطبخ واحد وكأنه هوا مصدر الصوت اللي ازعجها، ماشيه بتتلفت خايفه من حواليها مش عارفه الصوت جاي منين، فضلت ماشيه في الضلمه وهيا مرتعده.
نوتيلا••وبعدين بقااا؟ إيه القلق دة؟ انا حاسه اني تايهه ولا عارفه ولا أوضه مكانها فين! هوا الحمام اللي جهزته لفهد وأوضته ومافيش اكتر من كده، وعيب اخبط عليه الوقتي! ياتري فين اوضتك يامروة انتي وطبريه؟ اوصلهم ازاي بس يااربي؟ دنا حتي مش عارفه مفاتيح ااكهربا في البيت دة مكانها فين! ايه بيت الرعب اللي انا فيه دة بس؟
وفضلت ماشيه تخبط في الحيطان شويه وفي العفش شويه لحد مابدأت تقرب واحده واحده لنور وبدأ الصوت معاه يقرب اكتر
نوتيلا ••أيوة! الصوت قرب اهوة دة جاي من هناك فعلاا فعلاا، ياتري دة المطبخ ولا إيه؟ وجريت عالمطبخ و شافت مشهد مريع جمد الدماء في عروقها لآخر قطره،
نوتيلا بصوت واطي بدات تقول، النور جاي من التلاجه، هوا فيه حد بياكل الوقتي؟ مين اللي بياكل؟ انتي ياطبريه؟ ولا مروة ولا مين؟ مرة واحدة اللي كان موطي في التلاجه وهيا ماكانتش لمحاه من بعيد وقف بطوله وقفل التلاجه وفجأه النور إختفي وأصبحت في ظلام دامس ولاتري إلا أربعة أعين تضئ في وسط الظلام، ضوء أشبه بكشافات العربيات، من بعيد وهلة جسد امرأه، وجنبها وهلة جسد طفل الإتنين ليهم نفس الأعين والضوء الصادر من أعينهم هوا اللي مفسر هويتهم قليلااا، ومرة واحده نظرولها وإتفتحت أفواههم للأسفل وبدأو يصدروا صوت العويل الممزوج بأنين ومرة واحده بتحاول تتحرك مش قادرة وكان ارجلها متربطه في الارض، بتحاول تصرخ من دون فايدة وقعدت تسحب نفسها وكأنها بتحبي لحد ماطلعت للخارج وقدرت أخيراا تصرخ بصوت مكتووم واللي سمعها فهد اللي كان نايم أيضاا وتنبه للصوت من بره، نوتيلا بتصرخ وصوتها كان فيه حد قاعد علي حنجرتها وفهد طلع جري لحد المطبخ وبصحيانه من النوم قعد ينده عليها،
فهد ••نوتيلا، انتي فين حبيبي؟ نوتي؟ ايلاا انا اهوه،
نوتيلا بتحاول توصل صوتها اكتر لكنها مش قادره لكن فهد قدر صلها وفتح نور الطرقه اللي وقعت فيها وطلعت مروة وطبريه والولد من اوضهم وبدأو يفوقو فيها ويحاولو يفمو التشنيجه اللي متشنجاها،
فهد ••نوتيلا؟ قلبي ارجوكي فوقي، واخدها فحضنه وجري بيها علي الاوضه اللي كانت نايمه فيها وبدأ يفوقها، وكلهم مع بعض دخلو وراه، نوتيلا ردي عليا انتي سامعاني؟ هاتو ميه بسكر أو ميه بقرااان، بصلهم وهما واقفين يتفرجو عليها، إنتو هتقفوا تبصولنا؟ ماتخلصو بقي يابشر! فيه إييه؟ وبدأت مروة تجري تجيب الميه وطبريه واخده الولد مابين رجليها وهوا حاطط وشه في هدومها وكأنه خايف،
مروة••أهي يافهد، الميه اهي اقري عليها وامسح وشها بيها، انا مش عارفه بس فيه ايه؟؟ انا شقتي زي الفل والاه مش عارفه مالهم؟
فهد ••هتفوق هتفوق، وبدأ يقرأ قرأن بصوت عالي عالمياه والغريب في طبريه والولد، اللي واقفين يدخنو، طبريه اتحركت خطوتين بالولد لورا عشان ماتلمحهمش عيونهم، وبعد دقيقه خلص فهد القراءه وبدأ يبل بقها بالميه ويغسل وشها بالميه وبدأت نوتيلا تفوق وأول مافاقت كانت عينها متحجرة علي طبريه وآسر وكأنها شايفه حاجه مش مظبوطه ومحدش شايفها غيرها وبدأت تصرخ بهستيريا ..
نوتيلا ••عاااااا، عااااا طلعهم برة ياامامااا، دي مش هيا، دي مش هيااا، وإستخبت في حضن  فهد، مش عاوزه حد يافهد والنبي أنا خايفه بالاه عليك طلعهم وماتسبنيش عشان خاطري..
