لاتقترب... بقلم إيمان صالح (مكتملة)

الجزء الخامس

#لاتقترب
#الجزء_الخامس

دلال••بصي لو انتي خايفه عليهم انا عندي فكره هتفرحك وتفرحنا بردة، البت مروة بنت خالك اهي من هناك وتتمني اننا نروحلها، تعالي نكلمها تيجي ويسافرو كلهم مع بعض عالأقل يقعدو عندها هناك ونبقي مش قلقانين..
نوتيلا ••بصت لمامتها وخالتها وإبتسمت وخبطت علي كفينها، فكرة بنت لاذينه ونبقي قاعدين ولا متغربين ولابتاع، حلو ده يامرات عمي قووي.
فهد••إستني بس! دى ولادها ايه ولا جوزها هيقول ايه؟ أنا وضعي معاكوا إيه؟ انا مسافر معاكي خلي بالك،
طبريه ••يابني متخافش دي اصلاا جوزها مسافر ومعندهاش غير نونو واحد اسمه آسر وواد عسل كدة وكموله خاالص،
نوتيلا••هههه، تصدقي وحشني المجرم دة؟ شعره لاثي علي جمال امه، واد ما شاء الله مسكر كدة.
فهد ••إنتي وريتيني صورة باين؟
ردو مع بعض آيوااه هوا دة،
خيال ••خلاص يبقي نكلمها بكرة علشان تيجي تقضي يومين معانا وتمشو مع بعض،
وأتقفل الكلام علي كلامهم ونزل فهد بعد ماسلم عليهم وفعلااا كلمو قريبتهم ووافقت جداا ورحبت وقررت إنها هتجيب إبنها وتيجي،
بعد يومين،،
جت مروة بنت خال خيال وجابت ابنها معاها وكانو بيستعدو عشان يسافرو، وفي البيت الطفل بيلعب زي كل الأطفال وعمال يجري في  الأوض ماعدا واحده ، لكن يبدو أن احدهم مستاءاا من شقاوته، الولد بيجري وعاوز يفتح باب اوضه طبريه وقفت وشخطت فيه وقالتله،
طبريه ••بنهره، ولد؟ وبعدين؟ بطل تبقي نوتي كدة وامشي اقعد جنب ماما يلا،
آسر ••عياط، لااااا، انا عاوز اخش الاوضه دي، عاااا، فيه جوا حد وأنا عاوز أشووفه ماليش دعوة.
مروة••بس يا آسر إتلم ياحبيبي، شكل طنتك طبريه معاها كنز جوه وخايفه عليه، هههههههه بضحك قالت كلامها وخلت البنات ضحكو معاها.
طبريه ••لا وحياتك، دي تلات اربع حجات الشغل جوة وانتي عارفه الحاجه مهمه إزاي،
مروة ••ربنا يقويكو يابنات، صحيح انا سمعت انك اخر ڤيديو بقي تريند، دة صح؟
نوتيلا••يووة؟ دة عدي من بدري قووي! بس الدور والباقي بقي عاللي جاي، إنتي هتاخدينا معاكي واحنا هنعملك مرشد سياحي لينا قشطه؟؟
مروة ••قشطه وانا معاكم في اي حاجه، جهزوا بس دنيتكو عشان نمشي بكرة ولا بعده وهناك هنظبط،
بعد يومين من جايه مروة وقعدتها عندهم، نوتيلا وطبريه إفتكرو ان فيه معدات هامه هناك في الإستوديو ولازم يجيبوها، وبعد ماإستعدو للنزول..
نوتيلا ••إحنا نازلين يامروة خلي بالك من إبنك ومن البيت، هنروح نص ساعه ونرجع لو ماما ولا طنط طلبو حاجه سيبيها لما نرجع
مروة ••ياختي خلصي إنتي وهيا يلا الليل هيليل، وشوفي خطيبك هيجي يركبنا معاه ولا نروح المحطه نحجز في القطر وخلاص؟
نوتيلا ••إيه الهبل دة؟ قطر ايه ماتقعدي ساكته ياست! الراجل بيقفل شنطته وجاي بالعربيه بدال المرمطه اصلاا.
