لاتقترب... بقلم إيمان صالح (مكتملة)

الجزء الثامن

#لاتقترب
#الجزء_الثامن
نوتيلا ••كابوس، كه، كابووس فظيع عاوزة هوا، الاوضه تلج دفووني،  
مروة ••ايه يابنتي اللي حصلك؟ كل ليله تعبانه كدة! هوا فيه ايه بس؟
فهد ••إفتحولها الاوضه ياجماعه افتحي هوا يامروة، فتحت مروه الشبابيك
طبريه••علي فكره كدة مش كويس علي نفسية الولد، انا هاخده ونطلع من هنا هااه؟؟ بصلها الجميع بإستغراب واشمئزاز وسابتهم ومشيت
فهد••مالها دي!
وطلعت من الاوضه ومعاها الولد وبدأت في الاوضه تكلمه بلغه مش مفهومه والغريب إنه فهمها وقفلو الباب وانعزلو عن العالم،
وإتلبخو البقيه في نوتيلا اللي كانت في حالة ذهول وكأنها مستغربه كل الاشخاص اللي حواليها،
في الصباح، صحي كل واحد منهم وكأنه نسي اللي حصل بالليل ومتكلموش فيه خاالص،
نوتيلا••يلا ياشباب قدامنا يوم طويل، عاوزين نوصل النهاردو للمبني عشان عاوزة أعمل الڤيديو قريب لو سمحتو،
طبريه••اوباا، شيفاكي متحمسه قووي،
فهد ••وانا كمان متحمس، يلا افطروا عشان ننزل.
وبدأو يجهزو للنزول والبحث عن المكان الموجود في الڤيديو، 
بعد النزول،
نوتيلا••انا رأيي نحاول نوصل بنفسنا للمكاز ممكن من خاصية الچي بي إس؟
فهد••بيقولك مش موجودة عالخريطه اصلاا وفي خريطه قديمه
طبريه••خلاص، يبقي هوا يعرفنا مكانها فين حتي بالفون، واتصلت بيه بسرعه ودلها عالمكان وقفلت معاه، يلا بسرعه عرفت المكان بعيد عن هنا شويه بسيطه جدا بس هوا حذرني وقالي ان المكان معزول عن العالم تماماا،
نوتيلا ••فين يعني؟
فهد••يارب يكون قريب عشان نوصل علي طول
طبريه••يلا مافيش وقت يلااا، وبسرعه ركبو العربيه ومشيو علي وصفها لحد ماوصلو لشاطئ بحرغريب ومهجور، الأمواج عاليه وشكلها مخيف وجوة فيه مباني وكأنها جزيره معزوله عن البلد ومافيش طريق يوصل ليها ،
نوتيلا••بصت لطبريه بإستغراب، هوا دة المكان؟سوري بس ماجبتش معايا المايوة!  انا مش داخله سوري،
طبريه••مسكتها من دراعها، تعالي هنا هوا الكلام لعب عيال؟  لازم ندخل ونكمل اكتشافنا،
فهد ••بعد ايدها عنها، هنكمل فين؟؟ دة مبني في البحر! هنعدي في البحر إزاي؟ جبتي المركب؟ ولا ايه هنعديها عوم وعوامات وكده؟
طبريه••هيهييه، ماتقلقيش ياظريفه، فيه حاجه إسمها وقت الجزر، وقتها بيظهر الطريق اللي بيودي للمدينه المهجورة دي، ماتقلقوش مش هنغرق ماتخافوش،
فهد ••انتي فاهمه دة معناه ايه؟ المد والجزر ده بيقعد فترات وبمواعيد معينه ليه وقت معين كمان، يعني عشان تخشي المبني دة هتستني لوقت الجزر ودة معناه انك لازم يكون معاكي اكل وشرب عشان الوقت اللي هتباتيه جوه فهمتي؟؟ وممكن تكون وكر لمجرمين جوة اصلاا، لا يانوتيلا انا مش موافق ادخل يلا بينا،
نوتيلا••تعالي نجرب ونجيب معانا اكل وشرب وندخل مش هنخسر حاجه،، يلا بينا،
وبداو يرجعو يجيبو اكل وشرب واخدوا كل المعدات معاهم وكل متطلبات البقاء علي قيد الحياه وجه وقت الجزر وعدو للمباني الغريبه اللي مافيهاش معلم واحد يدل علي وجود بشريين عليها،
طبريه مندهشه بالمكان وماشيه تبدي اعجابها بكلمة واااو، نوتيلا كان همها اكبر من كدة
نوتيلا••وياتري بقي الشبكه طايله لجوة ولا لأ؟ شبكة النت اقصد.