بدأت مروة تتضايق وتقول،
مروة ••يلا يلا ياطبريه اطلعي خطيبها هيفوقها وانت ياآسر يلا بابا عشان أنيمك؟
آسر••لاااا، انا هنام في حضنك يامامي طوبي،
مروة •• بعصبيه، آسر؟؟ بلاش برود تعالي علي اوضتك عشان ماتضايقش طنط!
طبريه••إيه الهبل دة؟ انا مش متضايقه سيبي الولد براحته، آسر تنام عند مامي؟؟
آسر••لأمعاكي،
مروة ••بغيظ؛ ماشي ياآسر، انا هروح انام ولو إحتجتوني نادوني برنه حتي، تصبحو علي خير، وسابتهم وطلعت،
طبريه ••وأنا كمان يافهد، جنبكم وأوضتي مش بعيده قوي لو عوزتني رنلي تمام؟
فهد ••تمام، وخدت البنت الولد وطلعت من الأوضه ومفضلش غير فهد وخطيبته اللي مكتوب كتابهم علي بعض وبدأ يكلمها، مافضلش غيري أنا وانتي! ممكن تسيبي حضني بقي؟ هوا أحنا بنلعب إستغمايه ولا ماصدقتي لقيتي حضني؟ هههههه.
بهدوء وكأنها بتتسلل بدات براحه تبعد عن جسده اللي كان بيفصلها عنه ملابسه فقط وبصت في وجهه رويداا رويداا، وقعدت تبصله بصه بخوف كأنها بتتأكد من ملامحه هيا ولا بتتغير ومكتفتش بالنظرات فقط، بل بدأت تتحسس وجهه بإيديها في خوف وهيا بتقوله ودموعها بتجري علي خدها بهدوء..
نوتيلا ••إنت مش هتتحول ولا وشك هيتغير صح؟طمني يافهد الله يخليك!
فهد ••ضمها تاني بحنان، لأمش هتحول ياحته من قلبي وجسدي، أنا حبيبك اللي بيحلم بإسعادك يوم بعد يوم ماتخافيش، بعدها عنه وهوا ماسك كتافها في إيده وبراحه كمل كلام، إنتي ممكن تفهميني إيه اللي حصل بالراحة؟ من غير ماتتعبي نفسك وانا هستوعب علي طول،
بدأت نوتيلا تنهار بالبكاء أكتر وتقوله،
نوتيلا ••إنت سمعتهم زيي صح؟ قول إنك سمعتهم يافهد عشان اتأكد اني لسه سليمه ارجوك،
فهد هز جذعه مستغربااا وقالها،
فهد ••اللي همامين اللي سمعتيهم؟ فهميني بالراحه،
نوتيلا ••القطط أو الديابا اللي كانت بتعوي، أنا سمعتهم والله، ولقيتهم جنب التلاجه بس همامش قطط،
فهد ••لأ ثانيه واحده!! هوادة مكنش حلم؟؟ انا فعلاا سمعت كدة بس مش عارف لم ولا حقيقه!
نوتيلا ••وأنا كمان مش عارفه والله بس انت لقيتني برة، يعنى يستحيل اكون بحلم اصلاا،
فهد ••ممكن تكوني تخيلتي حجات وفيه كلاب فعلاا بتعوي في الشارع أوحتلك بكده،، عموما ماتخافيش انا هبات معاكي في الاوضه النهارده هجيب فرشتي اللي هناك وأعمل فرشه في الارض عشان هنام هنا بدال مايجرالك حاجه تبقي نصيبه وانتي مخك خفيف اصلاا،
نوتيلا ••لأ تبات فين؟ روح نام هناك الاه يخليك انت شايف بصات مروة وطبريه اصلاا بدون سبب عشان طلبت انك انت اللي تفضل بس،
فهد ••بت؟ هوا انتي مش مراتي بيقولو وانا حر معاكي؟اللي يقولوه يقولوه، انتي علي فكرة لحمي وعرضي فابلاش هبل بقي،
نوتيلا ••فهد، مايصحش يعنى نام هناك احسن،
فهد ••طب إيه رأيك بقي اني هقول لمروة تجيب سريري هنا في الدوار اللي انتي نايمه فيه لوحدك دة! هيا دي اوضه؟ دي عزبه يما، إصبري هجيب الفرشه، ولا اقولك؟ والاه لجايب السرير بنفسه، طلع علي باب الاوضه عشان يجيب الحاجه مسكت فيه نوتيلا المرعوبه انها تفضل اصلاا لوحدها،
نوتيلا ••لأ تروح فين! انا فديلك، جايه معاك انا، وطلعو هما الاتنين وهيا ماسكه في هدومه وبسرعه فك السرير ونقلت هيا الفرشه وبسرعه نصبه واصبحت الغرفه ليهم الاتنين وبين السراير فراغ يكفي سرير كمان،
فهد ••باااس! دة كدة عظمه قووى، كدة كن ياشيخه وأمان، ودفا،
نوتيلا ••وإستهبال! مش عاوزة عقلك يوزك علي عمل شنيع كدة ولاكدة هااه؟
فهد ••بقهقهه،، هههههههه، أبت عمل ايه؟ إنتي شبه واحد صحبي اصلاا دنا اتجوزتك ص حق من امك علي فكرة،
نوتيلا ••رمت عليه المخده، تخليص حق ياراجل يامفلس! وبدأو يضحكو بصوت واطي، أنا هنام بقي علشان بجد محتاجه اني انام، وانا كدة مطمنه وانت هنا،
فهد ••وأنا موجود بس هنا عشان أطمنك،، نامي ومتخافيش ياروحي، تصبحي على خير،
نوتيلا ••شدت الكوفرته المتغطيه بيها من قبل وغطت نفسها وقالت له، وانت من اهله ياروح قلبي، ودقايق ونامت وفهد اطمن لما نامت ونام هوا كمان..
