(#شمسين 🔥♥️)

البارت 1

البارت الاول

غرفة باردة ..ظلمة ومبيها اي صوت ماعدا صوت التبريد اللي حياكل راسي من برودته
تنهدت بصوت مسموع وسحبت باكيت الجگاير شفته مخلص وبديت اسب والعن بمادري منو
رجعت تمددت ونظراتي لسگف الغرفة وراسي صاير طبل
فجاة واسمع صياح قوي بالبيت وصوت بچي وصراخ
طلعت ركض
لارا : اميرررر تعااالل الحكنااا ولككك ويينننككك يااللله
امير: نزلت ركض من الدرج ووياي المسدس عبالي صاير هجوم او شي واگمز گمز
فجأة سمعت صوت وشخص بصياح  حچه
يووولل ابن عمك ماااات
واني واگف بين المصدوم المرعوب مادري شصارلي
بالي كله راح على يوسف لان هالحيوان دائمًا مخوفني ويطلع وحده وعيشته مراقبينه وملاحگينه يردون يخطفوه
امير: ييمممهه يوسفف!!! هو مووو؟!!! واحچي بصوت يرجف واول مره اخاف هيچ عليه
ترفه : لاا يمه لااا يول قاسم مسوي حادث ومات
امير: شنووو!!! بقيت فاتح عيوني بين الممصدگ وممستوعب حادث ايشش! موت ايشش؟!
لكك لسه قبل ساعتين متعارك وياه!
58
...
قبل اربع ساعات من الحادث
رقية : اميير وتالي وياك ترا روحي طگت ومداتحمل بعد لشوكت امك واخواتك يتحكمن بينا ها
امير : ياخرااا شقصدجج يعنييي اني عربانة دفع وياهو اليجي يدفعنييي هااا شقصدجج!؟!!
رقية: حبيبي تعرفنيي شكد احبك واموت عليك والله بس كل مشاكلنا تعرفها بسبب من
امير : هه ايي اعرف بسبب من تردين تعرفين!؟
رقية: شنو !!
دحگت باستغراب
امير: شوفي وراچ عيني الحياية اللي مسطرين ؏ الشبابيك
رقية: صدت لورا ورجعت نظرها الي ومخليه ايدها ؏ حلگها
امير : يلا رايح اني وانتِ ابقي زعلانه ببيت اهلچ
رقية: ويييننن تروح ويين عايفني صارلك خمس ايام ولا تسأل ولا تگول شسوت مسوت وبنتنا بنتنا تجيبهااا يمي مشتاقتلها ادري شنو تحرمني منها بس لان اني زعلاننهه
امير:من ترجعين عقلچ لراسچ وتبطلين تنجرين ورا هالحياية ساعتها ارجعج للبيت

رقية: لكك امييررر ؏ منووو دتحجيي حيايه هاااا ؏ منوو اميي واخواتييي!!
امير: هه ليش غلطت يعني
قاسم: رقيييههه شكووو شديصيررر منو الحيايه منو اليغلط ؏ امي واخواتي
امير: اههوو صار حنّينّ الشفيه عمي لتسوي مشاكل وصوتك نصي من تحچي وياي لا اكسر راسك سمعتت
داحچي وكلي هدوء ومخليه عيني بعينه
قاسم: لكك دتحجيي وياييي ياحيواان وياي اني هالحچي نسيت اني ابن منو وانت ابن منووو لك اني ابن الشيخ وتاج راسك

امير : اللهم طولچ ياروح زين حبيبي دام كلمن يعرف اصله اني رايح مع السلامة
جرني من سترتي بتثاقل وبالگوه يمشي عرفته شارب وواصله وياه للضالين
امير: وخر حبيبي مالي خلگك وخر
قاسم: ههه ليش ليش تعبان من السهر وي النساوين والمسربتين مثلك مسوين روحكم ضباط

امير: لكككك قااسممم لساننك لا اگصه حيوووااان
حچيت بنتره واعصاب وروحي محروگه ميت من التعب وانوب هذا زودها عليا
الله ياخذك امير وياخذ الساعة اللي ناسبت بيها هالناس
عود بيت عمي وخبصه هه الله لو ماخذلي بنت شارع چان احترمتني اكثر ومخلت طرف ثالث

تستمر القصة أدناه

دفعته بعيد عني ريحة العرگ موتتنييي شگت راسي شگ
وهو شارب الا مطعسس بيها وگع بالگاع وصار يرفع بروحه ويهدد واني ابن الشيخ واختي مترجعلك ومن هالحچي
طلعت وعفته
رجعت للبيت تمددت بفراشي حاولت انام لحد ما مرت هالساعة
..الواقع
امير : مادري ابچي احزن افرح بس گلت بگلبي الحمدلله
مادري يجوز انانية مني ومحد يستحق الموت
بس الحمدلله مو لأن مات الحمدلله مو يوسف اللي راح بيها
طلعت للبيت بسرعه واركض صعدت بالسياره
واحاول اتصل بالولد محد يجاوب
شوي ودزلي منهل رسالة
منهل : احنه بالمستشفى الـ****

رحت بسرعه لهناك ولگيت الأمه عالگه
هذا اليصيح هذا اليبچي وامة مُحمد كلها ملتمة هناك وشرطة وكلها
تلگاني منهل وعيونه مبين چان يبچي
منهل: امير عميي عميي ماادري شبي دروحله بسرعه
عمي الشيخ حمد ابو قاسم اللي ماخذ بنته اني ويصير اخو ابويه بس مو اللح يعني جدي متزوج نسوان اثنين

ابويه مات من وكت حيل وخلانه احنه بوحدنا
رغم عمامي مچانو مقصرين بس يبقى مكان الأب محد يسده
داركض بالممرات وريحة المستشفى تلعب نفسي منها بس قاومت وطبيت ادور لعمي
شفته مخلي ايده ووجهه ؏ الحايط ويبچي

اول مره اشوفه بهالحاله بس ابنه بعد
اني افشل شخص بالمواساة شخص فاشل لدرجة مااعرف اواسي اليمي ولا احچيله كلمتين تطيب خاطره
خليت ايدي ؏ وجهي وفركته قوي اتذكرت موت ابويه
وموت ربعي اللي چانو اعز من روحي عليا

ماعرفت شحچيله بس تقربت منه
وگتله
عمي محتاج شي؟
هه يمكن اسوء ٣ كلمات شخص يكولها لواحد فقد ابنه هسة
بس ماعرف ماعرف شحچي
دحگلي ومسح دموعه وگلي
اريد راسه امير اريد راسه
بقيت مفهي ومااعرف شيقصد منو هو شنو شكو
رجعت خطوه لورا وصاح بيه
ولكك هذا الساقط هو اللي دعم ابني
اريد يتخ بالسجن مااريده يطلع وصار يحچي بصوت عالي خله كل الولد يجون يمنا
طلعت ركض للضابط اللي چان مسؤول عن هالقضية