كل شي إلا انتَ حبيبي
حسرة الدنيا وعذابي
وشيب راسي ولا حَسرتك
فراگ الوجوه
العشت وياهه عُمري ولا فرگتك
طعنة أصحابي وهلّي
وكِل الخناجر من يحطن
فوگ ظهري ولا طعنتك
خل افارگ ضحكتي
الما منهه رجعه ولا ضحكتك .3
____
﮼شمسين ﮼لغسق،العلي
__
وصلنا ومن بعيد شفت سيارته وارتاحيت .. بس گلبي بعده ينغز بيه
ومو مرتاح
لمن وصلنا السيارة .. چانت فارغة ومبيها اي احد
شفنا رجال واگف وعرفناه هو نفسه اللي جاوبنا
سألته عن السيارة وصاحبها .. گال ماعرف اني بيتي قريب من هنا وجنت طالع لمحل ورجعت .. حتى هاي الغراض اللي اخذتها اذا مو مصدگ
چان مبين عليه رجال من اهل الله وزين ومعنده هالسوالف اصلا
فتشنا السيارة گلبناها گلب لگينه بس السيم كارت مال الرقم الثاني والموبايل ماكو .. عطره ماكو .. اي شي يخصه ماكو بالسيارة
لمن حسبنا وحسبنا .. وشفت حرارة السيارة وچانت باردة اصلا
عرفت انهُ احنه فقدنا امير صار فوگ الساعة
چان اوحش موقف امر بيه .. چنت ماگدر اخطي خطوة اذا مو امير وياي
ما اسيطر على موقف اذا ما امير يگلي هيچ وهيچ
مو لان هو خبره وهو احسن مني ولا اله دخل بالمقارنات
بس من يومنا واحنه ما نمشي خطوة دون بعض
گعدت بالشارع وارتچيت ؏ السيارة
وخليت راسي بين رجلي وصرت افرك بشعري ..
وافوت اصابعي بين شعري واطلعهن
حركة امير اللي مايعوفها من يضوج ويتوتر ..
حسيت بشي حااار على خدي وغوشت عيني
نزلت دموعي عليه لان مااعرف عنه شي
والملامة اكلت روحي اكل .. حسيت كل اللي صارله بسببي
واصلا مو حسيت .. اساسا اللي صار بسببي4
دحگت يمين ويسار ومو عارف شسوي؟
شلون الگا امير بدون ما امير يگلي سوي هيچ وهيچ ؟
خابرت كل اللي اعرفهم .. فرق الاسناد والقوة وكلشي
اقل الساعة وصلونا
طلعنا سوينا تفتيش وتمشيط لكل المنطقة
وبكل متر امشي وامير مو وياي احس ايدي تتشنج وتخدر .. ورجلي بالگوه حاملتني
راح صوتي واني اصيح بإسمه .. اختفى امير ..
المشكلة ذيچ المنطقة مبيها ولا اي مستشفى ولا اي مركز ممكن الواحد يمره لو صارله خطر ..
يعني حتى لو صايرله شي منعرف وين راح واخذوه
اربيل ؟ كركوك؟ صلاح الدين ؟ وغيرها وغيرها
عممنا خبر لكل المستشفيات اللي ممكن يروحلها والمراكز والطوارئ ..
صارت الساعة 8 ونص ولو طرف خيط ما وصلنا
وصل الخبر لـ خالد ( اخوه) واجه هو ومنهل وابويه3
تستمر القصة أدناه
بهالوضع هتان ما سكتت بالاتصالات
جاوبتها وانا صوتي رايح وما الي خلگ حتى احچي ..
- سمعت باللي صار حجيت ويا شمس؟
- لا شحجي وياها شكوللها ؟
- ممكن تعرف اي شي او حاول يتواصل وياها خلي ننطيها خبر
- لا لا هسه بنص اهلها شتسوي تفضحنا
-يوسف مو وكت تفضحنا ونفضحها بلكت تعرف شيي او تعرف وين يروح شيحب اي شي مادري
- ماشي وابقي وياها
ما چنت اريدها تسمع او يكون يمها خبر ؏ الاقل لحد ما نعرف عنه شي ..
مرت ساعتين واحنه مطوقين المناطق من الطارف للطارف
واي شخص يجي ينطي رأي ويروح .. محد مقتنع باللي صار ابد
رحت اجيب مي للولد وابويه تعب حييل
جبته وجيت مشي لان قريب علينا
اجاني اتصال وبسرعة جاوبت وگلبي احسه يريد يطلع
من بعد السلام والرسميات ..
أنت تقرأ
(#شمسين 🔥♥️)
قصص عامةقصــه جـديـدة 🌷💥🍒 (#شمسين 🔥♥️) #صلو_على_نبي_الله_محمد_وال_محمد_اذكرو_الله #قراءة_ممتعة🍒💥
