لاتقترب... بقلم إيمان صالح (مكتملة)

الجزء السابع

#لاتقترب
#الجزء_السابع
إبنك رجع من مصر  أحول يامروة الحقي!
كل كلماتهم بضحكات ولمه جميله كلها مزاح وتسليه..
بعد الفطور نزلو كلهم ماعدا مروة وإبنها اللي ساب طبريه بالعافيه نزلت، وإتجمعوا هما التلاته في العربيه..
فهد••هاه يابنات؟ وجهتكم الاول فين؟ انا من ايدكم دي لإيدكم دي،
نوتيلا••انتي شوفتي الڤيديوهات تاني قبل ماننزل ياطوبي ولا هنروح نلف علي عنوان غلط؟
طبريه ••أيوة يابنتي شفتها ستاشر شارع بورسعيد الإبراهيميه، وفيه مبني بس مش عارفه بقي مكتوب عليه أجزخانه ولا حانه مش فاهمه، الحروف كانت ممسوحه نصها..
فهد ••تمام، جميل جميل، يبقي احنا كده وجهتنا علي الإبراهيميه دي وندور عالشارع والإسم بقي تمام؟
نوتيلا ••صح كده بس يااارب يكون المكان زي ماهوا مافيش تغيراات،♕♕♕
أما في مصر، في بيت خيال ودلال اللتان جالسات بمفردهما!
البيت فضي عليهم وحاسين بوحده وفراغ؛ وبدأو يتسايرو في مواضيع مهمه وكأنها لغز بينهم،
دلال••مش كنا رحنا معاهم بدل الحر والخنقه اللي احنا فيها دي؟ عجبك قعدتنا كدة زي الولايا؟ حتي قولتلك تعالي نجيب حد بتاع صيانة شبكة تكييفات يصلحلنا شبكات التبريد البايظه دي! وانتي تقوليلي أبدااا! مانخشش الجزء دة تاني بوتيتاااً بوتيتاا  !! صاحبة مبدأ انتي اصلك  !
خيال ••الله؟؟ هوا انتي عوزاني ادخل الجزء ده برجليا تاني ياختي؟ لأ وكمان معايا راجل؟نو سترووو أمبوزيبل، روحي انتي وإفتحي الناحيه الخلفيه للبيت، وهاتي بتوع التكييف، وهاتي البنايين لو عاوزة بس انا لااا، لا يمكن اخش ابداا..
دلال ••وأنا مالي ياختي؟ انا بخاف من خيالي اصلاا، دحنا ماصدقنا الموضوع القديم دة إتردم عليه سنين ومات خلاص،
خيال ••ياخوفي يابنتي احسن يتفتح تاني ووقتها مش هنعرف نعمل أي حاجة المرادي وهتنتهي بخسارة حد فينا.
دلال•• مافيش خسارة ولا هنخسر حد، ياختي انتي بتقولي اي كلام وخلاص،أنا هقوم اعمل شاي، وسابتها ووقفت في المطبخ وكأنها بتهرب من الكلام ووقفت تعمل كوبايتين شاي وهيا بتفتكر وكأن الاحداث صدا صوتها بيتكرر في ودانها،
إنجديني يادلال أرجوكي، إعملي أي حاجة علشان أبعد عن اللي انا فيه، صدا الصوت بيتكرر في ودانها وهيا شارده وفوران الميه هيا بتغلي وأديها كانت هتتحرق وخيال بتنادي عليها
خيال ••دلال؟؟ يادلال؟؟ إنتي ياوليه؟ يادي النيله؟
دلال••يوة ايه فيه ايه ياوليه؟ خضتيني!
خيال ••طب تعالي ياختي أتخضي بجد! خبطت كف علي كف
دلال ••فيه ايه ياوش الخير؟
خيال ••الناحية التانيه، فيها صوت خربطه ورحت ابص لقيت الجدار العازل اللي معمول وكأنه مفتوح،
دلال••رمت برطمان السكر من ايدها، يانهار سوااد؟؟ فيه ايه ايه اللي فتحه!
خيال ••مش عارفه، منا بناديلك عشان كده، انتي عارفه اني يستحيل اهوب هناك لوحدي من العهد القديم،
دلال ••يادي المصيبه!انتي فاهمه بتخرفي فإيه! دة لو اتفتح تاني تبقي مصيبه!!
خيال ••استر يارب،أنا خايفه يادلال.
دلال•• تعالي بس نشوف فيه ايه،
وراحو هما الاتنين عشان يشوفو فيه ايه  في الجنب اللي خايفين منه، مبني معزول عن المنزل لكنه ملحق به ومفصول عنه الواح صاج وكأنه مرمي فيه كراكيب ونفايات صاج كتير، وكأن اللوح الصاج مفكوك عنه المسامير والبراغي اللي مربوط بيها في جزء علوي منه،
خيال ••يالهوي يالهوي، برعب يادي النيله عليا وعلي دماغي،
دلال ••ياحزن الحزن بجد، قولي انك انتي اللي فكتيه!