فهد••ممكن لو مش بعاد عن البر بكتير قووي يكون فيه جوا نت بس انتي معاكي راوتر أصلاا؟ معاكي حتي تفتحي جوة من الدقايق؟
نوتيلا••ادينا هندخل وكل حاجه هتبان،
وبدأو يعدو علي مباني مهجورة وخاويه إلا من الخيالات اللي حواليهم بتطاردهم في كله مكان،
فهد••بدهشه، هوا انا ليه حاسس ان فيه خيالات بتراقبنا في كل مبني؟
نوتيلا••أنا كمان حاسه بكده برده، المكان شكله مسكون الله! ههههه
طبريه ••روووعه بجد خالي من اي حد وده معناه هدووء، حبيبي ياآسر، كان نفسي يبقي معانا،
نوتيلا ••صحيح، نسينا نبلغ مروة باللي حصل، لازم نعرفها عشان لو حصل حاجه جوة،
وبدأو يتصلو بيها وعرفت مكانهم،
نوتيلا ••بس كده احنا في امان، تمام.
ومشيو في طريقهم للداخل وفجاه صرخت طبريه،
طبريه••اهوو، اهو العنوان اهو، اجزخانه الابراهيميه ش بورسعيد وبصت بوشها الناحية التانيه لقت رقم البيت اللي شافته وفيه الولد والبنت اللي رمت نفسها،
نوتيلا••هوا دة المبني هوا دة اهو، وصلناا، ياااه!  مبني شكله غريب قووي! هوا كام دور؟
فهد••يجي خمس ادوار، ممكن سته مش عارف بالظبط بس هنعرف لم نطلعه، يلا ادخلو،
ودخلو للمبني اللي كانو مبهورين بشكله وبمدي عمقه، ولكم ان تتخيلو منظر مباني كامله مهجورة جوا البحر، متآكله والعفن مغطيها، الجدران تعلوها اصداف البحر، المباني بالكامل مبلله ومنديه، مباني بدون شبابيك ولا ابواب، العفن والسواد ممتد لحد داخل المباني،
نوتيلا•• المكان يخوف اكتر من الڤيديو بكتييير،
فهد••معقوله دة المكان اللي اتبث منه الفيديو؟ المكان مافيهوش أي معالم  حياتيه خاالص! مستغرب دة ازاي اتبث ومن هنا.
طبريه••بصتله، عادي المكان مخبي بين طياته اسرار، هنعرفها كل مانطلع اكتر ونقعد اكتر.
نوتيلا ••انا مش مطمنه ياطبريه، مش حاسه بخير يافهد، حاسه ان المكان دة مقبض وأول مادخلت وكان روحي اتاخدت، وكأني حلمت بيه في حلم من الاحلام الاخيرة اللي بشوفها، حاسه اني شفت أرواحكم كلها بتتحبس في المكان دة
طبريه••شوف والنبي الكلام اللي يصد النفس المفتوحه؟إيه يابنتي ارحمينا بقي، ما أحنا كويسين لحد الوقتي اهو مافيش حاجه وحشه حصلت، اسكتي بقي،
فهد••بوشوشه، ههشش، بنات! احنا مفروض طالعين عالادوار اللي فوق توخو الحذر وانتو طالعين هااه!
