اللعنات العشر (الجزء الثاني من مغامرات إلى عالم الأساطير) قيد التعديل اللغوي

الواحد والعشرون "اللعنة الثامنة"

جلست خارج غرفة العمليات بخوف ودموعها لم تتوقف عن التساقط

آدم: اهدي يا إسراء إن شاء الله يكون كويس
إسراء ببكاء: أنا السبب يا آدم لو جراله حاجة مش هسامح نفسى
آدم وهو يهدأها: يا حبيبتى إهدي مينفعش كدا

فى نفس المستشفى كان أدهم وسما يزوران ابنتيهما وبعدها سيذهبان لرؤية الطبيب
تفاجأ أدهم بوجود إسراء أمامه

أدهم بصدمة: إسراء؟ إنتى بتعملي ايه هنا
آدم: أدهم! إزيك عامل إيه
أدهم: بخير الحمد لله بس برضو بتعملوا إيه هنا؟
آدم: مروان فى العمليات
أدهم: ليه حصل إيه
آدم: اتخانق هو وإسراء واللعنة بتاعتها كانت خارجة عن السيطرة ف...
إسراء ببكاء: قتل_ته يا أدهم
آدم: يا بنتى اسكتى ... هو دلوقتى فى العمليات هي ضربته بالفازة على راسه بس ان شاء الله يكون كويس
أدهم: يا الله ان شاء الله متخافيش يا إسراء
آدم: وأنت بتعمل إيه هنا؟
أدهم: جاي أشوف هنا
*عندما ذكر اسم هنا دق قلب آدم آلما وشوقا لزوجته وتجمعت الدموع فى عينيه *
أدهم وهو يرى حالته: أنا آسف يا آدم
آدم وهو يمسح عينيه: لا ولا يهمك ممكن بس تفضل مع إسراء شوية عايز أروح أطمن عليها أنا كمان
أدهم بإبتسامة: تمام بس متتأخرش

تركهم آدم وذهب لرؤية هنا الصغيرة
جلس أدهم بجانب شقيقته واحتضنها وهي تبكى ليطمئنها
قرر أن يُخفي عنهم أمر مرضه فالأوضاع ليست مستقرة

انتظروا بعضا من الوقت حتى خرج الطبيب
همت إسراء بالوقوف وسارعت لتسأل الطبيب: طمني يا دكتور
الطبيب: الحمد لله احنا خيطناله الجرح ووقفنا النزيف هو بس فى ارتجاج بسيط فى المخ فهيفضل تحت المراقبة لحد ما حالته تستقر
إسراء: إرتجاج! يعنى فى خطر عليه؟
الطبيب: متقلقيش الارتجاج بسيط وان شاء الله يكون بخير
أدهم: خلاص يا إسراء الحمد لله إنها جت على أد كدا
إسراء: الكتاب مش هيسكت يا أدهم أنا مش فاهمة هو ليه بيعمل كدا إيه اللي غيره ليه بعد كل اللي عمله معانا جاي دلوقتى يبوظ كل حاجه ليه عملناله ايه
أدهم: أكيد كل دا هييجي فى يوم وينتهي
إسراء: بتمنى أغمض عينى وأفتحها يطلع كل دا كابوس
وأرجع لحياتى الطبيعية تاني

*فى اليابان*

آسيا برجاء: سيبنى أدخله أرجوك
الطبيب: أعتذر منكِ ولكن حتى تستقر حالته لا يمكنكِ
هذا
جين: أرجوك دعها قليلا هذا زوجها وأيضا السيدة آسيا ساعدتك كثرا فيما مضى والأن ألا يجب أن ترد هذا
الطبيب: أعلم هذا ولكن فعلت بعدم إخبار الشرطة وإخفاء الأمر حتى الأن أنا أتحمل كافة المسؤولية وإذا علم أحد سأكون فى ورطة
آسيا: لن أتأخر أرجوك
الطبيب بقلة حيلة: حسنا ولكن أرجوكِ عشر دقائق فقط

دخلت آسيا لترى رعد فوجدته نائما على السرير ومتصل إلى إحدى أوردته كيس د*ماء وتجلس بجانبه ممرضة تبدله كلما انتهى بواحد آخر
عندما رأتها الممرضه نهضت وخرجت لتتركها معه