𝒏𝒆𝒗𝒆𝒓 𝒔𝒕𝒐𝒑 [𝒈𝒂𝒚].

قدر.[٣]

vote+comment?

[+18]

الألفاظ⚠️.

..

عثمان.

"ويعني؟ إذا أنت معروف عند الكل مش ضروري تكون معروف عندي"

"بس انا هسا صرت معروف عندك ويلا حل عني لأني مش فاضي" حاول يرجع السماعة بس انا اخذتها منه بالكامل ونظراته ارتفعت لي باستفسار.

"قلت لك مش اشي كويس انك تبقى بهالمكان، تعال نطلع مع بعض" تخصر قدامي شوي ويصير رداح علي.

"وليش مش كويس؟ إذا قلت لي بطلع معك" مسكت بيده وضغطت عليها وانا اناظر بعيونه وانفض افكاري الي تخليني اشوفه حلو "يسووا اشياء عيب للمستجدين الموجودين"

لاحظته يحاول يضحك بس حبس ضحكته وكأنه يعرف عن ايش انا اتكلم بالضبط"اشياء عيب؟ اعترف انك تخاف علي"

"اقطع الشر وتعال معي برا وبس" فك يده من يدي وهو يمسحها بقميصه والي فهمته انه متقرف "طيب مش لازم تسحبني"

مشيت مع انتباهي له يمشي وراي، ليش قلبي قاعد يعتصر من شكله؟ وليش ملامحه بريئة ونظراته لطيفة؟ "يا عم بتوصل المريخ وانت ماشي بسرعة استنى شوي"

قال عني عم؟ هذا شايفني بالسبعينيات؟ وقفت بمكاني والتفت له "اسمي عثمان لا تناديني عم مرة ثانية، كل الي بيننا ثلاث ولا اربع سنوات مش اكثر"

"الفرق مش قليل زي ما انت متوقع ولازم احترمك" كنت بتكلم الا لما سمعت صوت اخوي وعرفته من إزعاجه الزايد.

"صارلي سنة بستناك، وآخر اشي بلاقيك مع أثيل؟" صرت زي اللوح بينهم وهم يسلموا على بعض طلع اخوي يعرفه وهو لسا بالسنة الأولى وانا عمري ما شفته وهم يقولوا انه كان موجود معنا.

"خلصوا مواضيعكم وسند تعال للسيارة"

"عثمان خلي اثيل يجي معنا بالسيارة المواصلات صعبة عليه" بقيت ماشي للسيارة بدون ما اجاوبه لأني ليش برفض وجوده؟ في اشي يمنعني عن الرفض.

ركبت السيارة وفتحت الشباك عشان انتبه لهم لسا يسولفوا ايش الي مخليهم يركزوا بمواضيعهم كثير؟" سند!"

انتبه لي اخيرا وقرر يجي هو وصاحبه والاثنين ركبوا ورا شايفيني سواق؟"لا تزعجوني بمواضيعكم كثير لأني مصدع من المحاضرات"

طول الطريق اناظره من المراية الأمامية صرت انعجق من نظراته وهو مركز علي كثير وبالنسبة لسند؟ نايم زي البغل.