خيال ••لأ مش انا وحياة بنتي منا، بكت.
دلال ••رجعت خطوتين للخلف، طب يلا بينا يلا، يلا وانا هشوف حد يقفلها.
وطلعو يجرو هما الاتنين علي الناحيه التانيه من البيت ولم تكن تلك الإنتكاسه للمبني بشئ سهل ابدااا،
في الإسكندريه،
بيبحثو عن العنوان اللي في الڤيديو وزي التايهين تمام،
طبريه••يعني احنا نروح فين تاني؟ المكان مش موجود دلوقتي، لفينا الإبراهيميه دي من شرقها لغربها، هنروح فين تاني!
فهد••مش عارف بقي صراحه، نعمل ايه ونروح فين! انا زهقت مافيش قدامنا غير اننا ندور علي شيخ الحارة ونزوره وهوا يدلنا علي العنوان،
نوتيلا••صح كدة تسلم دماغك والله، يلا بينا عليش شيخ الحارة ده بس هنوصله ازاي طيب؟
طبريه••اللي يسأل مايتوهش يافلحوسه يلا بينا نسأل، وفضلو يلفوا ويدورو عليه ساعات طويله وفي آخر اليوم وصلو اخيرااا لبيته،
في بيت شيخ الحارة،اللي اسمه عم رفعت بداو يسألو وبدأ يرد عليهم بكل سلاسه،
عم رفعت••يابنتي الإبراهيميه دي وإسكندريه كلها معالمها اتغيرت كذا مرة، فيها احياء ماحدش عرف يغيرها، وفيها احياء زي ما هيا، ومن الاحياء القديمه اللي إتغيرت حينا دة،
طبريه••يعني ياعم رفعت احنا عاوزينها كدة ايام الخمسينات، الاربعينات، في الحقبه الزمنيه دي، لو ابعد من كده يبقي زي الفل،
رفعت••الوصف اللي انتو بتوصفوه دة فعلاا ايام الخمسينات والاربعينات مش قبل كده، قبل مايتعمل خط الترماي دة ويشقها نصين، أيام ماكانت من هنا خمارات وهنا بارات رقص، بس الكلام ده كله في الإبراهيميه القديمه بقي يعني مش هنا خاالص! دة حي تاني دلوقتي، وفيه مباني اغلبها مهجوره، الا!! انتو عاوزينها القديمه ليه لامؤاخذه؟ بصو لبعض بعد ماسمعو كلمة مباني قديمه ومهجوره وكانهم لقو لقيه، لكن نوتيلا قاطعت سؤاله بلؤم،
نوتيلا••إء معلش ياعم رفعت، ممعكش خريطه الإبراهيميه القديمه دي؟
رفعت••لأ، بس انتي اكتبي علي الجوجل دة بيظهرلك كل حاجه بس اكتبي علي البحث انك عاوزة القديمه عشان مايجبش الحديثه، ماشي؟
طبريه ••ماشي ياعم رفعت ألف شكر، وطلعت متين جنيه مطبقين عطيتهومله وهيا بتقوله، لو عوزنا حاجه هنجيلك جري هااه!
وطلعو كلهم يجروا ورا بعض وهما مبسوطين باللي وصلوله
ودخلو قوام علي جوجل وبتوضيحات الخرايط وصلو بالظبط للمكان اللي عاوزينه،
فهد ••اظن انتو كده عرفتو انتو عاوزين ايه مش كدة!؟ عرفتو المكان وهنستقر في التدوير فيه!
نوتيلا••لفت لفهد، دة في مستشفي مجانين كبييرة قوي جنب المبني، وده مكنش باين في الڤيديو، ياتري احنا كده في مكان صح! ولا إتسوحنا؟
طبريه ••طيب حلو قووي، بس نوصل للمكان دة بقي فين دلوقتي وكل اللغز هيتفك،
نوتيلا••المكان مش عالخريطه الحديثه ماتنسوش دة!
طبريه ••خلاص، يبقي احنا نرجع لرفعت دة تاني وهوا يفيدنا تمام؟
فهد ••ماشي يابنات نرجعله بس افرضو سال إنتو عاوزين المكان دة ليه هتقولو ايه!!
نوتيلا••اااء، نقوله لينا ارض ورثه فيها ومش عارفين نوصلها، وخلاص،
طبريه••فكره حلوه مش بطاله، بس ماحدش يجيب سيرة الحقيقه قدام مروة، إنتو عارفين انها مجنونه ومخها لاسع وممكن تكرشنا! 
نوتيلا ••تمام انتي كمان، وابعدي حبة عن اسر عشان انتي عرفاها بتغير عليه خلي بالك،
طبريه ••بصتلها بغضب، ونا عملت إيه غلط يعني؟ الولد بيحبني!؟ الله!؟ وسابتها ومشيت في طريقها لاوضتها،
نوتيلا ••إيه الهبله دي! أوڤر قووي قووي،
فهد ••سيبك منها وتعالي يلا ندخل جوا عشان قدامنا بكرة يوم شاق وطويل،
نوتيلا ••فهد يابيبي! إحنا جوة زي امبارح مجرد اخت وأختها!
