اللعنات العشر (الجزء الثاني من مغامرات إلى عالم الأساطير) قيد التعديل اللغوي

الخامس والعشرون

*الدب القطبى*

تعيش الدببة القطبية في القطب الشمالي وما حوله، إذ يوجد الدب القطبي في خمس دول وهي؛ الولايات المتحدة (ألاسكا)، وكندا، وشمال روسيا، وجرينلاند، والنرويج (سفالبارد)، وتعتمد حياة الدببة القطبية على الجليد البحري للصيد والتكاثر، إذ يعدّ البحر مصدرغذائها الرئيسي، والمكان الذي تقضي فيه معظم حياتها.ولكن مع انحسار الجليد البحري بعيدًا عن الساحل، تضطر الدببة القطبية إلى التنقل للوصول إلى مصادر الغذاء الحيوية.

ركضوا ثلاثتهم حتى وصلوا إلى كهف واختبئوا فيه
آدم وهو مازال يركض: بتبيعونى مع أول موقف يا أندااال

دخل آدم الكهف وبدأ يبحث عنهم فأشار له سليم من خلف الصخرة فذهب مسرعا واختبأ معهم وهو يلتقط أنفاسه
دخل الدب خلفهم وهو يبحث عنهم
وقف على قدميه الخلفيتين وصرخ عاليا ثم نزل على أقدامه الأربعة مرة أخرى وأكمل سيره
كانوا يراقبونه حتى وجدوه يدخل فى فتحة فى إحدى جدران الكهف ثم أخرج ثلاث دببة صغار وجلس محاوطا لهم
نظرت آسيا إليهم ثم قالت بهمس: دى أنثى
دعاء: هى هتفرق يعنى لو كان ذكر مكنش هياكلنا
آدم: مش مهم المهم هنخرج من هنا إزاي
آسيا: الأفضل إننا نفضل هنا علشان الجو برة برد أوي
سليم: لو خرجنا برة هنـموت من البرد ولو فضلنا هنا ممكن نتاكل
دعاء: مليش دعوة اتصرفوا خرجونى من هنا

*خارج الكتاب*

سيف بغضب: إزاي تسيبوه يمشى
مروان: مشوفتوش ملامحه أو أي شئ يدلنا عليه
الحارس: بعتذر بس ملامحه مكنتش ظاهره وهو مشي على طول
سيف: إمشي من وشي دلوقتى
مروان: إهدى طيب
إسراء: طب افتح الرسالة شوف فيها إيه
فتح سيف الرسالة وقرأ التالى: إذا أردتم معرفة ما لدي من معلومات حول الكتاب فليجتمع كل من ذكر الكتاب أسمائهم ولتأتوا إلى هذا العنوان  ... ولكن جميعكم غير هذا لن تجدونى
مروان: هو بيلعب معانا هو كمان ولا ايه
إسراء: خلاص محلولة بعد ما المغامرة تخلص هنروحله
سيف: مش هينفع رعد مش هنا
مروان: يبقى لازم نستنى إنه يفوق ويرجع
سيف بغضب: ولو مفقش هنفضل فى دوامة اللعنات دى لحد إمتى  وكمان هو مش شايف اللي بيحصلنا ليه يحط شرط زي دا
مروان: ما تهدى يا ابنى فى ايه ما اللى صابك صايبنا كلنا
سيف: متقارنش نفسك بينا انتوا الاتنين أصلا أول ناس تعرف الكتاب ومش بعيد تكونوا متفقين معاه وليكم يد فى كل اللى بيحصل
مروان: أنت اتجننت متفقين معاه إزاي إحنا اتأذينا زيكم ويمكن أكتر منكم كمان
سيف: مش يمكن كل دا حصل علشان تداروا شراكتكم
مروان: اعقل كلامك يا سيف متخلينيش أغلط فيك
سيف: حاول تعملها وبتليفون صغير أحطك فى السجن اللى باقي من عمرك كله
إسراء: باااس اهدوا دا شيطان ودخل بينا
مروان بسخرية: لا دا كتاب

جلس سيف بغضب وجلس مروان بعيدا عنه وإسراء فى حيرة من أمرها... أهذا من فعل الكتاب؟ أم شئ طبيعي بسبب المشاكل المتتالية