لاتقترب... بقلم إيمان صالح (مكتملة)

الفصل الخامس عشر

#لاتقترب
#الجزء_الخامس_عشر

خيال ••خلاص يا سَتونه، جدتي نامت ومش فاضل غير ابويا يجي وأسهر انا وانتي نسمع ياإما الراديو ياإما نفتح الاختراع العجب دة اللي اسمه التلفزيون،سكتت شويه وقالت، ياااه؟ ياما كان نفسي تبقي أختي ولا صحبتي ولاحتي حبيبي وتردي عليا بدال الوحدة اللي انا فيها دي، ماهو كدة انا هتجن من قلة الكلام، منها لله امي دي اللي ولا كأن ليها بنت، كل ده عشان تجبره يبيع البيت..
في عز ماهيا بتتكلم لقت حد بيرد عليها الكلام في الاوضه وقفت إتسمرت مكانها وهيا مش مستوعبه حاجه، كل اللي عليها إنها إلتفتت ناحية المخدة في الظلام اللي مغطي الاوضه وقاطعه بصيص من النور جاي من لمبة الجاز الوالعه معاها في الاوضه واللي كان سائد في الوقت ده إن البيوت بالشوارع بتبقي فيها الكهرباء لوقت معين من اليوم وبعديه يابتتفتح لمبات الجاز ياإما العائلات الغنيه بتعيش بمولدات، برغم من غنا زركش الا انه كان بيتعامل زيه زي اي حد فقير...
التفتت ناحية المخدة عشان تسمع الصوت اللي بيتكلم منين لقت كل حاجه ساكنه في مكانها ولفت لأدواتها اللي محطوطه علي مكتب عريق من مقتنيات زمان ورجعت تلم الحاجه لكن وهيا ساكته ولابتتحرك غير بالعافيه، رجع تاني الصوت يتكلم ويهمس لها بهدوء، الصوت اشبه بفحيح الافاعي، البنت اترعبت لكنها قربت للمخده عشان تسمع وتتأكد هيا ولا لأ، بتقرب جامد وحطت المخدة علي ودانها، سمعت الصوت الصادر منها بيتكلم ويقول.
ايوة أنا اللي بتكلم، ايه؟ غريبه اني ارد عليكي؟ مسكينه مانتي ماتعرفيش إننا متابعينك من زمان بس انا مش عاوزة اتكلم من زمان غشان اللي هتعمليه، سمعت البنت الكلام ورمت المخده من إيدها وطلعت تجري علي اوضه جدتها اللي كانت في سابع نومه وقعدت تصرخ وتشد فيها لحد ماصحيتها.
خيال••جدتي ياجدتي الحقيني بالله عليكي،
الجدة ••قامت مذعورة،، يوه؟ فيه ايه يابت مالك؟ فيكي ايه شفتي عفريت؟
خيال ••بس ياجدتي بس، والله فيه حاجه بتتكلم في الاوضه تعالي الحقيني بالله عليكي، هنام جنبك.
الجدة ••يادهوتاااي، إنتي عوزاني انيمك جنبي عشان ابوكي يجي يتخانق معايا؟ لا ياختي خدي بعضك وروحي نامي علي فرشتك، يلا يابت.
خيال ••ياجده عشان خاطري الله يخليكي طب تعالي إنتي نامؤ جنبي.
الجدة ••لااء، روحي علي فرشتك يلاا.
فضلت تزعق فيها لحد مالبنت المسكينه مشيت وراحت عالاوضه غصب عنها، وفضلت خايفه وبتتلفت يمين وشمال لحد ماغلبها التعب وعاوزة تنام وإضطرت غصب عنها تترمي علي سريرها حبيبها وبدأت تاني تتكلم مع فرشتها..
خيال ••أنا عارفه ان اللي بيحصل ده من وحي خيالي وان مفيش حد بيكلمني ولا حاجه، انا كل اللي عوزاة اني احس بونس بس، انا حهدي وهبقي كويسه وتمام..
ولسه جايه تغمّض سمعت الصوت تاني وكأنه نايم في حضنها وقعد الصوت يكلمها تاني بوشوشه..
