لاتقترب... بقلم إيمان صالح (مكتملة)

الفصل الثامن عشر

#لاتقترب
#الجزء_الثامن_عشر
كلماته هزت ارجاء الكهف وقام أبانوخ بيحاول يصلب طوله واتجه ناحية جسد اديل اللي حملوه عشان يتجهز للدفن وبدأو يحفروا في نفس المكان لكن صرخ فيهم..
ابانوخ ••إوعووو، ده جسد حبيبتي ومعشوقتي وأنا هدفنه بمعرفتي،
وخطف جسدها من المكان وبسرعه خطف الطفل وزي مكان بيعمل معاها في غمضة عين وداها المكان اللي كانت بتتمني تندفن فيه، وسريعااا رجع وحط إبنه قدام ملجأ والدموع بتنسكب من عنيه لكنه قعد قدام الملجأ لحد مابكاء الولد طلع حد من جوة أخده ودخله للداخل، وسريعااا طار تاني علي نفس المكان، مكان جثة حبيبته، وسريعااا حفر هوا واتنين من خدامه وإحتضن جسدها قبل ماتنزل مثواها الاخير وقعد يكلمها..
أبانوخ ••معشوقتي ووفيتي، انا عارف إنك حاسه بيا زي
منا حاسس بيكي، وعارف انك لو كنتي عيشتي اطول شويه! كنتي هتقوليلي إدفنني هنا انا عارف، عشان كده انا جبتك للعالم اللي جتيلي منه، وسط أكتر ناس نفسك تجبيلهم حقهم، وأوعدك إني هجيبلك حقهم لآخر نفس، يكفيكي إيه؟ لف في المكان ببطئ، يكفيكي المكان دة يتلعن وأهله هما اللي يهجروه؟ انا هعملك ليهم أغرب لعنه في الوجود، أنا هخلي المكان دة اكتر مكان مرعب علي وجه المدينه دى، مش كدة وبس، أوعدك أنهم كلهم هيباتو الليلادي وتلات ليالي ذعر ماشافوهاش قبل كدة لحد مايموتو من الذعر وارواحهم تتحبس في المكان دة،، يااخدااام؟
ردو عليه، أمرك ياأمير الجان!
أبانوخ ••شايفين القطعه اللي إحنا عليها من الارض دي؟
الخدام••أؤمر تطاع ياامير الجان..
ابانوخ ••في التو واليوم يتحفر نفق من البحرلهنا لحد ماتصبح جزيرة في الماء، وانتو بتحفروا اوعو تظهروا بأي شكل من الأشكال، انا عاوز الأهالي يلاقو نفسهم في غمضة عين المياه بتدخل عليهم من الأخدود اللي هتحفروه وينغمر بالمياه لحد مايلاقو نفسهم عايمين ومنعزلين بعيد عن العالم..
الخدام ••علم وينفذ ياامير،، وبعد الامر؟
ابانوخ ••وبعد الامر؟ انتشروا في الجزيرة، لازم كل اهلها يعرفو إن الجزيرة اصبحت مسكونه وياإما يرموا نفسهم في الميه ويموتوا! وارواحهم هتبقي اشباح اصدقاءنا! ياإما هيتجننو وبردوا مش هيتحملو وهيعيشو قليلااا ويموتوا وأرواحهم تبقي اشباح المكان، يلا نفذوا..
الخدام ••علم وينفذ..
وفجأه بدون مقدمات، الأهالي لقو الارض بتنشق وبتخرج  منها الماء من كل مكاان وكأن المكان عاام لبعييد وبقي في وسط البحر وتركو الاهالي في حالة ذهول تام لاخرجو من المكان ولافاهمين إللي بيحصل..

بعد ثلاث ايام بدأ يظهر الخدام بأشكالهم قدام الناس وفعلااا بدأ منهم اللي يتجن ومنهم اللي يرمي نفسه في الميه ومنهم اللي فضل في المكان بدون أكل وشرب ومياه بعد مامستلزماتهم خلصت وعدم تمكنهم من الخروج لحد ماماتو في قلب الجزيرة، وأصبحت جزيرة مسكونه بالأرواح مع الجن.....
في بيت زركش خلال تلك الأيام،،الصراع مستمر بين اهل البيت اللي نزلو للقبو ولقو جثة زركش مرميه محطم الجمجمه،شالو جثته بعد تدوير دام يومين عليها واخوه مش متوقع انه نزل ومطلعش علي طول،نزلو للقبو لم يجدو شئ ومع موت زركش خافو يتعمقو اكتر وأخدو جثته دفنوها وأصبحتخيالوحيدة بدون الام اللي سابتها ومشيت والاب اللي ضيع نفسه عشان يطلع  الكنوز المستخبيه تحت الأرض، لكن هناك من لم يتركها منذ وفاته وهي دلال وجدتها، فضلو واقفين جنبها ولم يتركوها للحظه، ظناا منهم ان وجودهم جنبها سيشفيها..
الجده••لااا دحنا خفينا وبقينا عال اهو!يلا بينا بقي عشاناحنا هنروح علي بيتي،مشهنفضل هنا بعد اللي حصل ياحبيبتي..
دلال••نظرت لها بغضب،،ياتيته اصبري لما البت تفوق من اللي هيا فيه!انا عمري ماشفت كدة لاإله الاالله
الجده••الله؟وانا عملت إيه بقي ان شاء الله؟انا قلت هاخدها معايا تقعد في بيتنا،ولا هتاخديها انتي؟
دلال••أيوة،هاخدها انا تعيش معايا بعيد عن الببت دة..
خيال••ومين قال اني هسيب بيت ابويا؟انا هفضل فين لحدماعجز وأكبر..
دلال••خلاص يبقي احنا معاكي لحد ماتعجزي وتكبري، انا قاعدة..
خيال••بصتلها، انتي ذنبك ايه تعملي عشاني كدة؟ روحي بيتكو وانتي ياتيته وانا هقعد هنا لوحدي عادي، بس ابقو ادوني فلوس علشان مش اموت من الجوع،
سمعها عمها من بعيد وجه عليها وكلمها بضحك بيحاول يغير الطبيعه الكئيبه اللي اصبحت فيها..
رضوان••بابنتي ياله احنا عملين لك الاكل اللي بتحبيه يلا قومي!
خيال••هقوم معاك بس بشرط
رضوان••أشرطي ياست البنات وانا أنفذ.
خيال••إنت كان كل مشاكلك مع بابا انكم تبيعو البيت بس انا مش عاوزه البيت يتباع ممكن نفضل عندكم لحدما أكبر من غير بيع البيت؟وافق ياعمي ارجوك..
رضوان••وهو دة اللي كنت جاي اكلمك فيه عشان تطمني،البيت دة بيتك انتي وبنت عمك لحد ماتكبروا،تبيعوه بقي تسيبوه انتو حرين المهم انكم تستفيدو منه علي قد ماتقدروا،خلاص كده؟
بفرحه ممزوجه بدموع..
خيال••حاضر ههه خلاص،،وقامت لمت حاجتها  مع زوجه جدتها ودلال وعمها وخدوها وطلعو من البيت،وكأن ربنا كتبلها النجاه من اللي كانت فيه من جديد،عاشت سنيين كتيره وتعافت لما بعدت عن البيت ودرست هيا ودلال ولحد ماتجوزو وخلفو دي خلفت بنت ودي برده خلفت بنت،وظنت دلال انها هيا اللي عالجت خيال لما طلبت من ابوها انه يبعدها عن البيت...