*فى قسم الشرطة*
سيف عبر الهاتف: يا حسناء مكناش هناك افهمينى
حسناء: أنا قلقت عليك أوي يا سيف وكمان مش هناك إزاي والحارس قال إنكم جوة
سيف: طب بصى عدي عليا وهخدك ونتغدى برة وهحكيلك كل حاجه بس متزعليش نفسك
حسناء: ولسه جاي تفتكر بعد تلت أيام
سيف: حقك عليا والله بس الموضوع كل مدى وبيبقى أصعب إعذرينى
حسناء: خلاص ماشى هشوف ماما وهرد عليك
سيف: تمام مستنيكى ... سلام
ما إن انتهى حتى سمع شجار بالخارج وقبل أن ينهض ليرى ماذا يحدث فُتح الباب ودخل العسكري وهو يؤدي التحية العسكرية
سيف بإنزعاج: ايه يا ابنى الصوت اللى برة دا؟
العسكري: حالة سرقة جديدة يا فندم
سيف بحزن: أدهم محمد برضو
العسكري: أيوة يا فندم
سيف: طب دخلى الراجل اللى اتسـرق وخلي أدهم معاك
خرج العسكري وأدخل صاحب المسـروقات
تحدث سيف معه وشرح له الوضع على أن أدهم صديقه ومصاب بمرض السر*قة وأعتذر له كثيرا بعد أن أعاد له ما تمت سـرقته من مجوهرات
أمر سيف العسكري بإدخال أدهم بعد مغادرة صاحب المسـروقات
سيف: تعالى يا أدهم اقعد
أدهم بحزن: أنا شغلى واسمي بيضيعوا أنا مش عارف أعمل ايه
سيف: كنت بتشتغل برضو
أدهم: أيوة والراجل مستأمنى مش عارف ايه اللى بيحصل عقلى بيقف وتفكيرى بيتشل مبفوقش غير والراجل بيتخانق معايا ودهب مراته فى إيدى
سيف: أنا كنت فاكر الموضوع بسيط بس دى حاجة مش قليلة خالص
أدهم: أنا مش عارف أعمل ايه
سيف: دي تالت مرة يا أدهم من ساعة ما الموضوع بدأ... بص من وجهة نظري إنك تقعد من الشغل الفترة دى علشان لو كملت كدا أعتقد هتخسر زباين كتير
أدهم: هو أنا لسه مخسرتش يا سيف
سيف: ننقذ ما يمكن إنقاذه
أدهم: مش هقدر يا سيف متطلبات البيت محتاجة فلوس وكمان بعد العملية اللى عملتها مفيش فلوس فى البيت يعنى الاعتماد كله على شغلى دلوقتى
سيف: لو محتاج أنا ممكن...
أدهم بمقاطعة: شكرا يا سيف بس أنا محتاج أشتغل مش هقبل إن أمد إيدي لحد
سيف: أنا هتغاضى عن اللى قولته دا دلوقتى وهعديها بس أنا كنت هجيبلك شغل
أدهم: شغل؟
سيف: أيوة بس يلا بقى أنت اللى مش عايز
أدهم بسرعة: لا لا أكيد عايز بس شغل ايه؟
سيف: عندى فى القصر عايز أغير شوية حاجات علشان لما أتجوز
أدهم: من عينيا الاتنين شوف التصاميم والديكورات اللى تعجبك ونفذها ان شاء الله .. بس .. اللعنة بتاعتى
سيف: متشغلش بالك لو سر*قت حاجة هحـبسك يومين وخلاص *ضحك بصوت عالٍ عندما رأى الصدمة على وجه أدهم * يا عم بهزر معاك أكيد لو حصل هبقى عارف ومتفهم كمان متقلقش
أدهم: أنا مش عارف أقولك ايه بجد
سيف: ولا يهمك احنا صحاب
*بعد أسبوع*
مروان بغضب: ملكيش دعوة إنتى تعملى اللى أقولك عليه وبس إنتى فاهمة
إسراء بنفس الغضب: أنت ملكش تقولى أعمل ايه ومعملش إيه ولما أسألك تجاوبنى أنا مش هشحت منك الكلام
حسناء بتوتر: يا جماعة إهدوا حصل إيه بس يا ربى
الاثنين فى وقت واحد: ملكيش دعوة إنتى
أنت تقرأ
اللعنات العشر (الجزء الثاني من مغامرات إلى عالم الأساطير) قيد التعديل اللغوي
Fantasyيعود الكتاب بمغامرات جديدة ولكن هل سيكون تأثيره مثل ما حدث سابقا أم أن عودته ستقلب كل شئ رأسا على عقب
