لاتقترب... بقلم إيمان صالح (مكتملة)

الجزء الحادي عشر

#لاتقترب
#الجزء_الحادي_عشر

طبريه ••مانحن إلا ادوار في الحياة، ضحك هستيري.
انصدم فهد ونوتيلا من عمايل طبريه اللي لا راضيه تحكي اللي فيها ولا راضيه تسكت عن إخافتهم بعمايلها، 
في مصر♕♕
الامهات فاقو ولقو نفسهم بره البيت وبدأو يكلمو بعض بكل خوف ورعب،
خيال••ااااه ياني! عضامي مفشفشه ومش قادره اقوم، بصت لنفسها ولدلال، يامصيبتي يادلال! احنا برة البيت.
دلال••خدت بالي ياختي خدت بالي، انا مش هقدر اخطي خطوة جوة بعد الرميه دي الا مع شيخ،
خيال ••والنبي لو اييه! انا خلاص مش عاوزة حاجة الااجيب هدومي بس علشان امشي مستورة، دة حتي موبايلاتنا مش معانا! يادي الحزن ياولاد! 
   دلال••تعالي، تعالي نروح نتكلم من جنب اي كشك نكلم ام صافي هيا اللي فاكره رقمها تجيبلنا رقم درويش يلا،
خيال••هنمشي بمنظرنا دة؟
دلال••لأ استني لما نروح المعادي نشتري فستانين سواريه تعالي،، ووقفت تحت العمارة تنادي علي احدي الجارات حدفتلها إسدالين صلاه وفلوس وراحو كلمو الست وجابو الرجل المقصود معاهم،
بعد شويه لف في البيت من هنا لهنا، درويش كان الشيخ اللي كان بيجي يحصنلهم البيت كل فترة من الشر دة زمان وكان عارف قصتهم القديمه وكان بيحذرهم من عدم الوقوع في نفس هذا الخطأ تاني، درويش كان تبع الشيخ الكبير اللي خلصهم بالفعل من قصتهم القديمه لكن مش هوا العامل المخلص الاساسي عشان كدة كانو بيستنجدو بيه لأنه هوا اللي لسه عايش،
درويش ••إيه دة؟؟ مين فيكو اللي خان العهد؟ صنت بودنه وضيق حدقه عينه، لأليه؟ بلعو الطعم؟ طب ليه؟ طيب طيب، هيروحو هيروحو،
دلال••إيه يادرويش خيلتني ماتنطق فيه ايه؟
بصلها درويش وقالها،
درويش••إنتو ليكو حد في اسكندريه؟
خيال ••ااه ليه واحده تقربلنا، فيها ايه؟ وعيالنا هناك مالهم؟ والبيت دة رجعهولنا زي ماكان ياخويا،
درويش••لاااا، البيت دة خلاص مش هينفع ترجعوا تعيشو فيه انتو كان بينكو عهد وخنتوه، عمار المكان وخدامه مش هيسيبوكو تقعدو دقيقه واحده غير لما يطلعو الكنز وياخدو السبايا والدهب، كل الكنوز اللي تحت البيت دة تلزمهم،
طبت دلال علي صدرها ولطمت،
دلال••يالهوتااي  ! هوا احنا رجعنا للموضوع القديم تاني؟طب نروح فين بس؟ طب ياخدو كل حاجه ويسيبو البيت نعيش فيه انا وعيلتي بس!
درويش ••ساعديهم في اللي عاوزينه يسيبوكي ويمشو، بس لازم ياخدو كل حاجه
خيال ••وبعدين! نساعدهم ازاي؟طب زمان لما جينا نقول كدة قالو علينا مجانين، هنيجي الوقتي ونقول كده؟
درويش ••أنا عندي فكره بس صعبه عشان العمران اللي حواليكم، لكن ممكن تقولو للجيران انكو بترمموا االبيت وغايبين لفترة وهترجعو وفي الوقت دة كل اللي تحت الارض يطلع وياخدوه وبعدها هيسيبوكو فحالكو
دلال ••يادي الجنان! يادي الجنان.