في الصباح،،
صحي الجميع بنشاط وهمه حوالي الساعه تسعه وقعدو كلهم ترابيزة الفطار بعد صلاة الصبح وبدأو ياكلو وهما بيطمنو لي نوتيلا،
طبريه ••يارب تكوني بقيتي احسن من امبارح، لسه خايفهيابت؟
مروة••أة والله دي رعبتني امبارح، والجزمه ة مش راضي ينام معايا في الاوضه اعمل فيه ايه؟
فهد ••انقلي السرير معاهم في الاوضه زيمنا عملت مع نوتيلا، نقلت سريري جوة عشان اي حاجه تحصل ابقي حاسس بيها، بحرج، أء أصل صراحه شقتك كبيرة اوڤر وانا عشان اتحرك لازم اكون حاسس بحركتها،
مروة ••بلعت اللقمه اللي في بقها وبلعت ببق لبن، لاااء طبعاا انت بتقول إيه! البيت بيتكم اعملو اللي انتو عاوزينه، بس اهم حاجة كله بالأدب هااه؟
نوتيلا ••إخص عليكي يامروة! هوا شاقطني من الشارع ياوليه؟ دة السراير جوة وهوا كان نايم شبه الكوبب التقيله حتي!
ضحكو جميعااا،
مروة••لا ياقلبي مش قاصدة خالص والله، بس انا خايفه عليكم من الشيطان ربنا يحفظكم ياارب،
طبريه ••وإيه لازمه السيرة دي بقي؟ ياستي خلينا بعيد عن السيرة دي! دي بتتمرجح في اي حاجه اكشن عشان تصرخ! المهم بقي خلونا في الشغل، عاوزين ننصب العدة عشان نشتغل، وبكرة نبدأ بحثنا عن المكان الموجود في الڤيديوهات دة ياشباب تمام؟
فهد ••ماتريحو شويه ياطبريه! هوا انتي مستعجله ليه؟؟
مروة ••مكان ايه وفيديو ايه ياعيال؟ ماتفهموني؟
نوتيلا ••ماهو دة الشغل اللي احنا جايين عشانه، وهتفهمي كل حاجه واحده واحده، المهم هوا فيه شارع هنا في حته اسمها الإبراهيميه، إسمه شارع بورسعيد؟
مروة ••الإبراهيميه موجوده وكلها شوارع كتير، بس ماعرفش فين شارع بورسعيد دة فيها بالظبط! الكدب خيبه،
طبريه ••طب خلاص احنا هننزل الإبراهيميه دي ونعرف الشارع دة فين بالظبط..
نوتيلا••تمام كدة، يلا كلنا نحلص فطارنا وكل واحد يشوف مصلحته.
مروة ••يعني ياولاد احنا مش هنروح مع بعض نتفسح يعني؟
نوتيلا ••نخلص مشوار النهاردة ونطلع يوم جامد جموده ماشي؟
فهد ••الله! ننزل البحر انا وموزتي؟ انا موافق لو بكرة،
ضحكو كلهم وردت مروة،
مروة ••وانت يابني طلاما واقع كده ايه اللي مخليك متأخر في الجواز؟
فهد ••والله هيا والله، انا موافق اتجوز من الصبح بس تخلص تجيب طقمه! دى كل شويه لما ينزل طقم جديد! تروح تصرف فلوسها كلها عليه كل يومين طقم جديد،
طبريه ••لسالكو ڤيديو واحد، ڤيديو وبس وكل حاجه هتحصل، وتتجوزوا،
نوتيلا ••يسمع منك ربنا، يلا بقي بطلي حش عشان نقوم خلصتي الأكل! بقيتي طفسه قووي..
طبريه ••إيه مش بتغذي؟
فهد ••تتغذي ايه وانتي والده جديد ولا ايه؟ضحك الجميع ماعدا آسر اللي بصله بغيظ وكشر وعقد حاجبيه وزعق وقال،
آسر••مالكش دعوة بمامااا،
فهد ••بصله وتنح، وكل اللي قاعدين ضحكو وفهد كمان هكان هيشرق من الضحك وبص لمروة وهوا بيقولها، إبنك أحول يامروة الحقي!