الصوت ••إحنا كمان محتاجين وجودك  ، إنتي اطيب حد شفته وحضنني في الدنيا، إنتي بتحبيني مش كدة؟ ارجوكي متخافيش انا بتعامل معاكي بكل امانه، أنة عاوزة ارفعك لفوق وأخليكي دايماا مش وحيدة، مش انتي عاوزة تفضلي علي طول مع ونس؟
رجعت خيال تهز دماغها برعب وهيا خايفه وبدات ترد علي مصدر الصوت،
خيال ••اااه انا دايماا وحيدة، ونفسي ابقي عندي عزوة وعيله، وممكن أعتبركم عيلتي زي منا بكلمك من زمان، بس الاول ردي عليا، إنتو مين؟
الصوت ••إحنا ناس بنحبك فوق ماتتخيلي، عاوزالك الخير فوق ماتفكري وهسليكي بالحرف هسليكي بس افتحي التلفزيون دة
خيال ••بس بابا مانعه دلوقتي عشان الكهرباء هوا بيسحبها، بكرة ممكن؟
الصوت ••خلاص ياحلوة خليكي لوحدك بقي، قاطعت خيال الكلام وهيا بتقول،
خيال ••إنتو عايزين مني اييه؟ انتو مين؟
الصوت••إحنا عيلتك الحقيقيه، عيلتك التانيه،عيلة احلامك اللي بتحبك بجد.
خيال •• عيلتي؟ بس انا ميعتبرش لياعيله أصلااا،أزاي إنتو عايزين تبقو عيلتي!
الصوت ••جربي، جربي تبقي معايا، احنا عاوزين نرفعك لفوق، وتبقي ذات شأن وكأنك ملكه، مش نفسد تبقي ملكه من الملكات؟ مش هنسيبك تعيشي لوحدك بعد كده،
خيال ••أنا ابقي ملكه؟ ومبقاش لوحدي؟ ياريت!
الصوت ••خلاااص، يبقي لازم تسمعي كلامنا بكل خطوة وبحازفيرة تمام؟
خيال ••تمام، وأنا موافقه بس قولولي اعمل ايه بس هشوفكو إزاي؟
الصوت ••لازم تعملي زي اللي هقولهولك دلوقتي، روحي مكتبة القاهرة أو اي مكتبه كبيرة وإشتري منها الكتب اللي هقولك عليها، لازم تقريها كلها وتنفذي اللي فيها بالظبط بالخطوة، بعدها هتشوفينا وتكلمينا وهنبقي معاكي في كل حاجه..
خيال ••جابت ورقه وقلم، بسرعه أسامي الكتب انا عاوزة اشوفكم وأبقي معاكم، بعد يومين في مكتبه كبيرة بتحاول  تشتري الكتب ومنهمكه في التدوير عليهم لكن امين المكتبه قالها طلبك مش هنا لكن فيه واحد جنبنها مختص ببيع الكتب دي روحيله عشان يعلمك ازاي تستخدميها وتقريها، بالرغم انها تعجبت من كلامه الة انها راحت للمكتبه اللي قالها هتلاقيها عندها، دخلت خيال علي المكتبه،  في مبني غريب بسرداب لتحت نزلتله بسلم وكأن المكتبه في بدروم، نزلو وهيا مستغربه،
خيال ••إيه المكان الغريب دة؟ والأصواو بعتتني لييه ليه؟ ياتري الكتب دي هتوصلني لفين؟ يلا أديني بتسلي بناس جديده، حتي لو مش ناس اهم احسن من العيله الغريبه اللي انا معاها دي..
دخلت من الباب بعد مانزلت الدرج ولقت نفسها في مكتبه كبيييرة اكبر من المكتبه العموميه كمان وأرفف كتير مليانه كتب والارض مرصصه كتب،بصت يمين وشمال مافيش حد كتب وبس مرتفعه لحد السقف، وفجأه بدون مقدمات لقت راجل طلع وراها مالمحتوش وهيا داخله، إتخضت ورجعت خطوة لورا بهزه في جسدها..
البائع ••ايوة يابنتي قولي عاوزة ايه؟ بصت في وشه كل سم في وشه مليان تجاعيد وعيونه مبرقه ورفيع وخمري، اسنانه يكسوها الصفار شكله مريب اكتر من الألفه بباصص لها وبيبرق من دون قصد او رغمااا عنه،
عاوزة ايه يابنتي انتي نسيتي طلبك؟ بصوت أجش.
