لاتقترب... بقلم إيمان صالح (مكتملة)

الجزء الرابع

#لاتقترب
#الجزء_الرابع
ووشه كله متعرق، وكأنه مرتبك ومش بينطق،
نوتيلا ••من بعيد بنظرات متفرقه، فيه ايه مالكو ياشوباب؟مبلمين ليه كدة؟ بعدت طبريه خطوتين وقالت لها.
طبريه ••خلاص ياستي إعتبري خطيبك وافق انك تسافري، فاضل بس موافقة ماما وطنت.
بصلها فهد وفضل مبلم لها ومش فاهم إيه اللي بيحصل وقرب علي خطيبته أخد من اديها الأكل وبدأ يحط علب الكشري علي الترابيزه ووقفت طبريه جنب نوتيلا وبدأت نوتيلا تسألها..
نوتيلا ••إنتي عملتيله إيه؟ الواد متلخبط ليه كدة؟؟
طبريه ••مالكيش دعوة دة تأثيري أنا، إبتسمت وقعدو ياكلو، بعد ساعات جه وقت ذهابهم للبيت  ..
في عربية فهد، سبقهم عشان يدور العربيه وطلعت وراه خطيبته عاوزة تفهم أي حاجة، او بتحاول تفهم.
نوتيلا ••إنت وافقت صحيح يافهد عالسفر؟ فهمني اي حاجه.
فهد ••هسس،، أنا مش فاهم طبريه مالها فيها إيه؟ بتتعامل بطريقه مريبه، والموضوع دة مرفوض علي فكرة، إلا لو إتعرض علي والدتك ووافقت إني أبقي معاكي تمام؟
نوتيلا ••بتأفف يووة؟ منتا عارف انها مش هترضي! ماتحطش العقدة في المنشار بقي ياعشقي، خلينا نلم الفلوس ونتجوز بقي ولا مازهقتش؟
فهد••بعد ما كان باصص بعيد بصلها ورقابته معووجه وقال، بقولك ايه؟ ماتنسيش إني انا اللي قايلك عالحوار دة! إنتي إستغليتي فكرتي غلط علي فكره، انا قولتلك اعملي قناة يوتيوبللطبخ لحاجات البنات، مش اعملي قناه رعب! وانتي رحتي ونفذتي واخترتي كمان الڤيديوهات، وجايه دلوقتي لما موضوع فيهم بيوسع منك تستأذنيني إنك تسافري بلد تانيه؟ لأ ياستي لحد هنا وستوب، يارجلي علي رجلك يابلاش فاهمه؟
نوتيلا ••بعصبيه، هووف هووف بقي، إرحمني بقي، طلعت طبريه من جوه بعد ماقفلت الأبواب وبقي الباب الحديدي وسحبت وقفلته،
طبريه ••يلا بينا؟مالك؟وشك ماله يابنتي فيه ايه؟بصت للإتنين،إنتي متخانقه معاه تاني؟صبرني ياربي!
نوتيلا••لا ولا متخانقه معاه ولا حاجه، بس البيه بيلحس كلامه اللي بيقوله تاني،
طبريه ••دة ليه دة يعني؟ هوا إحنا بنلعب؟ مش قولتلك جوة وسكتت؟
فهد ••طوبي؟ أنا مانطقتش اصلاا، أنا كنت ساكت ومن فضلك ياتسكتي ويتعرض الكلام علي مامتها وانا عارف انها هترفض يابلاش كلام اصلاا في الموضوع دة اوكي؟؟
طبريه ••بكسفه طيب، ماشي، ان شاء الله هيوافقو..
نوتيلا ••يلا طيب نروح عشان الوقت بدأ يتأخر والجو بقي ليل..
بعد قليل،
وصلو للبيت وسبقتهم طبريه لفوق وبدأو يتكلمو مع بعض تحت تاني،
فهد ••فيه ايه قاعدة ليه؟ ماتيلا إطلعي.
