(#شمسين 🔥♥️)

البارت 112

- اسف مو بقصدي اصيح عليچ
- عادي
- مو عادي ولتگولينها .. اذا يمچ عادي يمي ابد مو عادي
- شگول يعني
- مادري گولي الصح
- هه مو كافي اني الاگوله ! ما جربت تگوله انت لمرة وحدة
- شوكت چاذب عليچ !!
- مو چاذب .. سولفلي ؏ الاقل لغز ريم
- لغز ريم شنو هذا انوب
- ههفففف
رفعت عيني لفوگ وصرت اهف عليها وامسح على كيفي حتى متنزل دموعي
لان اذا نزلن شيسكتني ..
- مادري اني داسألك لو اعرفه ما اسأل

- زين واللي يعرف يجاوب بس..
- اي خلص يجاوبني

اخذ نفس قوي وگال :
- اي اي تمام
- ههفف شبيك هو شنو التمام اسمع بديت اتنرفز والله
-بابا داگلج خلي اشوفچ ..واحچي

بلعت ريگي وحسيت بغصة ..
- الموضوع يخص ريم مو
ماجاوب وهيج صار يتأفاف رجع وگال

- اگدر اشوفچ لو لا ..
- لا
- لو تريدين چان حاولتي !!
- ما اريد اجازف وتصيرلك مشاكل
- واني مداجازف بيچ ترا .. وافقي والمكان عليا
- ماعرف مو متطمنة .. ممكن تحچي باتصال .. ؟
__
أيست انو اشوفها واحچيلها وجه لوجه وچنت مجبور اسولفلها هيج ..
- ماعرف منين ابدي ..
- انت متحب اللف والدوران .. ياريت هم تحچي وياي بشكل مُباشر ..
- ماشي اسولف وانتِ سمعيني بس ..

داسمعها دتاخذ نفس قوي وكأنها تعرف ودتحضر روحها لصدمة ..
- ابدي من 2013 .. ما راح اذكر التفاصيل الهواي ولا اي شي
مو لأن اريد اضم عليچ .. لا ما اريد تضوجين واصلا شي وانتهى ماله داعي

- لا ممكن تبدي بالتفاصيل اول شي !
- ااممم .. اسمعي چانت اكو بنية .. وچنت يعني هيچ
- تحبها؟
- يمكن
- اي تحبها كمل
- شمس!!
- سكتت
- ههفففف نأجل الموضوع لبعدين؟
- لا ممكن تكمل
-بدا الموضوع من يوم چنه اصدقاء .. بقينا سوا لفترة مو قصيرة ابد
صارت ظروف الها وتركنا .. بقيت كل يوم انتظرها على أمل ترجعلي بيوم
اچذب عليچ اذا اگلچ ما حزنت او ضجت .. لا بالعكس لان چنت اول مرة امر بهالتجربة وچنت بعدني مو من النوع اللي يتحمل كلشي ..
المهم تقريبا مرت اشهر لهالسالفة ورجعت من جديد
وبكل مرة جانت تصير مشاكل وتعوفني وترجع .. مادري شهالعقل اللي اني چنت بي لدرجة هيچ يمي عادي ومخليلها باب گلبي مفتوح وبكل مرة انطيها فرصة وتذكرة دخول وتفوت ..
بيوم هم عافتني واللي هذا چان الغياب الاكبر .. سنة ونص ورجعت دزت صافي وما خلت عذر ما گالته اله .. وطبعا صدگتها
ورجعنا سوا .. بس  بكل مرة چانت تروح وترجع چنت احس اكو شي ديقل تجاهه
لمن رجعت چنت متزوج اني .. وردت اخطبها واتزوجها وچانت بكل مرة تأجل وتأجل ..
چنت اظن متوترة او انها ما تعرف بشنو تفكر بس للاسف چانت مرتبطة ..
ولمن رجعتلي تركوا يعني هي ما خانتني وياي
بس ذاك ما قصر بساعة بس گدر يشوه سمعتي يمها وانو اني اسولف عليها ومسويها مو خوش ادمي ورجعوا سوا والشي الحلو انهم لسه سوا .. يعني ذاك ما قصر چنت اظن انها بنية اللي سولفتلها بس لمن عرفت الولد اللي سولفلها چانت روحي چازه منها وما اريدها ولا اريد قربها
وهي ؟ يعني هي صدگت بدون حتى لا تجي تسألني
بقت ساكتة شوي وگالت بصوت يرجف ..
- وينها هسه من حياتك ؟
- ما تعنيلي شي والله .. ولو تعنيلي ذرة بس  مچنت راح اكون وياچ او انو داحچي وياچ هسه.. بس..
- بس شنو هو اني اريد هالكلمة اللي تطلع ورا بس .. هه لان كل الموضوع يمها هناك ..
- اقصد انو بس بعديش.. بعد ما سميت بنتي على اسمها !