لاتقترب... بقلم إيمان صالح (مكتملة)

الفصل السابع عشر

#لاتقترب
#الجزء_السابع_عشر
الحكيمه ••مبروك ياأمير جايلك ولي عهد صغير مبروووك ووقف ابانوخ فرحان مذهول ومتعجب
وآديل زيه لكنه فرحان ومنتهي السعادة علي وشه وهي العكس تماماا بتعيط بحرقه ومش قادر. تتماسك، ودخل عليها بعد خروج الحكيمه..
أبانوخ ••مش قولتلك انه حصل؟ الف مبروك علينا ولي عهد جديد.
آديل ••فرحان ياأبانوخ؟ معأنك عارف العاقبة من حملي هيحصل بعدها إيه؟
أبانوخ••بس انا مش هسيبك تموتي ابداا، مش هسمح بده أرجووكي ماتنطقيهاش تاني..
آديل ••أنا سمعت والدك وهوا بيتكلم عن حاجه زي دي مع أحد  الخدام وبيقول انه خايف عليك من الموت وصدمته في اللي هيجرالك مش هتكون سهله..
أبانوخ••مهما جري عمري ماهتخلي عنك ولا هسيبك للموت أبداا، ابدااا انتي دلوقتي زوجتي وكمان فترة هتبقي ام لأولادي او أبني، يعنى هتبقي أم لأمراء من الجن وده يعطيني الإستطاعه والاقدام اني اخاطر بحياتي انا عشانك وعشان احميكي وانتي اوعديني انك مهما شفتي وحصل قدامك، ماتحاوليش تعرضي نفسك للخطر ابدااا، مش هقدر اعيش لو فيكي حاجه فاأرجوكي حافظي علي نفسك عشاني..
آديل ••أوعدك، وانت كمان إوعدني إني لو حصلي أي حاجة ولو إضطريت عل اي شئ متهور أو متت قدراا إنك تحمي إبني، أرجوك لازم توعدني بإنك تحمي اللي فبطني، وحاجه تانيه كمان، لازم ماتنساش حق اخواتي، ممكن؟
أبانوخ••ارجوكي ماتقوليش كدة، انتي هتفضلي معايا للأبد..
وضمها بين يديه الغليظتين الممزوجتين برقة المشاعر وغطو في عالم العشاق وباتت بين احضان حبيبها،
ومرت أيام وأيام والنار المشتعله في بيت زركش لم تهدأ،لا البنت بتخف ولا عرفو يوصلو لعلاج لحالتها والنر بتزيد بين زركش وأخوه اكتر وأكتر..
زركش ••انت كل يوم تيجي وتقعد تتهمني اني انا السبب في اللي بيحصل لبنتي؟ انا مش هفضل اتحمل كلامك الصعب دة، انا مش 
مجبر منك علي تحمل دة انا اخرة ماهزهق ههد البدروم وادغدغه علي اللي فيه عشان اريحك..
الأخ •• والله ياريت يبقي احسن، لأن انت لابتتصرف وتنقذ بنتك ولا بتجيب حد يفحص المكان من تحت عشان يريحنا ويصدق علي كلامك ويقول ان مفيش حاجة تحت  !
زركش ••أرجووك يارضوان حس بقي ارجووك بلاش تحمل عليا بالشكل دة..
رضوان ••تنهد بشده، هاااه، اما أروح اشوف حد أقوي من اللي شافوها يمكن يعملو حاجه،
وسابه ومشي وهوا حزين عالبنت اللي مش عاوزه تخف وراح يدور علي شيوخ اقوي ووقف زركش حيران مش عارف هوا إيه اللي عمله في نفسه وفي عيلته دة..
وبعد ايام قليله جه وقت ولاده آديل وجاها المخاض وكانت في حالة صعبه جدا وهيا وابانوخ في منتهي الإضطراب وكان خايف عليها جداا خوف من الفراق، وعدت ساعات وولدت ورزقو بتلات اطفال إتنين منهم نسبو لعالم الجن حيث ولدوا واخدين چينات الاب في كل شيء وواحد منهم ذكر لكنه بشري بيحمل چينات الأب، الإتنين اللي اتولدو بچينات الجن اعلي إتاخدو منها بعد أيام قليله من الولاده لأن صفاتهم تختلف عن الإنس كذلك الرضاعه
والتكوين، لكن الإنسي فضل معاها هيا لأنه كان يومه بيوم بينمو نمو عادي علي عكس الأخوه التانيين، وبالطبع بعد أيام بقي عمرهم شهور وبسرعه كبروا لكن الطفل الاخر زي ماهوا عنده ايام، وكان ابانوخ علي طوى قاعد معاها بعد ولادتها وكانت أسعد فتره في حياتها..