بصت ناحيته نوتيلا وهيا مستغربه منه ومن هدوء أعصابه وثباته علي موقفه وبدأت تتكلم معاه بكل هدوء
نوتيلا ••اطلع فين يافهد؟ مش الاول نتكلم في الموضوع بتاع الشغل دة؟ انا لازم لو سمحت أسافر، أنا محتاجه جدا ومتشوقه جداا للمشوار دة وخصوصااا كمان إننا في الصيف ودي إسكندريه وكده يعني، ارجوك إعتبرها مصيف ووافق بقي ماتبقاش غلس بقي وحياتي،
في نفس التوقيت اللي هيا بتتكلم فيه، عيون خطيبها مش معاها، عيون خطيبها كانت علي الدور بتاعهم بالصدفه وهوا بيبص بسقم وضيق وكأنه بيسخر من كلامها وهوا بيبص برة، أثناء نظراته شد إنتبااهه مالم يكن له بالحسبان، وبدا يكلم نوتيلا بحماس مختلط بغرابه.
فهد ••عنيه معلقه بالأعلي علي نوافذ الأوض بالدور الرابع، نوتيلا هوا ده شباك اوضتك ولا أوضة طوبي؟بصي كدة!
نوتيلا ••قبل ماتبص، هوا إيه حكايتك النهاردة؟ طوبي طوبي مالك؟
فهد ••ياغب*يه بصي بسرعه، بصي قولي اللي أنا شايفه انتي شيفاه ولا لأ!
نظرتهم الإتنين للأعلي حيرت عقولهم بصوا لبعض بتعجب.
نوتيلا ••إيه دة؟ هوا دة ضوء شموع صح؟ احنا علي فكرة ماعندناش فوق شمع اصلااا.
فهد ••هوا دة بس اللي لفت إنتباهك؟ بصي تاني كدة علي ضوء الشموع اللي معكوس عالحيطان؟ شوفي فيه كام خيال لكام حد عالحيطه؟
البنت شدتها الكلمات وحطت إيدها علي بقها وشهقت بعلو صوتها، يانهار إسووح! إيه دة؟ دة فيه يجي عشر خيالات في الأوضه! أنا خايفه يافهد، بنت عمي فيها حاجه غلط من ساعة ماتفرجنا عالڤيديوهات الزفت دي، لازم نتصرف عشان ترجع كويسه..
فهد ••ماهو اللي إنتي بتعمليه غلط صراحه، انا مش راضي علي موضوع السفر دة بتاتاا، بنفس اللحظه هما الإتنين ودانهم صفرت وكان حد فتح إذاعة راديو بتصدر صفير فقط، وصرخو الإتنين في نفس الوقت، اااه وداني مش قادر، أنزلي انزلي بسرعه
نوتيلا ••حاضر، حاضر، وجريو هما الاتنين علي فوق من شدة الصوت اللي كاد يخرم ودانهم ووصلو للشقه فوق..
دقات الباب جعلت دلال تجري علي الباب عشان تفتحه،
دلال ••ايه فيه ايه مالكم ياولاد؟ اهدو شويه وادخلو..
نوتيلا••انتي ماسمعتيش الصوت اللي سمعناه من شويه؟
دلال ••لأ ماسمعناش حاجه، فيه ايه صوت ايه؟
فهد ونوتيلا بصو لبعض وإستغربو،
نوتيلا ••هي طبريه فين؟
دلال••في اوضتها، ليه؟
فهد •• نوتيلا تعالي نتكلم شويه جوة في البلكونه، بعد اذنك ياطنط
دلال••ماشي يابني وأنا هخش انادي طنتك خيال تقعد معاكم، وأشوف المزغوده بنتي دي بتعمل ايه، يلا اجهزلكم الغداء ولا هتشربوا حاجه؟
نوتيلا ••لأ هاتي مشروب ياطنط وتعالي عشان إحنا عاوزينك في حوار كدة،
دلال ••حاضر يابنتي هخلص العصير وأجيلكم وهندهلك مامتك.
سابتهم ودخلت تجهز العصير بعد ماندهت علي خيال اللي لحقتهم في البلكونه، وزي مايكون فهد كان مستنيها بعد ما يتكلم في السفر عشان ترفض،  بدأو الكلام معاها،
فهد••أنا مش موافق بصراحه ياطنط، إلا إذاا !