خيال ••بإرتباك، إاااا، مدت ايدها بالورقه، أءءنا انا عاوزة الكتب اللي اساميها دي لو سمحت هلاقيها هنا ياتري؟
أخد منها الورقه وهوا بيقولها.
البائع••كل حاجه موجوده هنا، تعالي ورايا، بص في الورقه وقعد يقرا الاسامي واخدها جوا لسرداب أطول كمان من اللي سبقه وبدأ يقف قدام رف علي مايبدو انه كله لأشياء خاصه بالتعاويذ والجن والشياطين، وبدأ يكلمها بصوت خافت، إنتي واخده الكتب دي ليكي ولا لمين؟
خيال ••لأ ليا ليه؟
البائع ••لما تقريها هتعرفي، المهم متحاوليش تقلدي حاجه من اللي مكتوبه جواها بشكل مباشر، إوعي..
خيال ••حاضر حاضر بس هاتهم هما مش ليا اصلاا،
طلعلها الكتب وأخد الفلوس وطلعت تجري عالبيت وكأنها جابت كنزثمين، دخلت اوضتها وقفلت الباب علي نفسها وتتكلم..
وآدي الكتب جت، إيه المطلوب تاني بقي؟ اديني جبت الكتب اللي طلبتوها، اعمل ايه بعدها؟ ياللي معايا؟ انتو سامعني؟
لكن دون استجابه ولما زهقت فتحت الكتب وقعدت تتصفحها وهيا في حاله ذهول وتعجب وتطلع لعالم غريب لم تسمع به من قبل،
خيال ••ياااه؟ ايه دة؟ يعني انا لو جربت الحجات دى يبقو فعلاا معايا؟ لا لا مش معقول لأ، دة اكيد تخاريف طبعاا، وفجأه بدون مقدمات لقت الأصوات بخيال هذه المره بيكلمها وبيقولها
الصوت••ولييه بتشككي فينا؟ مش قولتلك هنظهرلك؟
بصت في الضلمه لقت طيف أسود  وكان إنسان ليه قرنين ملتويين، لابس عباءه سودة مغطيه كل حاجه فيه، هل هو انسان؟ لاتعلم، لكن فيه معاها في الاوضه شئ مجهول لا تعلمه بيتكلم ويرد عليها لما بتسأله وبدات تكلمه.
خيال ••ياااه؟ خوفتني! انا بتكلم بقالي ساعات ومحدش رد عليا قلت تبقو مشغولين بقي، هوا انتو تبقو بنيآدمين زينا؟
الصوت ••ههههه، البنيآدمين إحنا غالابه جنبهم وماتقلقيش هتعرفينا لما تنفذي بقيت الشروط، هتنفذي؟
خيال ••إيه هيا الشروط؟ هنفذ طبعااا
الصوت ••اول حاجه ماحدش يعرف بالكتب دي أي شئ، تاني حاجه هتقعدي لمدة ثلالث ايام تقريها لوحدك في الضلمه، لوحدك هااه! وبعد ماتقريها لوحدك ونتأكد انك قريتيها مش هنظهرلك ابدااا في المدة دي، وبعد ماتحفظيها كلها تبدأي تنفذي كل اللي فيها بالخطوة الواحدة، بكل حاجه، وقتها بس هنظهر قدامك ونعرفك حاجات محدش يعرفها غيرك بس حذاري، حذاري حد يعلم باللي بيننا غيرك مفهوم؟
خيال ••تلات ايام في الضلمه؟ منا كدةكدة قاعده فيها علي طول،  وبعدين؟
الصوت ••وبعدين دة مفاجأة جميييله هتعرفيها بعد ماتنفذي اللي اتفقنا عليه، هتبدأي إمتي؟
خيال ••حالاا حالااا، انتو هتبداو بالظهور امتي واعرف عنكم كل حاجه؟
الصوت ••عدي تلات اياام، تلات ايام ياخيال يابنت زركش، سللاااام اراكي بعد تلات اياام، وإختفي بتلاشي وكأنه دخان اسود بيخرج من الاوضه..
خيال ••مذهوله وكانها بتفوق من لحظه حلم، هوا ايه اللي بيحصل؟ هوا انا بكلم مين؟ طب انا وراكو لحد ماعرف انتو مين!