طبريه••اوكي اوكي، احنا تمام،
وفضلو يطلعو برويه وتأني وكل دور من فوق كان بيكشف لغز مكتوب علي جدرانه، وأول من اخدت بالها، كانت نوتيلا،
نوتيلا••ياشباب! فيه اسامي مدونه عالجدران خلو بالكو،
فهد••مدونه إيه! دي محفوره حفر جوة الطوب المبني بيه  كمان، انهي إيد تقدر تحفر إسم في الطوب  وتخترق الأسمنت وتعمل كل دة؟
طبريه••وممكن عادي ياجماعه ممكن تكون نقوشات زي ماكنا بنعمل وإحنا اطفال واتحفظت عالجدران بس،عادي بلاش أوڤر يعني،
نوتيلا••إستني إستني  ، هاتي الكشاف بتاع الفون كدة؟؟
طبريه ••خدي، هتعملي ايه؟ واخدت منها نوتيلا الفون وفجأه وهيا بتفتحه لقت خيال إسود بعيون وميضيه لجسد يدل انه طفل جري بسرعه واختفي وصرخت نوتيلا،
نوتيلا••عااا، بسم الله، شهيق وزفير، وبدات تركز تاني عالأسامي اللي محفورة في الحيطان، اول إسم قابلها، بيث ڤيرو، چان ڤيرو،آديل ڤيرو،لايلااا،لايان،أندريه،إلخ،لستةاسامي ماليه الحيطه وأسامي عرب وأسامي كرد وفي الآخر خااالص، خيال، دلال، نوتيلا،طبريه آسر، فهد  الروح المخلصه،
نوتيلا ••يانهار اسود ومهبب! اسامينا هنا!
طبريه ••بخضه، إيه دة؟ إزاي يعني؟انا مش فاهمة حاجة!
فهد••مش فاهمه ايه يعنى! انا الروح المخلصه للمكان اهو، ههههههه
نوتيلا••ياجماعه احنا مش في مزحه ابداا والله، انا مقبوضه جداا،
فهد••وأنا علي فكرة،مخنوق قووي،
وفجأه رن تليفون طبريه جوة المكان واتخضو اكتر كلهم،
نوتيلا••إيه دة؟هوا بيرن؟كويس زي الفل شوفي مين؟
طبريه••اوك،أء الو،ايه يامروة،اه حبيبياحنا كويسين وزي الفل،إيه؟؟الخط بيقطع،لأ احنا في مكان في عرض البحربس بالحظ فيه ارسال شبكه وكدة يعني،أسر كويس؟؟طب تمام ياروحي سلام
ومرة واحده الجو اصبح اكتر بروده وكانه في تكييف زي مكان الجو في البيت وقت الحلم،
طبريه••ياااه ياجماعه؟الجو بقي برد قووي،كويس اننا جبنا معانا معدات كفايه ولبس وأكل  وكدة  ، وإلا كان زماننا هنموت من كل حاجه برد وقلة اكل ووحده، نوتيلا وهي بتبص من إحدي النوافذ لاحظت حدوث المد،
نوتيلا••خلاص اتحاصرنا كمان، مش هينفع نطلع غير في الجزر اللي جاي، صح؟
فهد••آه صح، عموماا ممكن نطلع ساعة الجزر ونرجع تاني عادي
طبريه ••أنا فكرت في كدة برده هيبقي أسهل لنا، عموماا يلا إطلعو مبقاش قدامنها غير دورين اتنين وبس،
وطلعو بسرعه وكل مايطلعو يلاقو إسم بيث مسجل عالجدران أسمها وإسم چان، مما أثار فضول نوتيلا،
نوتيلا ••تفتكروا ياحبايبي مين بيث دي؟ ومين چان! أنا كل مابطلع طابق بخاف اكتر كمان، تفتكري هيا البنت اللي في الڤيديو؟
طبريه ••ممكن، ليه لا! يلا نكمل طلوع لفوق،
فهد ••خلاص اللي جاي السطوح،
طبريه••ااه هوا دة اللي عاوزة اتأكد بقي منه هوا دة مكان الڤيديو ولا لأ، لو بير الآسانسير يبقي واضح من هنا يبقي زي الفل، ياسلااام؟ وطلعت تجري لما عرفت ان الدور ده سطح البيت وفيه اوضه متآكله من فوق ونصها طاير، وبصو لتحت الأوضه دي وفعلااا البير موجود بنفس الشكل اللي في الڤيديو، كابلات واير متآكله، لكن مافيش كابينه للأسانسير، حين النظر للأسفل في البير إفترو المنظر وكان البنت بتقع قدامهم حالياا، ولما بصو الاتنين في البير، مسافه مش هينه، كافيه لقتل اي انسان حين السقوط منها، وهما الاتنين واقفين جنب بعض وبيتكلمو في المبني وان هوا دة المكان، حصل ما ارعبهم اكتر،
طبريه••مش قولتلك هوا؟ احنا ماغلطناش اهو، عشان ماتفضليش مكدرة، بس ياتري ايه حكايه بيث دي والطفل؟ ومين چان دة!وهيا بتتكلم سمعت الصرخات طلعالهم من بير الأسانسير بالأسفل لحد عندهم فوق، البنتين بصو لبعض وتجمدو من الخوف، لكن طبريه كانت زيادة جرئتها لامثيل لها،
طبريه ••بصوت عالي بتنده، بيث؟ صوتها بيتكرر بصدي صوت، بيث! چان! إنتم هنا!