خيال ••إلا إذا ايه يابني؟ هوا ماينفعش اصلااا بدون سفر راجل معاهم، هنجيب مين؟ إنت هتسيب شغلك ودنيتك وتروح معاهم؟ وشغل ايه دة أصلااا؟
طبريه تخطو ناحية البلكونه وهيا بتتكلم من جوة
طبريه ••ياخالتو فهد دة بيهزر ولا بيستهبل مش عارفه، الموضوع فيه عشرتلاف جنيه او أكتر مكسب ليا انا وبنتك، هنكسبهم واحنا حاطين رجل علي رجل، إيه يعني سفريه هنقضيها ونرجع بس؟ عشان ترجع وهيا مطمنه ومافيش حاجه توقف جوازهم اللي إتأخر بقي،  ولا إنتو عاجبكو تفضلو طالعين داخلين كده والناس بتتكلم؟
فهد ••بنرفزة، ماتتكلمي عدل ياستي؟ بيتكلمو علي مين؟ هوا احنا بنخرج اصلاا؟
دلال••جت من الداخل بالعصير، يعنى بالعقل كدة هما هيتكلمو عالطلوع والدخول ومش هيتكلمو علي السفر والبيات؟
طبريه ••برقت لمامتها تبريقه غريبه  من نوعها علي طباعها ، مامااا؟ إسكتي من فضلك..
دلال••أسكت ايه الله يخربيت اليوتيوب اللي لحس عقلكم! إنتو خلاص بقي عادي عندكو اي حاجه؟؟
نوتيلا ••ياخالتو الله يهديكي ماهوا هيسافرمعانا ياخالتو،
خيال ••أنا مش هوافق إلا لو كان هوا يسافر معاكم وانا كمان علي فكرة!
نوتيلا ••يوووة؟ هوا احنا راحين نتفسح؟
ومرة واحده أثناء حديثهم تاني النور قطع وفي نفس الوقت الجرس بيرن، كل اللي موجودين إندهشو.
إزاي النور قطع وإزاي الجرس بيرن ياجماعه؟
طبريه ••خشي يانوتيلا هاتي شمع وكبريت من جوة وشوفي ايه حكايه الجرس دة.
نوتيلا ••أنا؟وانا ليه ياختي ماتروحي انتي!
فهد ••ولا إنتي ولا هيا هشوف انا،
قاطعته نوتيلا بلهفه،
نوتيلا ••إءء خلاص انا هاجي معاك عشان اقولك الحاجه فين ونشوف الباب ازاي بيعمل كدة،
فهد ••تعالي،
وبدأو التلاته التانيين بما  فيهم امها خيال يقسمو عليهم بالكلام،
إوعو تقفو في الضلمه كتير، خلي بالك ياواد لاتخوفك بخيالها، وقعدو يضحكو ودخلو الاتنين لجوه وبدأو يهمسو لبعض،
فهد ••نوتيلا؟ بيتكم فيه إحساس غريب محسيتوش قبل كدة المرادي، فيه حاجه مش تمام.
نوتيلا ••خلاص يبقي نسافر  ياروح نوتيلا لأن كدة غلط عليا انا وانت، ولازم تبقي معايا صح؟ وبدات تقرب منه لحد ماقتربت جداا
فهد ••أنا مش هعرف اسيبك لواحدك اصلااا طلاما انتي مصممه تروحي الشغل المفاجئ اللي هناك بس ممكن اعرف هوا ايه الشغل دة؟
نوتيلا ••لما نروح هنعرف،
فهد ••لأ أعرف دلوقتي،
نوتيلا ••يووه؟ فيديو عن مكان لسه مانعرفوش، لما نروح هنوصله
فهد ••بصوت خافت طب مابراحه عليا طه! هوا انا عشان بقول حاضر؟؟ وفجأه إنطفت الشمعه اللي كانو مشعلينها بعد مادخلو عشان ينورو بقيت البيت بالشموع وراحت راميه نفسها في حضنه من خوفها وكأنها بتحتمي في حضنه وخصره.
