(#شمسين 🔥♥️)

البارت 27

رقية:عوفها سامر ختولي الفصلية هاي
نسيت منو سامر وشكو جاي
رحت سألت خالتي وگالت اخوها اللي ؏ اساس... وسكتت
شمس:
- اها اللي ؏ اساس ياخذني
- ههههه الحمدلله مصرتي يمه
- ليش رفض ياخذني؟
- والله يمه مادري بيوم وليلة صار يصيح ماريدها
- ااممم عجيب
- ليش يمه سوالچ شي سمعچ شي مو حلو
- لا لا خاله اصلا يمكن ما شافني بس ظل بالي منو هذا اللي فات ؏ البيت بغياب الولد وطلع ابنكم
- ههههه الله يصلحهم
- ااممم4

داشتغل واني ميته من الخوف نظراته وحركاته الي
واتذكرت لبسي وشلون داتعلك وشالي رافعته بس ؏ شعري ورگبتي كلها مبينه
ااووفف ياربي سترك مبيه حيل21
رُبى: شبي الحلو ديحچي وي نفسه
- ههههه لا ولا شي
- سولفيلي بيج شي
- رُبى هالولد ما ارتاحيتله ابد
- يمه منو
- هذا سامر مدري شسمه
- ههههه ؏ گولت صافي والولد سويمر
- بالله مو مبين مو راحة
- يمعوده شدتحچين منو من ولد الشيخ راحة
- خطية الله يساعد الشيخ حينزلون صيته بالمنطقة
- مستخطيه الشيخ؟
- حيل احسه مادري انسان حباب ومتواضع صح كسر ظهري بهالطلب بس حقه يلا الحمدلله عفى عن اخويه
ظلت ساكته وتدحگ باستغراب وصافنه بيه
- شبيج ؟
- ولا شي حبيبتي
- ياا رُبى شهالنظرات
- لا لا بس دخت شوي وجتني الصفنه يمكن السكر نزل
- هههههه من مدحي لشيخكم؟
ابتسمت وگال
- يمكن
انتهى اليوم وچان يوم مليان تعب وشغل
رجعت لغرفتي
الله الراحة والطمأنينة..
فتت سبحت وتأخرت حيل بالحمام چنت مسترخية بالمي الحار
تقريبا بقيت بالساعة واتذكرت هسه امير دازلي شي خلي اطلع
طلعت اگمز نشفت جسمي ولبست ملابسي وعطر ولگحت نفسي ؏ الچربايه
فتحت الموبايل ولا اشعار جايني منه ..
ضجت حيل مادري ليش
معقولة لان گتله لتدزلي بعد!
بقيت للـ٢ وماكو اي رساله منه
انتبهت مفعل اخر ظهور وچان تقريبا بالستة ونص المغرب
ظل بالي يمه مو من عادته
ظليت اتگلب بالفراش والف فكرة براسي
فجأة صوت اشعار فزز گلبييي بسرعة فتحت
چان اشعار من يوتيوب
اختنگت وطفيت النت ورجعت اريد انام ماگدر
گمت للكنتور ماله اللي ممنوع اتقرب منه
ومگدرت افتحه مقفله
رحت للميز وشميت عطوراته
ااممم لا بأس بيهن
خليت منه على اماكن النبض
وچان قوي حيل
رجعت اتمددت واشم بالعطر لحد ما غفيت
1
يوم كامل وانا مدزيتلها شي .. ردتها تخاف وتحس بقيمتي
ردتها تبادر وتدزلي هي
ردت احسسها بقيمة مذكراتي اللي مو عاجباتها
مفتحت ابد بس دخلت لغيت احفاء اخر ظهور وخرجت
كعدت تقريبا ساعة ٦ وچانت سادة بالـ٣:٠٧
نار وشعلت بگلبي:
ويا من سهرانه .. ورجعت اني اللي اتندمت مادزيت
1
گعدت الصبح متأخرة وركضض اكيد دزلي شي
الخيبة الثالثة : ماكو اشعار منه
خفت حيل ودخلت شفته فاتح قبل ساعتين
يعني مابي شي !
كرهته بالزايد
ونزلت جوا اكمل باقي يومي26

لليل واجت رقية وهنا .. حدث ما كان بالحُسبان
رقية: اييييه بنات اخر وكت مستعرضات بجسومهن ويطلعن گدام الرايح والجاي
لارا : بس لا دتحچين عن جارة اهلج عفية كافي
رقية لا يعيوني داحچي عن جارتي
محد فهم قصدها الا اني
اني جارتها بالغرفة
والمقصود اخوها
خفت حيل من خبثها وماردت ابين الها
صعدت فوگ وكلت لازم احچي لامير قبل ما هي تحچي والله اعلم شتطلعني
دگيت عليه مرتين ومجاوبني بالثالثة فصل الاتصال ودزلي
- يمي شغل بعدين
- لااا مهم حيل جاوبني
- باچر ارجع ونحچي بي
- لا امانه اسمعني هسه
- داگلجج مشغووول !

مجاوبته وكرهت روح روحي لان نزلت روحي اله
اكيدد ياربي اكيد حتحچيله غير شي وابتلي على عُمري
يوسف: شمس دتتصل
- خليهااا ..كمل دكتور
- جاوبها خاف محتاجة شي
- يمعود اكو غير مشاكلهن المتخلص .. ااخخ دكتور على كيفك
- رجعت اتصلت كل عقلك ؟ اجاوبها اني؟
- يوسفففف گلت لاااا
- تنجاز
دگت للمره الثالثة ودزيتلها يمي شغل بعدين
بقت تلح ومقبلت اجاوبها ورجعت دزت .. اكيد زعلت
الدكتور : كملت الجرح بس راح اكتبلك على علاج لازم تاخذه حتى مكان الرصاصة ميلتهب ..

ꕥꕥꕥꕥ         يـــــــــــــتـــــــــــــبــــــــع       ꕥꕥꕥꕥ