فهد••ههههههه، مش قادر منك لله، ههههه، مش اتكلمنا في الموضوع دة قبل كده! ماتخافيش ياستو انا، انا اختك وروحك وقلبك كمان لحد ماتبقي فبيتي رسمي، بس بلاش تخونيني كل شويه بقي ممكن!
نوتيلا ••ياقلبي! مسكت خدوده في ايدها، حاضر يابطتي انتا، وأخدت راسه مابين حضنها،
فهد ••بصلها في عنيها، وعاوزاني ابقي زي اختك؟ بطتك وحضن؟منك لله، اوعي يابت!؟  اوعي كدة وانتي كيكه متجوله!
نوتيلا••ههههههه، ماشي يابطتي، ودخلو عالاوضه اللي فيها السريرين من يوم الامس،لكن كان طقس الغرفه غريب،برد وكانهم داخلين القطب الجنوبي وهما في عز الصيف،بدأ فهد ونوتيلا يستغربوا، 
فهد ••هيا الاوضه متلجه كدة ليه! فيه ايه!
نوتيلا••ولاوننا في الصيف وكده مطلوب بس لأ دة ساقعه قوي،
فهد ••حلو حلو، يلا عشان انا تعبان قووي، يلا ننام وادينا معانا غطيان، ونامو كل واحد منهم في سريره ونامت نوتيلا مستمتعه بالفراش،
بعد حوالي ساعه من نومهم، في نفس الميعاد السابق بالليله السابقه، نوتيلا قامت من جديد، علي صوت غريب كالعادة بس المرادي مش جاي من المطبخ، المرادي جاي من قلب الصاله، بس مش صاله عند مروة لأ دي صالة بيتهم هناك، عند الفتح اللي اتفتح جديد في الجزء التاني من البيت، الجزء المعزول أمها ومرات عمها واقفين في جنب متلجين وكأنهم متربطين اماكنهم وواقفين باصين علي حاجه، نوتيلا بصتلهم وقالت،
نوتيلا••ماما! طنط دلال، مالكم واقفين كدة ليه؟
خيال ودلال وكأنهم صم بكم، ولا سامعينها ولابيردو عليها وفجاه طلع من الجزء الصاج المفكوك كائن مش معروف هوا ايه كينونته، فتح الصاج وجاب برد جامد وكأن المكيف اللي كانو عاوزين يصلحوه بيسقع المكان دة بس  ، الكائن الغريب دخل من الصاله علي الاوضه اللي فيها نوتيلا هيا وفهد،والبرودة بتزيد ودخلت نوتيلا وراه علي الأوضه وشايفه قدامها الكائن وكأنه بيمص روح فهد او بيشفطها وبتدخل جواه وفهد ساكن دون حراك ومش بيقوم من مكانه وبسرعه بتقرب عليه نوتيلاوبتبدأ تهزه وتصحيه،
نوتيلا••بتهز فهد بكل قوتها وكأنه لوح تلج في اديها وبتنادي وبقوة، فهد، ياافااهد ياافاااهد، وفجأه فهد اخد نفسه كأنه كان غايب عن الوعي ولقط نفسه مرة واحده، وبدأ يطلب منها ميه.
فهد••حاااه،، بق ميه،، الحقيني بكباية ميه قواام، نفسه بيشيل ويحط.
نوتيلا••بربكه، حاضر حاضر، صبت كوب ميه ساقع من برودة المكان، حبيبي! انت كويس!!
فهد••بيتلفت حواليه، لأمش كويس، انا شفت حاجه في الاوضه دي، حاجه كانت قاعده علي نفسي،  كأنها أخدت روحي انا وآسر، شفت مامتك وخالتك ام طبريه هناك في حاله مريبه، ولا تعرفي هما كويسين ولا لأ،
نوتيلا ••هتصدقني لو قولتلك اني شفت كل اللي انت بتقوله دة في الحقيقه! وفجأه دخل عليهم الكيان الغامض الغير معلوم كينونته هوا وطبريه وطبريه قعدت تبرطم بكلام غيرمفهوم وشاورت للكائن والكائن بضافر إيده وكأنها سيف بتر رقبتهم الاتنين عن جسمهم وطبريه واقفه بتضحك، وفي نفس الميعاد السابق في اليوم اللي فات، مروة وطبريه وفهد ملمومين علي سرير نوتيلا وبيفوقوها من الكابوس،
نوتيلا بتصحي بسحبه نفس وكأنها كانت في عالم آخر وكلهم حواليها وبدأت تستيقظ..
نوتيلا ••كابوس، كه، كابووس فظيع عاوزة هوا، الاوضه تلج دفووني،  
يتتتبع....