ابانوخ بيلاعب الطفل البشري اللي كل مايشوفه يبكي، والابناء التانيين بعد إتناشر يوم بقي عندهم سنه وكانو بيلعبو مع الام من بعيد، لكن الأب كان نتقرب للي جوار الأم ومش بيقوم من جنبها..
آديل ••إنت هتفضل قاعد كدة ياابانوخ تلاعب في الولد وتسيب الباقي؟ أنا مش عاوزه الملك ميمون يتضايق مني أكتر من كدة ارجوك، انا عوزاه يحس انك بعد ماخلفت مني وبقيت اب بقيت مستقيم اكتر علشان يحبني انا وولادي..
ابانوخ••ماتخافيش ياعزيزت قلبي واميرت احلامي أنا مش مقصر في أي شئ لاتقلقي..
آديل ••ياسلاام؟ يعني انت مخلص كل مهامك اليوميه معاهم تحت في المملكه؟
أبانوخ ••أيوة ماتقلقيش،
قطع حديثهم صرخات خيال اللي سمعاها علي طول وحست بعد الإنجاب ان قلبها واجعها، وبدات تشعر بتأنيب الضمير وتكلم ابانوخ عشان ينهي الامر دة
آديل ••ابانوخ! الامر لازم ينتهي والمجوسي يسيبها، كده عذاب جامد ليها واحنا انتقامنا من زركش مفروض مش منها..
أبانوخ••إنتي بتقولي إيه؟ الأمر مش سهل زي مانتي متخيله، دي اذت عشيرة بحالها ولايمكن يتساهلو اصلااا، الموضوع صعب حله وحتي لو انا اتدخلت المارد اللي عليها ملك زي الملك ميمون يعني صعب عدوله بسهوله عن وجوده معاها وهيفضل مرافقها طول العمر ياإما مش هيروح الا بموت حد فيهم! انتي ايه اللي حصلك؟
رجعتي صعبت عليكي ونسيتي الإنتقام؟
آديل ••أنا في السابق ماكنتش ام ومكنتش حاسه بعذابه ازاي عليها، وهوا اللي آذاني مش هيا، صراحه انا عاوزه انهي الخلاف وارجع الملك بعيد عنها، خلي الملك ميمون يبعده عنها..
بصلها ابانوخ بغضب وقالها..
أبانوخ••إنتي عارفه معني كلامك إيه؟ ممكن تقوم حرب بين العشيرتين وتفضل قايده سنين طويله وافقد فيها ابويا وعدد من اخواتي وجنودي وانا لايمكن أعرضهم لكدة..
آديل ••خلاص،، أنا هتواصل مع الملك التاني عشان اخفف عنها شويه يمكن اصلح حاجه، لكن إنتقامي من ابوها ماإنتهاش
قاطعها ابانوخ العزيز..
ابانوخ••لااأ لااا آاامرك بإطاعتي وتنفيذ الامر ارجوكي ماتخرجيش عن طوعي انا مش عاوز آذيتك مفهوم؟
نظرتله آديل بنظرتها البريئه اللي بتاخده لعالم تاني وبدأت ترمش رمشاتها الجذابه وقالتله..
آديل••ماشي ياابانوخ، سمعااا وطاعه، وبصت للأرض وخطت خطوة لكنه مسكها من إيدها..
ابانوخ••قلبي كقطعه من جسدك الآن، إذا جرحت جرح قلبي وإذا تألمت تألم قلب عاشقك المسكين، هل لك أن تقضي علي فؤادي الصغير بأذي لنفسك او مجازفة بائسه لإنقاذ روح اخري؟ أنت نَفْسي ونَفَسي ورجولتي وطفولتي، أنت النبض ياملكة القلب، أنت العقل ياملكة الكمال والنضوج، ارجوكي لاتتصرفي بطيش حتي لايتحطم القلب الصغير علي صخرة الفراق والحرمان..
سمعت تلك المسكينه الكلمات ونظرت له بتمعن ورمت نفسها في حضنه وهيا بتعيط وتقوله..