مروة••خلاص تمام، أنا هبتدي ألم حاجتي كلها عشان علي بال ماتيجو من برة اكون جهزت.
طبريه ••وإنتا ياحمبوزوا لاوي بوزه في وشي انت، إوعك تدخل الأوضه لاحسن انفخك إنت فاهم؟؟
آسر••انا عاوز أدخل للزومبي اللي جوة.
طبريه ••زومبي؟ زومبي إيه الله ينيلك! الزومبي هياكلك علي فكرة، يلا خش جوة، خش وماتلعبش في الأوض خاالص مفهوم؟
آسر••قعد يتنطط في الهواء ويقولها، هالعب هالعب
طبريه••كدة ياآسر؟ ونزلت له عالأرض وقربت منه بوشها ووشوشته بالراحه، لو دخلت جوة مش الزمبي بس اللي هيطلعلك، لا كل الكائنات الوحشه هتطلعلك مفهوم؟ العفاريت كلها جوة خلي بالك، يلا يانوتيلااا! خلصي بقي انا نازله، بصت للطفل وسابته ومشيت وكان نظراتها تتوعده بشئ إنتقامي لو دخل الاوضه..
نزلت نوتيلا ورا طبريه وفضل الولد يلعب ويحوم حوالين الاوضه المقفوله وهو غير مبالي ولا يفقه شئ وفجأه لقي الباب بيتفتح ويتقفل وجري عالباب عشان يشوف إيه اللي جوه وبعد الباب ماكان بيتفتح ويتقفل إتقفل الباب علي الولد،،
جوه الاوضه الولد بيخبط ويرزع وكأنه دخل عالم تاني غير الأرض لكن ماحدش سامعه من الموجودين بالخارج، ومرت الساعات بغير مبالاه للأم وعدم إنتباهها، بعد قليل بدأت تتنبه لغياب الولد وتسأل عنه.
مروة••لخيال، فين الولا ياخالتو؟ الواد راح فين مش شيفاه بقالي من ساعة ما البنات نزلت، فين الولا؟
خيال ••الله؟دنا بحسبه نام! راح فين؟ هوا مش معاكي؟
مروة ••معايا؟ يانهار إسود؟ إبني فين؟ وجريت تدور في كل الأو ض الولد مش موجود، حتي الأوضه اللي الولد دخلها وإتفتحت بصعوبه برده الولد مش فيها، إبني فيين؟ إبني فص ملح وداب؟
دلال••يادي النيله؟ لايكون نزل ورا البنات!
خيال ••حبيبي يابني! قلب الجميع إتقبض وكأنهم حسو بحجم المصيبه اللي وقعت علي دماغهم، وبدأت مروة تصرخ وتجري عالشارع ودلال وخيال يكلمو البنات والشرطه،
دلال••أيوة يابنتي؟ الولا مانزلش وراكم؟ ماشوفتهوش؟يالهوي يااني؟!
نوتيلا••لأ ياماما ماتقلقيش دوري عليه كويس، لأ هيكون راح فين بس! من وراها تلك المخلوقه الغريبه طبريه عيونها عماله تتغير ولونها أصبح كله وهج كعيون البراكين وإتسع فمها ميه وتمانين درجه وبدأ يطلع منه في إتجاه الخروج شعر مرأه ثم بالتدريج وجه مرأة مقلوب ثم بقيت الجسد، ثم نزلت ارجلهاعلي الأرض وبدأت تخطو بطريقه مريبه، ثم إنشقت نصين وكأن آسر ولد منها ولم يولد من أمه، وبدأو يمشو ناحية قريبه من البنات، وقف الولد قليلا، ثم سمعت صوته نوتيلا وهو بيكلمها بصوت مزدوج قليلااا،
آسر••أنا أهو يانوتي، إنتي عاوزة إيه؟ بتكدبي ليه وتقولي عليا مش موجود؟ انا اهو إنتي نوتي.