درويش ••بغضب، جنان؟ بس ماتقلبيش علينا غضب الجااان، اسكتي الله يهديكي انا قلت اللي عندي وبيتك عندك قدامك مصحفك ومصليتك هتقعدي بيهم بس مش هتبعدي الأذي عنك لأن عندك كائنات عاتيه ومؤذيه، وفي الاول والآخر ربنا الحافظ، براحتك ياست انتي وهيا،
في الإسكندريه♕♕
بعد هدوء طبريه قليلااا ولم الأشياءمن قبل فهد ونوتيلا، ونزلو تحت في  مقابله الماء ومن المفروض ان جه وقت الجزر علي امل منهم للخروج، في الأسفل، المياه عاليه عن العادي او عن اليوم السابق، وبصوا للبحر في حاله ذهول،
فهد ••برفض، لأ لأ، لامش ممكن لأ الميه المفروض تبقي منحصرة حالياا هوا فيه ايه؟
نوتيلا ••هههههه، المكان دة رافض يلفظنا علي فكرة، بصت لطبريه، مش كده ياست الكل؟
طبريه ••بإبتسامه غريبه، ايووة، بالظبط، إلا بعد ماننفذ كل أوامرهم،
فهد ••وايه هيا؟ممكن نفهم منك؟
طبريه ••سكتت، وبصتلهم وفجأه بدات تقول بعنف، ماعرفش! ماعرفش ياأخي انت وهيا، انتو ليه محسسني إني بمزاجي اللي بيحلي دة! أنا آداه في ادين مخلوقات معرفهاش، أنا اكتر واحده مأذيه، أنا بحس لما بقوم من النوم او الحاله اللي بتجيلي وكأني عضامي بتبقي متكسرة في النوم!! عيااط وبكاء بجنون، أرحموني بقي كفايه هما عليا بالله عليكو
نوتيلا ••سيبها يافهد، سيبها وتعالي ناخدها عوم لحد البر التاني هننجي
طبريه •• بصريخ، بلاااش  عووم، هيغرقوكو والله العظيم
فهد ••وأنا موافق اغرق منا كدة كدة ميت، يلا يابنتي،، ووقف يبص لنوتيلا وفعلااا بدأ ينزل رجليه في المياه، نوتيلا بتبصله وتبص لطبريه وتعيط، فهد صرخ عليها تاني، يلااا مستنيه اييه؟ فوتي في الميه، طبريه واقفه بتبتسم بسخريه والدموع تملأ عنيها وكأنها عارفه انهم هيرجعو، وبصت نوتيلا عليها وبدأت تلم شعرها بإيديها في علامه تشتت وعدم إدراك تعمل ايه، ونهرها فهد تاني بعدمابقي ربع قدمه في الميه 
فهد ••بنهره وزعيق، واقفه عندك بتعملي اييه يلاا بيناا،
نوتيلا••بتلعثم وصوت واطي، مء، هسئ،
فهد ••بتقولي ايه؟ انطقي بصوت عالي،
نوتيلا •• بصريخ، مش عاوزة اسيبها، همشي من غيرها ازااي؟ وحاجتي كماان كل الاجهزة ماتصعبهاش عليااا،
فهد ••بصريخ وزعيق وطلع تاني من المياه وجذبها من ايدها وشالها علي ظهره وأطبق رجليها علي وسطه وبدأ ينزل الميه بيها  ونهرها وهوا بيقولها، إخلصي عشان انا مش هسيبك خليها زي ماهيا عازوة، وبدأ يغوص بجسدة وجسدها في الميه وإكتشف ان عمقها اعلي من تخيلاته، وبدات طبريه تصووت بنحيب،
طبريه ••إطلعووو، ارجووكم هتغرقوا مش هيسيبوكوو،
مش هعرف انقذ إتنين لواحدي، اهاااااا،عااااااا، اطلعووا بقااا
وفجأه بدأت نوتيلا اللي عليظهر فهد وكأنها بتتشد لتحت وبتشده بقوه معاها وبدأت تصرخ،
نوتيلا ••فهد هنغرق، رجعنا يافهد.