آديل ••إنت أفضل الرجال وأطيب اهل الجان بعترف علي إيدك ان الحب مالوش حواجز حتي لو الحبيب بشر والآخر جان، حضنته بقوة وكملت كلامها، أنا معاك للنهايه ياحبيبي، وكانت أكتر لحظه حست فيها بالأمان مع أميرها ومعشوقها..
بعد أيام...
في بيت زركش،، بعد محاولات لتهدئه خيال ونجحت التهدئات في المرة دي وبدات اللي كانت وقتها بتذاكر لانها في اولي ثانوي هيا وبنت عمها في سنه دراسيه واحده، بدات تذاكر تاني وياها وأثناء المذاكره بدات تشرد لركن في الحيطه وتسرح فيه، وبدات تبص لبنت عمها وصوتها اتحول..
خيال ••بصوت اجش، فيه إنسيه تحت الأرض عمك اللي جابها وبتحاول تساعد، بصت لدلال بطريقه مخيفه وقالت، خرجي اللي تحت البيت وأدوهم اللي هما عاوزينه، لو هما مشيو إحنا هنمشي..
بصتلها دلال برعب وقامت من جنبها تجري وراحت قالت لجدتها،
دلال••ياتيته! الحقيني خيال إتحولت تااني..
الجدة••تعالي يابت فيه ايه؟ وأخدتها وراحت عالاوضه وبدأت تكلم خيال، فيه ايه ياخيال؟مالك؟ حاجه حصلت تاني؟
خيال ••أولاا انا مش خيال، ثانيااا انتي اللي حاميه البيت دة، إوعي تمشي وتسيبيه..
الجدة ••لاإله الا الله؟ ولما انا حاميه البيت مش بتبعد عن البنت ليه؟ سيبوها بقي الله يبعدكو عنها البنت عندها امتحانات..
خيال ••لو شيلتي المصحف اللي فأوضتك هنخشها ونقضي عليكي، إنتي حاميه البيت بجزء كبير من إيمانك، قولي لإبنك يسيب البيت ويمشي، البيت دة مش لعيشة البشر، سيبوه وإمشو..
وبعد دقايق رجعت البنت لطبيعتها اللي كانت بتذاكر بيها وبدأت جدتها تنده عليها..
الجدة ••خيال؟ ياخيال؟ قومي ياقلبي تعالي كدة اغسلي وشك كدة وصلي تعالي،
دلال ••بلاش ياتيته لاتنأذي والنبي..
الجدة ••بس يابت إنكتمي هوا فيه حاجه اسمها تنإذي من الصلاه؟ ان شاء الله هتخف تبقي عال العال، يلا يابنتي ربنا يصرف عنك تعالي...
وبدأت الأيام تمر بقليل من الهدوء وآديل بتحاول تتواصل مع خدام البيت اللي خيال آذيتهم عشان تخفف الأذي عنها لكن الامر كان صعب عليها، لحد ماجه اليوم الموعود يوم تغيير كل شئ...
في بيت زركش، الأخ الاصغر رضوان داخل البيت  ومعاهحوالي تلاته رجاله  وداخلين علي زركش بدون مقدمات مماأدي لذهوله وسؤاله لأخوه..
رضوان••يلا ياإخواننا، إفصلو البيت لو سمحتم خلونا نشوفه قد أيه وقيمته إيه!
زركش ••إنت بتعمل إيه يازفت يارضوان إنت؟ إنت مجنون؟
رضوان••مجنون ليه؟عشان عاوز حقي ابقي مجنون؟ البيت دة هيتباع وهاخد حقي الشهر دة،، من اللي تحت الارض ومن البيت كمان.. 
زركش ••لاااه انت أكيد اتجنيت رسمي! يلا يابنيآدم انت وهوا اطلعو بره برة، وبدأيطرد الناس وبسرعه اتوجه ناحيته اخوه بهجوم
رضوان••إنت اتجنيت ولا إيه؟انا جايب ناس تفصل حقي تقوم تمشيهم؟ وبدأيمسك في خناقه وكأنه هيخنقه وقعدو يضربوا في بعض وطلع كل واحد من اوضته بما فيهم خيال إللي شافت المنظر هيا والجده الجده كانت هتقع من طولها ودلال اغمي عليها أما عن خيال فانقلبت للوراء ووقفت علي أطراف الأصابع وكل جسمها مطروح لورا ومتشنجه وعيونها مفتحه وبتصرخ بأعلي صوت وبكذا صوت..
