(#شمسين 🔥♥️)

البارت 4

بسرعه شيخ علي دگ صدره وگال :فصليتك حاضره17

عيوني طارت ليوسف وهو هم
يوسف: نعمم؟ دتسمع اللي اسمعه بدال ميگول اطلب مال الدنيا كلها نجيبه الك ويحاول ميجيب بنتهم لهنا
امير:وضع هالشيخ غريب !! محسيت بي فرحان ؟

منهل: هيي دحگولي على سامر ضحكته من الشگ للشگ شبي هذا قسم بالله مو ناصح!!
كلنا دحگنا وهو مثبت نظراته علينا ويضحك بمكر ويحك بلحيته
يوسف: متأكدين قبل ٣ ايام دفننا اخوه ؟
يارب يوم اللي ادفنك بيدي ياسويمر يحيوان مرمرت گلبي
انتهت الگعده والكل چان راضي ؏ اللي صار ماعدا واحد من ولد الشيخ چان مبين عليه الخوف ووجهه صار احمر وعرگ ومن گامو راح طاير للسيارة
واللي فهمته اخوان معّن مو جايين للفصل شهالصدفة معقولة ؟
12
الله اليوم الجو حلو مو يمه ؟
-ايي بنيتي واضح الشتا جاينا بقوة
-ههههههه ايي خلي يجي ياخي اشتگنا اشتگنا
-گومي گومي شوفي الباب اخوانج اجو اكيد
گمت بخطوات متثاقلة يوووه ادري ميعرفون يخلون باب مفتوح وراهم شسالفة

فتحت الباب ومتت خوف ..
-شيخ علي: شمس بنتي شلونج؟
شمس: هذا شجابه هسه ياربي معقولة مگدر يدبر فلوس الفصل وجاي ليمنا
اكيد اكيد شنو معقولة ..
هلا عمي اتفضل
فات عمي والصدمة مو لوحدة
ولده الاربعة كلهم وياه
ووجوهم متتفسر ورشيد چان معصب حيل وفات وهو ماكلني اكل بنظراته
شمس: ياربي سترك معقولة حيرجع معن للسجن.. لا لااا مستحيييل
رحت ركض وراهم واريد اعرف شكو
فاتو وجبتلهم مي وردت اطلع صاحني عمي اگعد

بهالاثناء فاتو عبد العزيز ومعّن و عبد السلام گعدنا كلنا
واحنه ننتظر عمي شعنده شحيسولف؟
ايي اكيد حيگول اريد بيت اخويه ابيعه وادفع فصلكم وانتو بالشارع اصلا مااستغرب ابد ليش شوكت رادنه هو من يوم اللي تركنا ابويه الايام اللي تطمن بيهن علينا معدودات ؏ اصابعي

شيخ علي: ولد اخوي انتو كلكم عزيزين عليا واني ما اسمح لاحد بيكم يتأذى او ينضر بس مرات تصير شغلات مو بيد الواحد .. سكت ورجع كمل كلامه اخوكم كلكم تدرون شنو سوا وشنو عقوبة اللي سواه
معن: عم شهالحجي اني ممسوي شي هو اتعرضلي يعني مو زين احنه اللي سكتنا عن حقنا

الشيخ: اسمع ابني گالها وهو يعلي بصوته
مال تفر علينا هالسوالف ماكو القانون قانون .. والقانون هو اللي طلعك عايل ولو يجي مدري منو هالشي ميتغير
مو زين عمك واصل وگدر يطلعك بواسطه واني بالگوه گدرت اقنع شيخهم نسوي فصل ونحلها بيناتنا

معن: عميي بسس!!...
:عبد العزيز: اسسكتتنت معن!! عمك ديحجي خلص سد حلگك ولتفتحه بعد
كمل عمي كمل
الشيخ: شيخهم طلع ابن حلال والحمدلله ما راد من عدنا فصل گال الربع ما اريده منكم
شمس: اووفف الحمدلله هم وانزاح عن گلبي (گلتها بهمس) واني الخفقان چان مسوي حفلة بصدري
الشيخ: بس طلبو غير شي واني اجيت اكللكم
طلبو من عدنا فصلية..

تستمر القصة أدناه

الكل باستغراب وامي دگت ؏ صدرها وهي تشهگ
اني مصدومة واحس كل اللي سمعته كابوس
دحگ عليا وگال : بنتي حضري روحچ باجر يجون ياخذوج

مو مصدگة اللي سمعته واحس العالم وگف ومااسمع غير بچي امي وهي تتوسل بعمي يحلها بالفلوس ومعن اللي خله ايده ؏ وجهه حتى يضم دموعه عبد العزيز الي عينه ما انشالت عني وهي صايره حمره دمم
عبد السلام: عميي عميي شنو ننطيي اختيي بيا قانون هاي صايره عمي دخيلك وحيدتنا هاي وامانة ابويه حافظ عليها
امي: ابو حسين شيردون شيردون بس گلي ! والله ادفع كلشي ولا هالسالفه تصير وين انطي بنتي وصغيره عمرها ١٩ سنه
احس الدنيا ضاگت بيه ومااعرف شحچي لا دموعي راضيات ينزلن ولا راضيات يروحن مغيمات بعيني و ؏ اي لحظة يرعدن
معن: خلص عمي اني راجع راجع للسجن هاي هي خلص بس اختي اختي تبقى متروحلهم
يحچي وهو يبچي ويرجف خوف ونظراته مره الي مره لعمي
سعد: يابه اني اريد احيّر عليها ميصير هيج هي بنت عمي ومو چنت حاجزلي اياها

صارن الصدمة صدمتين مصيبة ووگعت ؏ راسچ يـ شمس اني شصارلي شهاالحظ اليمي يعني لو فصلية لو اروح لهالزباله سعد !! والله لو اموت روحي هم مااروحله27

الشيخ: (بنتره وصياح) خلصصص گلت خلصص اني اللي امشي الاوامر هييّن شنو انتو ماتسمعون ماتسمعون الفصل صار وانتهى انت عن يا سجن دتحچي ويوجه كلامه لمعن
دحگ عليا وكال ترضين ترضين اخوج ينسجن وينذل وينهان ويكتله الجوع والامراض يحچيلي واني ارجفف ارجفف
يرضيج ؏ اي ساعة يقتلوه؟ ابن الشيخ مو ناوي يسكت ويريد حق اخوه ؟ شلون اني امشي ومخلي اخوچ جوا عباتي حتى ماينقتل ؟ ههااا؟؟؟
شمس: لاا لااا اسمم الله عمي شهالحچي خلص خلصص اني اني راضيه هاي هي والله بس اخواني لحد يمسهم بشعره .. گلتها واني ارجف والغصة خانگتني خنگ

                           يتبــع