(#شمسين 🔥♥️)

البارت 87

3
گلبي نغزني ومبين من صوته وملامحه چان يحچي وي بنت
شافني وضحك
    ⁃    چان اجيتي اكلتي ويانا وين چنتي
    ⁃    بالعافية اكلت
    ⁃    وين ماكله دشوفي شصايره من القراية
    ⁃    ايي وشسوي انفخ روحي يعني
    ⁃    اعصابچ عاد شحچينا
    ⁃    امير: هسه انت شدخلك تتحرش بأختي عوفها بحالها
    ⁃    يوسف: هههههه اكو احد يتحرش بطالب سادس؟
1
هو كالها واني مااتحملت وانفجرت بچي وصرت اشهگ واحس مو گادره اتنفس حتى
امير گام بسرعة من مكانه واجه حضني قوي
    ⁃    امير: ها شبيچ كل عقلچ دتبچين؟ ترا يتشاقه هو

    ⁃    يوسف: يابه اسفف والقران مااقصد شي شدعوه هيج تتحسين
    ⁃    شمس: يوسف اسكتت لتگعد تبرر شكو هيچ تشاقيها وهي تعبانة
    ⁃    يوسف: ها شمس گلبتي عليا بسرعة
    ⁃    لارا( ببچي وصوت مخنوگ): امير انت تعبان؟
    ⁃    امير: لا يروحي مو تعبان والله خلص مسحي دموعچ
    ⁃    لارا: ليش امسح دموعي هنه مو ينزلن لمن اكون قوية المفروض؟
    ⁃    امير(بهمس محد يسمعه بس لارا ): ينزلن لمن تكونين بمكان محد ينظرلچ بنظرة شفقة .. ولا يحسسونچ انهُ انتِ مكسورة ، خليهن ينزلن بينچ وبين نفسچ ، شايفه من توصلين لمرحلة حتى نفسچ متعرفينها ؟ ولا تعرفين شنو تريد ؟ من توصلين لمرحلة تگعدين تعدين خساراتچ خسارة خسارة .. تعبچ ، تعب ورا تعب وتشوفيهن تعدن اصابع ايدچ هنا حضني روحچ وابچي لان اذا ما بچيتي حتضعفين
1
    ⁃    لارا: اي تمام خليني ابچي اني هسه هم حاضنه روحي
    ⁃    امير: ههههه يولي انتِ اغلى من روحي والله
11
باس راسي ومسح دموعي ورجع حضني
    ⁃    امير: يوسف تعتذر منها لو ادفنك؟
    ⁃    يوسف: ياابه والله اسففف لارا ترا قصدي طالب السادس قوي محد يگدر يهزه انتِ بشنو حسبتيها
4
    ⁃    امير : اول شي سد الاتصال خلي نحچي حچي اهل وثاني شي اذا حاچيتها وبچيتها انوب اعدمك
    ⁃    يوسف: حچي اهل ها .. ترا هو هم من اهلنا
    ⁃    امير : هو ؟ متأكد هو مو هي؟
    ⁃    يوسف: يعني هسه شتريد حبيبي
    ⁃    امير: الله يساعدها بس
هسه عرفت واتأكدت يوسف مرتبط ويحب .. لا وشمس تدري وامير هم
بگلبي گلت :
( يارب وحدة تسعده وتريحه .. وحدة يحارب وياها كل الدنيا مو تحاربه هي والدنيا )
22
سد يوسف الاتصال وگعدنا واني بالي مو يمهم ابد
ورا نص ساعة صارت مغرب طلع يوسف للمقر وامير نعس وگال حصعد انام فوگ
استغربت من شمس بقت ما صعدت وياه
وريم راحت يم امي بقينا اني وياها وشوي واجت
رُبى بقينا گاعدين ونفضفض لبعض بس كل ما نريد ننسى اللي صار نرجع نتذكره مو بإيدنا هالشي

    ⁃    لارا: شمس يعني اكيد هسه امير مبي شي؟

    ⁃    شمس: ايي ايي لتخافون سهلة

    ⁃    رُبى: هي شنو السهلة اذا بي شي گولي؟

    ⁃    شمس: ههففف والله اكو بس اوعدوني متحچون لاحد

    ⁃    لارا: دسولفي انوب تدور وعد
    ⁃    شمس: لارا ححچي مو تصيحين بوجهي وكلها تسمعنا
    ⁃    لارا: دحچي شمس مظل بيه حيل