الجدة ••ولاداااي ولااادااي بنتي وبيتي ياارب! يخربيت الأرض لبيت الكنز! انا هولع في البيت،
وبدات خيال تبص ناحيتها ولسه جسمها كله مرتكز علي اطراف اصابعها وقعدت تضحك بصوت رجولي ووتهكم عاللي بيعملوه..
في وسط صراع الاخوه والنار قايده بينهم، زركش وكز اخوه وجري علي بندقيه قدامه خطفها ووجهها في وش رضوان وجهز الطلقات وكان هيصوب عليه، وفي آخر لحظه، طلق العيار في السقف وراحت خيال واقعه من طولها وكأنها خرقه باليه، ووقف زركش يقول لأخوه..
زركش ••كل اللي بيحصل ده! بسبب اللي موجود تحت؟ الكنز؟ طيب، انا بقي هتصرف والله لاكون مولع في القبو بالمقبرة اللي تحت الارض، وطلع يجري ناحية المطبخ اللي كان فيه جالونات الجاز اللي بيشغل بيها لمبات الجاز في الليل وأخد جالونين وفإيده الكبريت وطلع يجري علي تحت والأم قعدت تصرخ وتجري وراه لكن اخوه منعها توصله وشال خيال من الارض ودخل معاها بنته وقالها..
رضوان ••أوعى تسيبيها وتروحي في حته، خليكي معاها واوعديني بإنك تحميها في أي وقت وفي كل مكان مفهوم؟
دلال••بصت لأبوها وفي عيونها الدموع متلألأه وسقطت منعيونها وهيا بتهز راسها وكلمة حاضر علي لسانها، وسابها وطلع يجري تاني علي مشيخه الأزهر املااا في إنهم يلحقوهم..
في الأسفل، آديل سامعه كل مايحدث وكان وقت إنتصارها جه وقته، ضربات قلبها بتزيد مع سماع صوت قرع نعال زركش بتقترب، وفجأه فتح زركش الغطاء اللي بيوصله للقبو وفتح الباب، مع صوت أزيز الباب ودخول النور الي المكان وقفت آديل مكانها متسمره ودخل زركش برجله وبحركه تلقائيه بإيدها منها وهيا واقفه في مكانها أشارت بإيدها بدفعه من بعيد قفلته، في نفس الوقت زركش مش بيضيع وقت وبيسكب الجاز في الأرض وفجأه هجمت عليه بإنقضاض ثبتته في الارض وبدأ يدور بينهم حوار.
زركش ••أعوذ بالله من الشيطان الرجيم ومن الجن والشياطين، انتو عاوزين ايه؟
آديل ••هما بردة اللي جن وشياطين؟ هما خطفو حد عشان يقدموه قربان؟ هما قتلو حد عشان يبقي تضحيه؟ تحب أقولك انت قتلت كاام بنت قبل ماتخطفني وخطفت كام بنت؟تحب أعرفك اللي حاصل للبريئه بنتك حاصل ليه؟ كله بسببك يازركش ياطماع ياجشع، بنتك بتتعاقب بسببك والحقيقه انك انت اللي لازم تتعاقب.
زركش ••إنتي مين؟ وإزاي عرفتي كل دة؟
آديل••بقالي فترة هنا من يوم ماجبتني، مش فكرتني متت؟ الحقيقه ان لسه مامتتش عشان لازم اخلص عليك الأول، وبسرعه مسكت دماغه اللي كان فيه تحتها الارض صلبه وفضلت تخبطه في الارض عدة مرات لحد مالقت دمه سال عالارض وحست بسخونة دمائه بتنسكب منه  وبدأت تتنفس برويه وبنشوة النصر تعلو انفاسهااا، ولسه بتلتفت عشان تبلغ جوزها سمعت أهله مع اخوه هما كمان نازلين وطلعت تجري عليه للداخل في أعماق الارض اللي اول مرة تكتشفها وتنده بجنون..
آديل ••أبانووخ،، ابانووخ الحقني بسرعه..
أبانوخ••فيه ايه؟ فيه ايه انطقي!