فهد ••اللي بياخد نفس ويرجع يتشد لتحت تاني زيها، مش راجع عدينا نص المس،، ءاافه، وبدأو يتسحبو أكتر وتصرخ نوتيلا وبسرعه وبدون تفكير اتجه فهد للرجوع بعد مانوتيلا سابت رجليها من علي وسطه وبدأت تتشد لتحت بقوه اكتر وغاص بصورة جنونيه لحقها من ايدها وطبريه واقفه تصرخ بره،
طبريه ••بسرعاااه، اطلاااع،
بعد بذل مجهود شاق طلع بنوتيلا وهيا شبه غرقانه وقعدت طبريه تصرخ وتضربه بعزمها وتقوله، حراام علييك كنت هتموتها، وزقها بعزمه،
فهد ••إبعدي عني، وبدأ يضغط علي صدرها عشان يخليها تلفظ الماء وبدأت تلفظها وتكح وفاقت،
نوتيلا ••كح كح، نفس عميق وشهيق ثم زفير، أشهد ان لاإله الا الله واشهد ان محمدا رسول الله، حد شدني لتحت يافهد انا متأكده، الحمد لله اني ما ممتش،
فهد ••حضنها بقوة، حبيبتي، أنا طلعت عشان حياتك إنتي، إنتي غاليه عندي اغلي مني أنا شخصياا،
طبريه ••انا بردت عاوزة ادخل، هدخل احاول اشوف حاجه ينفع تولع جوه عشان نعرف حتي نفكر واحنا دفيانيين، قالتلها نوتيلا.
نوتيلا ••أنا اسفه اني مصدقتكيش، إنتي كنتي صح.
جريت طبريه عليها وإحتضنتها بقوة وقعدت تقولهاوهيا بتبكي ،
طبريه ••قولتلك بلاش قولتلك هتغرقي، علي فكره انا بحبك وخايفه عليكي انتي وهوا، انتو اخواتي وأصحاب عمري، خلي القرابه علي جنب، ليكي معايا ارجوكي ماتسيبينيش تاني
نوتيلا ••حاضر، حاضر احنا معاكي، انهو العناق ومسحت طبريه دموعها وقالت.
طبريه ••هروح اطلع اجمع اي خشب فوق وانت كان فيه في حاجتك فوق ولاعه هجرب لو النار ولعت هطلع أكل من اللي جايبينه اسخنه وناكل، يارب ينفع وانت هاتها وإطلع
فهد••ياريت تدفي الدنيا وتعملي فرشه ننيمها عليها وانا هجيبها واطلع وراكي وانتي كمان زمانك سقعانه اطلعي يلا،
طبريه••هزت رأسها،، حاضر، وطلعت بسرعه وبدأت تجمع في بعض خشب لقيته في المبني وبعد كذا محاوله ولع الخشب وقعدت تتنطت زي المجانين وشال فهد نوتيلا وطلع،
نوتيلا ••نزلني هقدر اطلع علي رجلي،
فهد ••مش شايفه رجلك إحمرت ازاي مكان الشد منها؟وكمان سقعانه متلجه، اسكتي ونامي فحضني وانا طالع وافتكري بباكي وانتي طفله،
نوتيلا ••بدلال بعد مابدأ يحملها ويقوم من الارض، بس انت مش بابا،
فهد ••نظر في عيناها الجميلتان وسرح، امال انا ايه؟
نوتيلا ••إنت عارف، إنت عشقي الابدي، وروحي وأغلي ماأملك، تبادلت النظرات بينهم بالحب، وبدأ جسد فهد يرتعد من البرد وبدات نوتيلا تلف إيديها حول عنقه وهيا بتقوله بحنان
نوتيلاا••قول بقي انك انت البردان مش انا خلاص انا هدفيك وبدأت وكأنها تعصتره لمتمص منه البرد والماء، ووصلو للاعلي وكأنه لم يكن يتمني الوصول لتبقي قليلا في حضنه
طبريه ••يلا نزلها، يابني انت وهيا؟ والنبي ماوقته نحنحنه خاالص، مش ناقصين اصلاا،
أنزل فهد نوتيلا وبدأ يغطيها ومازالت تلك النظرات بينهم
طبريه ••طب ياجماعه اطلع فوق شويه وأنزل؟
فهد ••بصلها، بايخه، بت باايخااه، ماتطلعي ياستي انتي حره
