(#شمسين 🔥♥️)

البارت 74

    ⁃    ايي سيدي عادي احچيلك وياها
    ⁃    ياريت والله ؏ ابواب امتحانات هي واني مااگدر اثق بأي مُدرس خصوصي

    ⁃    هي يا صف ليش؟
    ⁃    رابع
    ⁃    سهلة اليوم احچي وياها ان شاء الله ومن باچر جيبها
    ⁃    احچي وياها بالأول اذا وافقت الله كريم
    ⁃    لا لا توافق هي تحب تدرس بس غير الظروف والتعب
    ⁃    ايي ان شاء الله عجل

گام العميد وبقينا اني ويوسف بس
    ⁃    امير :شعجب ما انطيت رأيك بالموضوع
    ⁃    يوسف:عادي شگله لا تدرسها
    ⁃    اكيد المحروسة گالتلك قبلها بيوم
    ⁃    انت لا تظل ملاحگها ايي گالتلي شتريد
    ⁃    اعصابك يابه بعدكم اصدقاء وهيچ گلبت عليا3

    ⁃    ما گلبت عليك انت اللي مو طايقها

    ⁃    ابني اني مو طايق علاقتكم روح اطلبها من ابوها وبطل هالتصرفات

    ⁃    دتحسسني اذا رحت وطلبتها ابوها راح يگلي اخذها بملابسها بالله شدتحچي انت
    ⁃    وك وشراح تسوي يعني تبقى ؏ هالحال؟؟
    ⁃    وشبي هالحال اني عاجبني

    ⁃    اذا عاجبك معناها هم عاجبها؟ طبعا لا
    ⁃    اي عاجبها خلص

    ⁃    تنجازون شكو حارگ دمي عليكم
    ⁃    شلون صرت

    ⁃    يعني شبيه اني كلها تسألني شلون صرت
    ⁃    شبيك امير ! صوچي وحق القران
طلع يوسف وهو ضايج اعرفه ما ضاج لان هيج گتله هو ضاج على موضوع هتان واعرف كلش زين هالموضوع
ياكل ويشرب وياه ومو بيده شي ولا يگدر يسوي شي بس خايف عليه ومو گادر اتحمل اللي ديسوي ماادري لوين راح يوصله هالطريق بس ياريت نهايته تعجب
يوسف صار يشتغل زيادة عن اللزوم وصار ياخذ ساعات إضافية واني اشوف التعب بملامحه وهو مكابر
صار ما يطلب اجازات حتى لو ميت من التعب ومريض وهو اللي چان اذا يگح يگول راح اخذ إجازة واني اعرف17
وهو يعرف هالشي كله لعيون هتان وحتى يكبر بعين ابوها اكثر واكثر ويتقرب منه ..
مر اسبوع وبنت العميد تجي وتاخذ دروس يم رُبى الوضع طبيعي بالبيت وحالتي تحسنت اكثر ووجع الراس عافني
علاقتي وي شمس كل ما دتتحسن ترجع للصفر واحس مااعرفها بعد .. رُقية صرت مااشوفها چثير لان اغلب
الاوقات نايمة واذا گعدت مااسمع غير صياحها هي وشمس
صرت ارجع متأخر حيل من الدوام وابقى نايم جوا مااصعد هالشي مضوج شمس ماادري ليش وهي اصلا متريدني
مع انهُ چنت من ارجع تعبان اجي اريد ارتاح يمها افوت تسوي روحها نايمة
اظل احاول اسوي ضوضاء بالغرفة ولا يمها وهالشي يثبتلي اكثر هي گاعده بس ماعرف ليش هيچ تسوي بيه
مرات اجي اظل اسولفلها وهي ولا يمها
من نكون بمكان اني وياها بسرعة تطلع منه
من اسولف وياها تسوي روحها دتشتغل ومايمها مجال
صرت اعوفها براحتها ومرات ماارجع للبيت
مرّ اسبوع واني بعدني يم وعدي الها انهُ مااشرب بعد من رُقية