Endless Love [ProfxStudent]

Chapter 2

SHEVAYA

"Saan ka pupunta? Malapit na ang deadline ng Term Paper natin." hindi ko magawang salubungin ang tingin ni Lexie, siya kasi ang partner ko para sa gagawin naming Term Paper, ang kaso lang parang wala siya'ng paki-alam.

Kung hindi ko nga siya nakitang papalabas na ng room, aalis siyang parang wala lang.

May nasimulan na ako, pero kulang pa rin ito.

Narinig ko ang pag ismid ni Lexie. Nasa likod nito si Stacy, na kaibigan niya. At ang taong madalas manakit sa akin.

"You're smart, right?" huminto ito saka ako tinitigan nang mariin. Lexie is one of my bullies, ang malas ko nga naman at siya pa ang nai-partner sa akin. "You can do it alone, pig." napa-atras ako ng isang beses ng bigla itong lumapit.

I gulp and nod. Hindi ko magawang umalis sa harapan nila. Stacy's mocking me through her stares, si Lexie naman ay ang lakas ng loob ng kwelyuhan ako kahit mas matangkad naman ako sa kanya.

"Dare not to include my name on our papers, I'll make your life worst ever than before." pabalyang binitawan ako nito. Inayos ko ang uniform na nagusot, siya naman ay parang diring diri na nag buhos ng alcohol sa kamay.

Napabuntong hininga na lang ako, I gathered all my belongings and silently walk towards the exit.

Kailangan ko na itong madaliin, lalo na at next week na ang deadline. Marami-rami pa akong dapat na tapusin. Kailangan ko ring i-maintain ang grades ko kung gusto kong makapag-tapos.

Tiningnan ko sa bag kung nadala ko ba iyong biniling biscuit at 'yong tubig na pinabaon ni lola.

May dorm ang L.I.S, provided na nh school at ang sponsors mismo ang nagbabayad. Pero dahil wala ng maiiwan kay Lola, mas pinili kong huwag tanggapin ang dorm na inaalok nila.

Hindi ko rin naman kasi pwedeng patirahin sa dorm ang Lola. Isa pa, malapit lang naman ang bahay namin. O' baka nasanay lang ako sa paglalakad kaya malapit na para sa akin.

Madalas kasi akong mag lakad pauwi dahil sa sobrang pag titipid.

Hinanap ko muna ang librong kakailanganin ko bago tumungo sa pinaka dulong upuan dito sa library. Mas safe rito dahil walang mga tarantadong tumatambay. Madalas kong makita rito ay iyong tutok talaga sa pag-aaral.

Hindi katulad nina Stacy na kapag nakakita ng pagkakataon ay bu-bwesitin ako.

Habang nag-babasa ay paunti-unti kong kinakain ang rebesco. May pasok pa ako mamayang alas singko.

Nakakatawa ngang isipin na madalas akong malipasan ng gutom dahil sa pag titipid, pero hindi man lang mabawas-bawasan itong timbang ko. Kaya ako parating nabu-bully dito e.

Nang maubos ang kinakain ay mabilis kong ininom ang tubig saka itinago uli sa bag, tutok ako sa pagbabasa habang nagti-take down notes ng makita ko sa peripheral vision ko ang babaeng nakatayo hindi kalayuan sa pwesto ko.

Ibinaba ko ang hawak na ballpen saka pinakatitigan si Professor Salvidar na mukhang hirap abutin iyong libro sa pinaka dulo ng shelves. Kahit ako na matangkad ay mahihirapan talagang abutin iyon kung walang hagdan.

Isang minuto ko rin yata itong tinitigang mukhang asar na asar na.

Matangkad naman siya compare sa mga tao rito, nga lang. Mas matangkad ako.

Napalabi ako ng inis nitong sinipa ang bookshelves, tapos siya naman itong nasaktan. Tumingin ito sa paligid para siguro tingnan kung may nakakita ng ginawa niya, at ng alam kong dadapo ang tingin niya sa banda ko ay agad akong yumuko at nag sulat.