نوتيلا ••دقات قلبها متزايدة، فهد أنا خايفه قووي، إنت حاسس باللي أنا حاسه بيه؟
فهد ••إثبتي ووطي صوتك لحد ماحاول اولع شمع هااه؟
نوتيلا••بسرعه عشان انا بجد حاسه بحاجه مريبه، وهيا فحضنه بيحاول يلمس الرخامه في المطبخ عشان يلاقي اي شمع او ولاعه لكنه مش عارف يدور وهيا مش راضيه تبعد
فهد ••إوعي بس ثانيه كدة، هولع حاجه.
نوتيلا ••يافهد أنا حاسه بنفس بيشيل ويحط في ضهري والله، انا عاوزة اطلع من المطبخ طلعنا بسرعه..
فهد ••طب إوعي بس هولع ازاي انا مش طايل، وفضل يقرب للحائط اللي وراها وهيا متمسكه في رقبته لحد ماطال الرخام وبدأ يقرب عشان يمسك الكبريت وحس نفس إحساسها،، نفس متسارع مقابل لوجهه وبدأ يضطرب ودقات قلبه زادت وقدر خوفها وولع بسرعه عود كبريت لتتلاشي الأنفاس اللي وراهم لدخان ريحته غريبه ولونه أبيض..
وبدأ يولع الشمع ويبعدها عنه رويداا بحنان، في لحظه أقرب للرومانسيه في الظلام مع ضوء الشمعه،كل ملامح وجهها البرئ اللي بيحب كل تفصيله فيه بدأت تحلو في عينيه تلك الملامح ووتراقص لئلئات عيونها في الضوء الخافت خلته يشعر بغمرة شديده من الحب تجاهها لولا انه تماسك نفسه من أي تصرف طاائش..
فهد ••بص في وشها، لسه خايفه!
نوتيلا ••لأ، وانت جنبي مش بخاف وبالذات وانت غامرني بإحتواءك وحنانك  كدة، سكتت ثم قالت له، عشان خاطري يافهد، وافق عالسفر، أنا محتاجه اكون جنبك الفترة دي خصوصاا بعد قرب جوازنا يعني.
فهد ••والله طلاما مامتك وافقت في سبيل انه شغل يبقي أنا هوقف شغلي أسبوعين تلاته لحد مانخلص من الڤيديو دة وتنفيذه، بس إسمعي؟ أكتر من كدة مش هتحمل هااه؟
نوتيلا ••ياروحي؟ بحبك وبموت فيك، تعالي يلانشوف الجرس ماله كدة
وطلعو لبرة عشان يظبطو الجرس، وبيفتحو الباب والجرس بيرن لكن مافيش حد واقف اصلااا، والدق عليه شغال وكأن حد قدامه بيدق عليه،
فهد••هوا فيه ايه؟ بيتكو ماله النهاردة؟
نوتيلا ••والله انا منا فاهمه فيه ايه، إستني ادخل اجيب نور اقوي عشان نشوف فيه ايه!
فهد••بقولك إيه؟ الموبايل بتاعي هاتيه كده وإفتحي عليه القران عشان انا بحب أس،... فجأه، النور جه ودق الباب بطل،
نوتيلا••هيييه، النور جه، النور جه.
فهد ••خير كويس، تعالي ندخل البلكونه نشوفهم وصلو لإيه في الموضوع..
إتوجهو للبلكون عشان يكملو الحديث في الحوار دة
خيال••يعني انتي رأيك كدة ياطوبي؟
طبريه ••لأياخالتو هللي وزعقي ومتوافقيش وضيعي علينا الشغلانه، إشطه ماهو مال سايب اصلي!
خيال ••خلاص يام لسانين يالمضه بقي، هوافق وربنا يستر ولوني مش عاوزة.
دلال••بصي لو انتي خايفه عليهم انا عندي فكره هتفرحك وتفرحنا بردة، البت مروة بنت خالك اهي من هناك وتتمني اننا نروحلها، تعالي نكلمها تيجي ويسافرو كلهم مع بعض عالأقل يقعدو عندها هناك ونبقي مش قلقانين..
#يتتتبع........