نوتيلا ••ارجوكم بطلو خناق وركزو، هنعمل ايه عشان نطلع من هنا
طبريه ••بمزاح، خلاص؟ نسيتي موضوع الڤيديوهات؟
نوتيلا ••مش عاوزه سيرته، اروح بس وابقي تمام، وهقفل القناه خلاص
طبريه ••واللي يقولك ان القناه شغاله؟ وبتنزل الڤيديوهات بث مباشر كمان! بس من الزمن القديم ومحدش هيعرف يوقف عشان ماتتعجبيش.
نوتيلا ••نعم؟ ماتفهمينا بقي ايه الحكايه! ايه اللي بيحصل بالظبط؟
طبريه ••نظرت لهم، أنهي حكايه فيهم؟ عشان هما حكايتين بس، لأ بقو تلاته، حكايه بيث واخوها وحكايه دلال وخيال، وحكايتنا، ههههاللي احنا عايشينا دلوقتي بقت حكايه هيعيشوها اللي هييجو بعدنا وهيعرفونا وياعالم هنبقي عايشين ولا متنا!
فهد ••هما دلال وخيال ليهم حكايه كمان؟
طبريه ••دول منتصف الحكايه وحلقة الربط بيننا وبين اصلها،
نوتيلا ••ازاي؟ اتكلمي،
طبريه •• بوشوشه، انا هتكلم في اللي يخصني بس، مش هقدر اتكلم عن دلال وخيال عشان حكايتهم صعبه جدا، يعنى هحكيلكو حكايه بيث وچان،
نوتيلا ••إحكي ياستي ادينا بنتسلي،
فهد بدأ يطلع الأكل عشان يسخنه عالنار المشتعله، وبدأ يقولها هوا كمان احكي احنا سامعينك، وبدأت طبريه تتكلم،،،،،

من حوالي  خمسين ستييين سبعين سنه كانت مصر مهجع للإيطاليين واليونانيين وبالذات بعد الحرب العالميه التانيه يمكن قبل خمسين سنه كمان ، كانو بييجو مصر عشان مصر شبيهه جداا بهناك، وكانت مصر في الحقبه الزمنيه دي متاحه فيها تجارة الخمور بشكل مباح وعادي،  وكانت تجارتهم الأساسيه زراعة العنب وبيعه وتصنيعه نبيذ، ومن ضمن الأسر اللي جت من هناك علي هنا، أسرة ميسورة الحاال جداا، بنتين وولد طفل صغير وأم وأب من اعيان إيطاليا، كانو بيعتزو بأصولهم الطليانيه وجابو تحويشة عمرهم وجم عشان يشترو في مصر ويستثمروا فيها براس مالهم كله وكان القرار الصائب هو النزول علي اسكندريه لأن مجالهم كان رائج فيها وإستقرو في الأبراهيميه، وبالفعل إشتري التاجر خمارة كبييرة في شارع اسمه شارع بورسعيد،
نوتيلا ••شهقت وحطت إيدها علي بقها، مش دة الشارع في الڤيديو؟
طبريه ••أيوااه، هوا الشارع في الڤيديو، المهم، التاجر نجح في تجارته وراجت الاموال معاه بكثره وأولاده معاه التلاته مبسوطين، والزوجه كذلك، فسح وخروجات وحياه لاشائبه بها، الأب زادت فلوسه وبدأ يعرف الرقاصات ويصرف فلوسه علي الرقاصات والشرب، وحال الخمارة بتاعته زي الفل، فضل عالحال دة سنيين وسنين، فلوسه تزيد وزوجته تاخد منه وتتفسح والأب يجي مسطول وبيتطوح ومش شايف قدامه حاجه، الأطفال التلاته دول كانو بنتين وولد، آديل وبيث وچان أديل كانت أربعتاشر سنه وبيث أصغر منها بشويه قليلين وچان كان لسه طفل صغير خالص بيهتمو بيه الإتنين الأختين، بدأت الأم تسهر وتلعب بالفلوس علي الروليت والأب يسهر شربان وبيقوم بأعمال غير أخلاقيه، لكن الأطفال هما الضحية، ضحية اهمال اب وأم غير مسؤؤلين ومش عارفين حاجه في الحياه غير الفلوس والعربدة..
