(#شمسين 🔥♥️)

البارت 97

- متضحك ترا
- احبچ ترا
-واضححح
- يلا حبيبي يلا
- شنووو
-شوفيني مگفاچ
-اطرد بعد اطرد صوچيييي اني
- يلا مااحب الوداع والله اعذريني
- هو انت منو ترضى بيك يحظي لا رومانسيات مثل الاوادم لا سوالف حلوة شاطر بس بالانحراف
3
-هسه يدورن انحراف حبيبي هيچ سوالف ماتوكل خبز
- هه لتحلم زايد وخر خلي اروح
- بدون بوسة؟
- عشتوو مو متحب الوداع
- يلااااا بسرعة
ههفففف مااشيييي .... هاي بوسه

- عفيه بالشطورة وهسه يلا نزلي حبيبي يلا

- الله يساعد الراح يگابلك شهر
- هنيال اهلچ
- اويي تخجلني باخلاقك

- ماعندي .. اههوووو رحمة للكائنات شگد اتصلتووووا

- اميييررر شهالحالة انوب سوي موبايلك صامت ترا لعبت نفسي
- ماشي
- عود زعل
-ويييين زعلتتتت!! شجاوبچ يعني

- ماشي دير بالك على نفسك
- ههفففف تمام
-شبيك
- احبچ .. اذا احتاجيتي شي خابريني

- هو انت وينك حتى اخابرك
- وك خليلي رسالة
-تمام تمام

نزلت من السيارة وسدت الباب بكل حيلها
- بگد الثورر ومتعرفين تسدين الباب عدل17

- لااااااتغلط والله اكسره هسه
- اي يلا نعتذر
-اگلك
- ساعة بالسيارة وساعة نحچي بالشارع ..ها گولي1

- عابتتتت هو انت منو معبرك غيري ويسولف وياك3

-والله هم صح وولا اريد غيرچ
-المهم .. گد وعدك

- ان شاء الله
- ماشي انتظرك
-يلا فوتي جوا حتى اروح

ابتسمت بعيون مدمعة وطيرتلي بوسة بالهوا وفاتت جوا
رحت وكل هموم الدنيا صارت بيه .. اختنگت حيييلل بس نزلت من السيارة ولو بيدي مااخليها تنزل ونبقى نسولف يوم كامل بس اتأخرنا حيل

اتصلت عليا وسدت الخط راسا دزت رسالة
- ماكو شي ولتجاوبني كاعده وي اهلي بس حتى تتعود ؏ الاسم
ضحكت على سوالفها وخليتها كل شوي تتصل وترجع تسده تتصل وترجع تسده5
____
طلبت منّي أن اسجّل اسمها في هاتفي " الفراشة"
وكانت كلّما اتّصلت بي، أقرأ على شاشة الهاتف عبارة لطيفة
" الفراشة تتّصل بك "
كان شعوري يتجلّى في خيالٍ سريعٍ
قلبٌ كمصباحٍ يكادُ ينوصُ، وصوت نقرٍ على زُجاجه."7

____
ودعته وسديت الباب وراي وظليت اهف لروحي حتى اخفي دموعي واتنفس على كيفي حتى اشيل التوتر مني ونغزات گلبي .. وخوفي عليه
فتت لبيت اهلي شفت امي وشهگت مچانت متوقعة ولا واحد بالمية اني اجيهم
- بسسمم الله ششممسس!!
ركضتلها وحضنتها حيللل وگمت ابچي
- يممه صاير وياچ شي سوولچ شي
- لا يمه بس مفتقدتكم
مادري اذا صدگ اني بچيت على بيتنا .. واهلي لو بچيت على امير اللي راح واني مااعرف شضام عني ولا مرتاح گلبي لسالفة التحاق

فتنا جوا ولگيت بس معن موجود
حضني نفس حضن اخر يوم النا .. لمن ودعني وهو كله تأنيب ضمير انهُ بسببه صارلي هيچ
وحضني مثل اول يوم شفته بفاتحة جدي
حضنه ابد مايختلف
اعرفه اني هذا الحضن .. حضن الاسف وانك دتعتذر لاحد بحضن
بادلته الحضن بس مابچيت .. لأول مرة احس بشعور غريب