نوتيلا ••وكأنها إتخشبت في مكانها وبدأت تبسمل كتييير، بسم الله الرحمن الرحيم، بسمالله، وكأن طبريه اللي واقفه من بعيد بتدخن قليلااا، وبدأت تتكلم.
طبريه••ماتبس ياماما! فيه إيه؟ انتي زعلانه اننا لاقينا الواد؟
نوتيلا ••الواد؟؟ الواد دة جه منيين؟ مش احنا نزلنا وسبناه في البيت برده؟
طبريه ••تلاقيه استخبي في شنطة العربيه ولا حاجه، يلا بقي ناخده ونكمل لم حاجتنا معدش وقت، يلا
نوتيلا مذهوله وبدأت تجمع حاجتها وعينها علي الطفل هوا طبريه، وبعد شويه كلمتهم عشان تطمنمهم عالولد وقالتلهم انهم علي وصول..
في البيت، مروة عماله تحتضن الولد وتبوسه بلهفه وخوف ولفت إنتباههاحاجه مهمه فيه.
مروة ••إبني حبيبي،قبلته  مووة، كنت فين ياحبيبي وإزاي نزلت كده ينفع؟ تنزل واحنا مش واخدين بالنا كدة؟
آسر••يامامي انا كنت واقف في الأوضه وبعدين جوم ناس شبه الزوء،،
طبريه ••بسس ياآسر لاتخوف مامي؟ فيه ايه هسس،
آسر بصلها بخوف وقالها حاضروهز دماغه وجري بعيد،
مروة ••آسر؟ ماتبعدش ياحبيبي يلا علشان احنا مسافرين عالبيت،
آسر••يووة يامامي هوا احنا لحقنا؟ خلينا قاعدين هنا شويه،
مروة••كحت وهوت ناحية نفس الولد لمرتين، كح كح، حبيبي انت لعبت فإيه ريحته وحشه كده؟
آسر••مالعبتش يامامي ريحتي مالها؟
مروة••بحيره، بصت علي الولد من كل مكان، عيونه بها حمار ممزوج بسواد وهدومه فيها اجزاء ملطخه بالسواد من كل مكان، متأكد ياقلب مامي؟
آسر••يووة؟إنتو ناس غريبه قووي النهاردة، وسابها وطلع يجري من قدامها 
في المساء،
سافرو علي إسكندريه كلا من فهد، نوتيلا، طبريه، مروة وإبنها آسر،
بعد الوصول للبيت، مروة إستقبلتهم بالترحاب وكل الحب وكانت مبسوطه جداا لأنها مش هتقعد لوحدها، لكنها ماكنش في توقعاتها أي سوء او أي حاجة ممكن تحصلها في المستقبل،
مروة••إتفضلو ياولاد تعالو ياحبايبي، البيت بيتكم خشو، والله ووحشني البيت يبقي فيه حد ياعيال!
طبريه••ياااه! إنتي وسعتي البيت كدة إزاي؟ لفت حوالين نفسها وهيا بنتظر لأرجاء البيت
مروة••لاهوا انا ماقولتلكيش؟ مش انا بالفلوس اللي عمك محسن بيبعتها إشتريت الشقه التانيه اللي قبالنا وفتحت الإتنين علي بعض ووسعت الدنيا زي مانتي شايفه كدة،
نوتيلا••بقي أحلي من الخيال ياشيخه! منا بقول لماما تاخد الجنب التاني اللي عامل زي الخرابه هناك عندنا وتوسع بيه البيت بس هيا رافضه وتقولي ماتناقشينيش في الموضوع دة، دة مكان خاص بأبوكي وجدك وإنتي مالكيش فيه حاجه، أمي بتريح دماغها من الهدد والبني والكلام دة، فصلاهولنا بحته صاجه وكل ماجي اروح ناحيته او اكلمها عنه تغير الكلام ميت درجه.