وفضلت البنت تقرأ في الكتب لحد ماحفظتها عن ظهر قلب لمدة ثلاث ايام، وجه وقت المهمة اللي محيراها وبردة بتكلم نفسها..
خيال ••دلوقتي انا بقالي تلات ايام في الضلام لوحدي وهما مش طلعولي وانا حفظت الكتب، المفروض انا أستني لما مايبقاش حد معايا بالليل وأقول ال إيه؟ أسمها تعاويذ؟ اااه اقولها وانا لوحدي بالليل وأبدا احضرلها بالكتابه اوكي،
في تمام الساعه الثانيه وهيا لوحدها ومعاها الكتب، بدأت البنت تقول طلاسم غريبه بصوت الي حد ما مسموع  وشقت إيدها بمرايه محضراها من اول اليوم لحد ما سال دمها وكتبت منه طلاسم مش مفهومه علي جدران اوضتها وبدأت ترسم نجمه ودايرة وجواها منظر مرسوم في الكتاب لمخلوق مخيف ومرعب لاتعلم كينونته، وبدات تقرا التعاويذ اللي مكتوب طريقه نطقها بالعربي في كل تعويذة صفحه مقابله لكيفية نطقها بالعربيه وبدات تنطق وتتكلم وولعت شمعه واحده في الاوضه وقالت اخر تعويذة قدامها وبعد شويه راحت تجري علي المطبخ ولعت علي حلة ميه واستنت لما تغلي، وخدتها وطلعت تجري علي الحمام الساعه إتنين ونصف ودلقت المياه عالأرض بسخونتها الشديدة وكأن الحمام إتهد فوق دماغها، وطلعت تجري شالت الحله مكانها وكأن شيئااا لم يكن،
بعد نصف ساعه بالظبط، خيال بتصرخ بعزم قوتها صرخات غريبه والصوت مش صوتها وجسمها متشنج بقوة وكل اللي كانو كل واحد قافل اوضته عليه طلعو يجرو عليها في حالة ذهول
الجميع اتصدم، جسد الفتاه مقلوب وجهها مسحوب لتحت وعيونها مغربه وبتصدر اصوات وكان عليها قبيله جن،
جري عليها زركش الاب وبيحاول يمسكها ويهديها نطرته طيرته بعيد وقاللته بعدة اصوات في وقت واحد بلغه عبريه علي لهجة مجوسيه..
خيال ••إبق بعيدااا عني، أنت السبب في هذا الصرااع، فقط خذ عائلتك وإنصرف والأستموت انت وابنتك..
انصدم زركش من اللي سمعه وفضل محتار ومش فاهم، وفضلت الفتاه المسكينه علي هذا الحال لابتاكل ولابتشرب ولا بتنام، ولا حتي بتهدا، لحد ماعلم عمها ابو دلال ومرات عمها هيا كمان وبسرعه اتحركو في محاوله انهم ينقذوها، تلك زوجه العم اللي كانت بتحبها اكتر من امها نفسهاواللي بدات تستنجد بصديقاتها عشان ينقذوا المسكينه، وبدأت تعمل إتصلاتها من خلال التليفون الارضي اللي كان بالنسبالها نجدة، بدات تتصل بمعارفها اللي مانو كتير جداا وبدأو يفيدوها،
غاليه ••الوو؟  الحقيني يا صفيه بنت سلفي مش طبيعيه خالص بقالها كام يوم فيديني اعمل ايه؟ هااه؟ لاااه بتعمل حاجات عجيبه ومش مفهومه ومحدش فاهم فيه ايه؟! ساعديني واتصلي بصحبتك المغربيه خليها تفيدني، ارجوكي البنت تعز عليا قووي دي تعتبر توأم بنتي..
بعد أيام فادوها صحباتها انها تطلع بيها علي الازهر وهناك بدأو الشيوخ يبحثو في اللي بيحصل وتطوع منهم حوالي سبعه او عشر شيوخ عشان يشوفوها...
#يتتتبع...
لو عجبك الجزء الجديد علقي بتم وعشرين ملصق وإذكري الله وماتنسيش تعملي متابعة على صفحتي الشخصيه عشان يوصلك كل جديد 👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇
#إيمان_صالح