وبكل تلقائيه لقت صوت الصرخات تحول بالنداء لإسمها، طبريااااه، طبااااااريااه، إنقذينا وإنقذي نفسك، إقفزي والحقي بنا،
وقفوا في حالة ذهول وشلل تاامه ومش عارفين اللي إتقال دة واقع ولا خيال!.
أما عن فهد! اللي كان شارد في إتجاه معاكس من السطوح وكانه مش معاهم خاالص، واقف شارد لما إتفكت ربطه البنات وجريو عليه ليحتمو بيه، ولقوه قف شارد،
نوتيلا ••يافهد! يافهد الحقنا،
فهد ••تنبه أخيراا، هااه؟ فيه ايه يامسروعه انتي وهيا فيه ايه؟
مالكم؟
طبريه••غمزت نوتيلا؛ الحقي، دة سرحان من اول يوم، امال بعد مانخلص هنعمل إيه؟؟ هنسيبه هنا؟
نوتيلا ••فشر! لأسيبه مين؟ دة جوزي وصديق عمري يابت، سرحان في أيه ياخاين انت؟ مالك؟
فهد ••هااه! المكان اللي هناك وكأنه مستشفي ده، دة فيه ناس وبيضج بالحياه علي فكرة، مش فاضي،
بصو لبعض الإتنين وإنفكو من الضحك،
طبريه ••أبييه!  المكان كله مهجور، واحنا حاليااا بنشوف العجب  عموماا، بقولكم ايه! ماتيلا كدة ننزل عشان نشغل اللابتوبات ونشوف هنعرف نبث ازاي هنا يلا بينا، ♕♕

في مصر،
في بيت نوتيلا وطبريه الأصلي، كان الحمل زاد علي الامهات اللي لوحدهم، حاله من الخوف والرعب مسكاهم، اشياء بتتحرك في البيت دون تحريكها من قبلهم، ناس بتطلع تتكلم في البيت ومش فاهمين مين دول، فاض بيهم الكيل وبدأو يترامو التهم علي بعض،
دلال••شايفه!؟ شكل اللي عملتيه زمان هيطلع علينا دلوقتي، منك لله!
خيال••اللي أنا عملته برده! انا اللي ضحيت بأغلي شخص فحياتي عشان انجي و انقذ شخص تاني!
دلال••أديكي قولتي! انقذ شخص تانى، وياريت الشخص دة مستاهل ياواط*يه،
خيال••فعلاا انا واطيه عشان انا سبت نفسي اعيش صراحه ،انا كان المفروض أسيب نفسي اموت انا عشان ابقي انقذت ابوكي ومتت انا وحزنت قلوب اللي اقوي مني ومنك اسكتي بقي الله يهديكي جسمي هيلبش تاني،
دلال••ياريتني ياختي سبتك انتي ليهم كان زماننا خلصنا من الهم دة وكان حبيب القلب اتجوزك،
خيال ••جسمها اتخشب، هوووس، منك لله اتكتمي بالله عليكي هس، بقولك ايه! انا عاوزة اروح لولادي إسكندريه، هما أولي بينا من أي حاجة بلا بيت بلا بتاع،
دلال••وتسيبي لحبايبك الدار يبرطعو فيها؟
خيال ••مش هما كدة كدة هيبرطعو! يبقي يبرطعو واحنا مش هنا افضل،
دلال••لأ مش همشي ياخيال، عاوزة تسيبيني وتمشي امشي انتي انما انا لأ، ده بيتي انا ودي ارضي انا،، وفجأه صوت مدوي كأن صوت فيل، غارة جويه! صوت مريع هز اركان البيت كله بعد ماقالت مقوله بيتي انا،

يتتتبع