طبريه ••قريب هانعمله لما نحصد مبلغ مالي كبير بالڤيديوهات  ،
مروة••خش يااستاذ فهد واقف عالباب ليه ادخل،
فهد••هوا انا بس عاوز ادخل الحمام،
نوتيلا ••معلش يامروة اصله لازم ياخد شاور بعد السفر علي طول،
مروة••أوكي ياحبيبتي، الحمام بقي الناحيه التانيه،  خشي نقي الأوضه اللي تعجبك في البيت وحطي شنطه فيها ونقي لنفسك انتي والبت دهي أوضه،
طبريه••لأ انا خلي اوضتي مع الأستاذ آسر حبيبي ده روحي.
آسر••يس يامامي إعملي زي مامامي طوبي بتقول،
مروة سمعت الجمله إستغربت، مامي؟ الجمله دى اول مرة ابنهايقولها علي حد، لكن الاغرب كان رد فعل طبريه عليها
مروة ••مامي ايه يابني؟؟ اتلم طنتك تزعل.
طبريه••حبيب مامي دة، ماتقوليش كدة يامروة ده ابني فعلااا، عادي دة طفل صغير واتمني يبقي عندي زيه.
نوتيلا ••بتبص لطبريه متعجبه، مامي؟ طب يامامي اقعدي معاه ساعتين بس! دي مش بتحب الأطفال يابنتي مش هتستحمله، ضحكت
طبريه••بغيظ إسكتي ياباردة، دة حبيبي دة.
فهد ••طب يلا عشان ارتاح شويه!
مروة روحي يابنتي وانت وهيا تعالو يلا اشوفلكو أوضه تباتو فيها وتبقو مع بعض..
ودخلت عشان تجهز الأوض لطبريه وآسر ودخلو الاتنين وراها،
في الأوضه، فهد ونوتيلا في الأوضه، شد إيدها بحنيه وطبطب عليها براحه وقالها بهدوء.
فهد••وإيده في إيدها، طبعااا انتي عارفه أنا هنا ليه، أنا هنا عشانك انتي مش عشان حد، انا عشان اوصلك للنجاح اللي نفسك فيه، غير كدة مافيش هدف لوجودي هنا غير إسعادك انتي، إنتي فاهمه؟
نوتيلا ••مسكت بإيده التانيه وقالت له، إنت سندي وراسي وروحي كلها  وعشقي، وعارفه إنك أنت ورا كل نجاح في حياتي، بحبك ياقلبي، قبلت إيده وطلعت هدومه وحطيتها عالسرير، هروح اشوف الحمام فين بالظبط وارجعلك،
فهد ••قام من مكانه ومسك إيدها وضمها بحب وفلحظه بقت بين احضانه وبدأ يبص في عنيها ودراعه محاوطها بقوة وبدأو يبصو لبعض بتسبيل وهيا بتحاول تتفلفص منه.
نوتيلا ••يافهد فيه ايه؟ الناس بره عيب عليك كده يفهموك غلط!
فهد ••بنظر عميق الي حبات عنيها التي تتلألأ كالبلوره،
مايفهمو غلط! إيه المشكله يعني؟ واحد وحاضن مراته،  بحبك قووي يابنت الإيه انتي!
نوتيلا ••بأنوثه بالغه ودلع، ههههههه، مراتك؟ انا لسه مابقتش علي فكرة، إيدك ضاغطه علي وسطي، أي، وجعتني براحه! فيه ايه إيه الحضن العنيف دة؟
فهد ••يااالهوي ياناس عالميااعه! نوتيلا فعلااا إسم علي مسمي ياشيكولا قلبي انتي؟
نوتيلا ••طب إوعي بقي، هروح اجهزلك الحمام،
وبعدت عنه براحه وبالعافيه وهوا مش عاوز يسيبها،
ودخلت جهزت المطلوب وعملت اللي هوا محتاجه ودخلت علي اوضتها،
#يتتتبع....