بيث••(باللغه الإيطاليه)، وبعدين ياأديل؟ الساعه واحده وماما لسه ماجتش وجعانه، وكمان چاز طلب اكله كتير.
آديل••لا تقلقي، هتصرف انا، ولا أقولك تعالي نعمل الطعام مع بعض عشان نأكل چان،
بيث ••أوكي، يلا بينا..
طبريه رجعت بالكلام تحكي،،
طبريه••وبدأت البنات بدال مايلعبو بلعبهم زي الاطفال كلها، يشيلو هم نفسهم وأزاي هيعملو ألاكل ويأكلو الطفل اللي معاهم لحد ماأحد الابوين يفوقلهم
، وفي ليله رجعت الأم اللي كانت مزاجها ضايع عشان خسرت فلوسها كلها عالترابيزة، رجعت الأم وهيا حزينه وبعد حوالي شهور اكتشفت اإن الأطفال لوحدهم ومحدش بيسأل عليهم،
دخلت لايلاا الأم علي غرفة ولادها لقت الأوضه مليانه غسيل متسخ في كل مكان وبواقي أطباق بالأطعمه وروايح كريهه، مش اوضتهم بس، البيت كله مليان زجاجات خمر في كل مكان وريحته وحشه، لما شافت الفوضي ثارت ودخلت تدور عالأب لقته مش موجود أصلااا، نضفت قدر الأمكان ونامت حتي الصباح بعد ماكانت بتنتظر الزوج ومرجعش، وجه الصبح وقامت عالضجه اللي عاملها بسبب سكره وطلعت ثايره عليه،
لايلاا••اومااي جااد، إنت جاي الفجر وعامل الزيطه دي يادي النصيبه!
ڤيرو••ضاحكااا، اوووه حبيبي انتي لسه عايشه؟ فكرتك متتي،
لايلاا••عيب كلامك تعالي جوة عشان ولاد مووش يصحو،
في الاوضه..
لايلاا••بتزعق بعلو صوتها، أنا بسيب الولاد علي اساس انت معاهم ارجع ألاقي بيت مكركب وريحة كل حاجه طالعه، كل حاجه مش في مكانها لييه انت بتعمل كدة؟ ولاد مش مسؤليتي لوحدي لأ انت كمان معايا
ڤيرو••خلااص خلاص ولاد ولاد زعيق زعيق، أسكتي دماغي
لايلااا••انتا بتقولي انا اسكت؟ لامش هسكت وهقول اللي أنا عاوزة بقي..
بدون مقدمات رافع ڤيرو إيده لفوق ونزل علي وشها بقلم شديد الخبطه خرر وشها دم ببقها، وصرخت من عزم الوجع، وبدأت تضرب فيه هيا كمان لحد مامسكها وهو مش حاسس عورها وضربها بعنف، وسابها سايحه في دمها ومشي وهوا مش دريان باللي عامله وإتسابت تنزف لساعات لحد ماصحيو الولاد وشافو المنظر ولحقوها بإسعاف
يتتتبع.