آديل ••ابانوخ أنا قتلت زركش وخلصتكم من خطره لكن المصيبه مش فيه دلوقتي المصيبه فيا انا هيشوفوني أنتو كدة كدة مش مرئيين ولاهيشوفوكو إلا لو اتحركتو او ظهرتو لكن انا،، أنا هظهر وممكن اتسجن ومحدش هيصدق حاجه من حكايتي، ارجوك إتصرف..
ميمون••بثورة عارمه ونهرة لإبنه، عاجبك كدة؟ قولتلك دى هتجلب المووت، بصلها وشاور، لازم تموت لاازم ياإما احنا اللي هننتهي
أبانوخ ••إنتي عملتي إييه، بكاااء، ليه كده؟ انتي نهيتي حياتنا كلها..
آديل •• بلهفه مصحوبه بتوتر وبكاء، أنا موافقه ياأبانوخ انا عارفه انها هتنتهي كدة انا موافقه يامولاي، مسكت وجه ابانوخ وقالتله بلهفه وتسرع ونفسها طالع نازل ، ابانوخ، لازم توعدني إنك هتحمي إبني البشري هوا كمان، إحميه بإنك تخرجه من هنا لو شافوة هيموتوه وهيبحثو هوا جه منين، ولو اتعرف كده هيجو يهدوا المملكه علي رؤؤسكم، إرميه في عالم البشر ياابانوخ وأقتلني، إقتلني يامولاي،وقفت تلهث انفاسها وتكرر إقتلني ده الحل..
ابانوخ••لااا، انا اللي هموت مش انتي، انتي بتفدينا بنفسك وانا بعديكي اعيش ميت؟ لااا ارجوكي الا فراقك..
آديل ••وطت علي رجل ميمون باستها، ارجوك يامولاي اولادي مالهومش ذنب، حافظ عليهم وتخلص مني، انا بحب إبنك لدرجة اني شايفه حبه في عيونك ويستحيل أحرمك منه، راحت علي رجل ابانوخ باستها،، ارجووك طلبي منك الاخير كف عن الانتقام، أنا خلاص قتلت اللي آذاني سيب البنت البشريه في حالها، انا إنتقمت لحالي خلاص واللي آذاني مات، فقط كل اللي عوزاه ماتنساش موت اخواتي، وإهتم بولادي كلهم واحمي البشري،
ارحم خيال واللي فاضلين  وفجأه وهيا بتتكلم قام عليها الملك ميمون ومسكها من راسها وبدأت تصرخ صرخات عابيه من شدة إعتصار دماغها في أيده وبدأ ابانوخ يصرخ علي صرخاتها ويهاجم ابوه ويبعده عنها ويقوله..
أبانوخ••إنت بتعمل اييه ابعد عنها، سيبها سيبها، كلماته بمحاوله لأبعاد يد ابوه عنها أسقطتها ارضااا وقد أنهي اجلها بامر الله ووكز بيده إبنه ودفعه لبعيد أسقطه ارضاا وهوا بيقوله..
ميمون•• بكسره ودموع؛ خلاص ماتت، كان لازم حد فيكم يموت،  وهيا عارفه النهايه وضحت بروحها من اجلك، إدفنوها، الكلام للخدام الواقفين معاه، وقال لإبنه، سمعت كلامها؟ خد إبنها البشري القي بيه قدام أي ملجأ عشان يتربي علي إيد بشريه يلاا..
أبانوخ ••بكسرة مسك دماغه وقعد يخبط عليها وقال لابوه، ضيعتني وقتلتها، أخدت اعز ماااملك مني، إستحاله أسامحك طول عمري، إستحاله أسامحك..
ميمون ••بغضب، نفذ الأوامر وخد أبنك وإنقذ عالمنا وإنقذ إبنك من إحتمالية الموت! يلااا،
كلماته هزت ارجاء الكهف وقام أبانوخ بيحاول يصلب طوله واتجه ناحية جسد اديل اللي حملوه عشان يتجهز للدفن وبدأو يحفروا في نفس المكان لكن صرخ فيهم..
ابانوخ ••إوعووو، ده جسد حبيبتي ومعشوقتي وأنا هدفنه بمعرفتي،
#يتتتبع.....
لو عجبك الجزء الجديد علقي بتم وعشرين ملصق وإذكري الله وماتنسيش تعملي متابعة على صفحتي الشخصيه عشان يوصلك كل جديد 👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇
#إيمان_صالح